ەڭ قاسيەتتى نارسە نە؟
رايىمبەك باتىر بالا كەزىنەن اڭ اۋلاۋعا، سايات قۇرۋعا اۋەس بولىپ وسكەن كىسى ەكەن. كۇزدە جانە قىس كۇندەرى اۋىق-اۋىق ىلە وزەنىنىڭ بويىنداعى توعايدى ارالاپ، اڭ مەن قۇس اۋلايدى. سونداي سايات قۇرىپ جۇرگەن كەزدەرىندە كەيدە ءشوبى قالىڭ توعاي ءىشىن قىستاپ قالعان ابىز اتاسى المەرەكتىڭ اۋىلىنا ادەيىلەپ بارىپ ءتۇسىپ سالەم بەرەدى. ۇزاق اڭگىمەلەسىپ، ناسيحاتىن تىڭدايدى.
بىردە سونداي اڭگىمە ۇستىندە رايىمبەك باتىر كوكەيىنەن ورىن تاپپاي، ويىنا سىڭبەي جۇرگەن كەيبىر جايلاردىڭ ءمان-جايىن ابىز اتادان سۇراپ دۇنيە سىرىنا قانادى. كوڭىلىندە جۇرگەن تۇيتكىلدەرگە انىق ۇعىم تابادى.
تاعى بىردە دۇنيەنىڭ قاتپارلارىن اشىپ، ۇزاق اڭگىمە ايتقان اتاسىن تاپجىلماي تىڭداپ وتىرعان رايىمبەك:
— ابىز اتا، ايتىڭىزشى، دۇنيەدەگى ەڭ قىمبات نە نارسە؟ — دەپ سۇرايدى.
ابىز ءۇنسىز ويلانىپ وتىرىپ قالادى دا، ءبىراز ويعا شومادى. سودان كەيىن بارىپ، كوكەيىنە تۇيگەنىن ايتادى:
— ادام بالاسى تەك جاقسىلىقتاردىڭ عانا بولا بەرۋىن تىلەيدى. ال سول يگىلىك تە، جاقسىلىق تا اللا تاعالانىڭ راقىمىمەن، شاراپاتىمەن پايدا بولادى. ول ءۇشىن ءوزىڭ قايىرىمدى ىستەر جاساۋىڭ كەرەك. سوندا ادامدار اللانىڭ مەيىرىنەن توگىلگەن شاپاعات نۇرىنا بولەنەدى. اللانىڭ ءامىرى، انانىڭ اق ءسۇتى، ادامدار بىر-بىرىنە مەيىرىمدى بولۋى — ەڭ قاسيەتتى ىزگىلىكتەر سانالادى. وسىلار عانا ادامدىعىندى تانىتادى.
المەرەك ابىزدىڭ وسيەتىن تىڭداعان ەل تىرشىلىك ارەكەتتەرىنە دە ىقىلاسپەن قۇلشىنادى.
You Might Also Like
-
جاستار-كەز كەلگەن مەملەكەتتىڭ ەڭ بەلسەندى بولىگى، قوعامنىڭ قوزعاۋشى كۇشى، ماڭگىلىك ەلدىڭ بولاشاعى. ەلدىڭ كەمەل بولاشاعى جاستاردىڭ قولىمەن جاسالادى. ءبىز ءوز تاراپىمىزدان ەلىمىزدىڭ، مەملەكەتىمىز...
-
قوجاناسىردىڭ ءبىر كىسىدە الاشاق بەس تەڭگەسى بار ەكەن. ەكى جىلعا تولعاندا، الاشاعى ەسىنە ءتۇسىپ، بەرگەن كىسىسىنەن اقشاسىن الىپتى دا، قارىزعا بەس تەڭگە قوسىپ الىپتى. ءبىراق ول كىسى بەس تەڭگەنى قارىزعا ب...
