InfoHub Logo

ءبىر كۇنى جۇقا ايەلىمەن ۇرسىسىپ قالىپ، ايەلىن تاياقپەن توپەشتەي جونەلىپتى. ايەلى ويبايلاعان قالىپتا كورشىسىنىڭ ۇيىنە قاشىپ بارىپتى. وسى كەزدە بۇل ۇيدە توي بولىپ جاتادى ەكەن. جۇقا توي بولىپ جاتقان جەرگە ايەلىن ارتىنان قۋا كەلىپتى. ءۇي يەسى مەن قوناقتار وعان باسۋ ايتىپ:

— ءوزىڭىز بىزگە ايەل ادامنىڭ اقىلى قىسقا بولادى دەۋشى ەدىڭىز عوي، قويىڭىز، قايتەسىز ونى، — دەپتى. جۇقانىڭ بىرتىندەپ اشۋى باسىلىپتى. ءۇي يەسى جۇقاعا قاراپ:

— جۇقا مىرزا، سىزگە قاتتى ۇياتتىمىن، بۇگىنگى تويعا ءسىزدى شاقىرا الماي قالدىم. بۇگىن كىلەڭ جاستار كەلەدى، ولاردىڭ شۋى كوپ، مازاڭىزدى الار دەپ ويلادىم. كەلىپ قالعان ەكەنسىز، تويدىڭ تاعامىنان اۋىز ءتيىڭىز، — دەپتى.

تاعامدار تارتىلىپتى، جۇقا تورگە وتىرىپ الىپ، تاعامداردان تارتىنباي جەي بەرىپتى. الدىنا پالاۋ كەلگەندە ارت-ارتىنان قاربىتا اساي ءتۇسىپ، تاباقتىڭ وزىنە قاراعان جاعىن ءبىر دەمدە تاقىرلاپ جىبەرىپتى. سونان سوڭ تاباققا تەسىلە قاراپ وتىرىپ:

— ياپىر-اي، الگى قاتىن قايدا بۇعىپ الدى ەكەن، قولىما تۇسسە قۇلاعىنان ۇستار ەدىم دە، مىنا تاباقتاي اينالدىرار ەدىم-اۋ، — دەپ تاباقتىڭ تاقىرلانعان جاعىن تايقىتىپ جىبەرىپ، جەلىنبەگەن جاعىنان تاعى اساعالى تۇرىپتى. كوپشىلىك كۇلىپ كەتىپ:

— جۇقا مىرزا اشۋلانعاندا دا قالجىڭىن تاستامايدى ەكەن-اۋ، — دەپتى. جۇقا تاماقتانىپ بولىپ ءبىر شىنى شايدى قولىنا الىپ، كوپشىلىككە:

— مەن بۇل جەردە بۇگىن توي بولاتىندىعىن، تويدا مەن ەڭ جاقسى كورەتىن تاعامداردىڭ دا اكەلىنەتىنىن ءبىلۋشى ەدىم. ءبىراق بۇلار مەنى تويعا شاقىرمادى. سونان سوڭ ايەلىممەن اقىلداسىپ وسى امالدى تاپقان ەدىم. ايەلدەر وتىرعان ۇيدەگى ايەلىمە ايتىپ قويىڭدار، مەن ابدەن تاماقتانىپ بولدىم، ەندى قايتىپ كەتەيىن، — دەپتى.

---