InfoHub Logo

ماقساتى: ءبىرىنىڭ ارتىنان ءبىرى ساپ تۇزەپ ءجۇرىپ كەلە جاتىپ ءجۇرۋ، سەكىرۋ، جۇگىرۋ تۇرلەرىن ورىنداي بىلۋگە ۇيرەتۋدى جالعاستىرۋ. جاتتىعۋلاردىڭ جاسالۋ تەحنيكاسىن تۇسىندىرە وتىرىپ، بەرىلگەن جان - جاقتى دامىتاتىن جاتتىعۋلاردى، نەگىزگى قيمىلدى ساپالى، دالمە - ءدال ورىنداي بىلۋگە، ورىنداۋ كەزىندە دەنەنى ءارقاشاندا ءتۇزۋ ۇستاپ، سەرگەك تە جيناقى، بەلسەندى بولا بىلۋگە ۇيرەتۋ.

دەنە ءبىتىمىنىڭ دۇرىس دامىپ قالىپتاسۋىنا نازار اۋدارا وتىرىپ، جاتتىعۋلاردى دۇرىس ورىنداۋ داعدىسىن قالىپتاستىرۋ، قيمىل ۇيلەسىمدىلىگىن سەزىنە ءبىلۋىن دامىتۋ، جاتتىعۋ كەزىندە دەنەنى ءتۇزۋ، تىك ۇستاي بىلۋگە داعدىلاندىرۋ. قول، يىق، اياق، تابان، بۇلشىق ەتتەرىن جەتىلدىرۋ.
بەرىلگەن تاپسىرمانى ىنتامەن تىڭداي بىلۋگە تاربيەلەۋ، تياناقتىلىققا، جيناقىلىققا، شىدامدىلىق، ۇستامدىلىق قاسيەتتەرىنە تاربيەلەۋ.

قاجەتتى قۇرال - جابدىقتار: دوپ، ەكى ءتۇستى جالاۋشالار، ارقاندار، قۇرساۋلار
ءادىس - ءتاسىلى: كورسەتە وتىرىپ ءتۇسىندىرۋ، سۇراق - جاۋاپ، اڭگىمەلەسۋ، ماداقتاۋ
ويىندار: قيمىلدى ويىن: «ءوز جۇبىڭدى تاپ»، از قيمىلدى ويىن: «جەر، سۋ، اۋا.
بالالار ساپ تۇزەپ اۋەن ىرعاعىمەن زالدى اينالا جۇرەدى، ءتۇزۋ قولدى جانىنان جوعارى كوتەرىپ ءجۇرۋ؛ شاپالاقتاۋ، ءتۇسىرۋ؛ قولدى ارتقا سەرمەۋ، العا، ارتقا اينالدىرۋ؛ قولدى بەلگە قويىپ اياق ۇشىمەن ءجۇرۋ؛ قولدى جەلكەگە قويىپ وكشەمەن ءجۇرۋ؛ قولدى بەلگە قويىپ تىزەنى بۇگىپ ءجۇرۋ؛ تەرىس قاراپ ءجۇرۋ؛

سەكىرۋ: قولدى بەلگە قويىپ ءبىر جانىمەن سەكىرۋ؛ وڭ جانە سول اياقتى كەزەك كوتەرىپ بيلەپ سەكىرۋ؛
جۇگىرۋ: قولدى كەۋدە تۇسقا ۇستاپ ءجاي جۇگىرۋ؛ اياقتى ارتقا لاقتىرىپ جۇگىرۋ؛ تىزەنى كوتەرىپ جۇگىرۋ؛ ءجاي جۇگىرۋ؛ ءجۇرۋ؛ ءجۇرىپ كەلە جاتىپ ارقاندى الۋ؛
ءبىر قاتاردان 4 قاتارعا ءبولىنىپ تۇرۋ، جان - جاقتى دامىتاتىن جاتتىعۋلار:
1. قالىپتى جاعداي، اياق بىرگە ارقان تومەندە
1 - باستى وڭعا يۋ، 2 - قالىپتى جاعداي، 3 - سولعا يۋ، 4 - قالىپتى جاعداي؛
1 - باستى وڭعا بۇرۋ، 2 - قالىپتى جاعداي، 3 - سولعا بۇرۋ، 4 - قالىپتى جاعداي؛
1 - جوعارىعا قاراۋ، 2 - قالىپتى جاعداي، 3 - تومەنگە قاراۋ، 4 - قالىپتى جاعداي؛
2 رەت قايتالاۋ

2. قالىپتى جاعداي، اياق بىرگە، ارقان تومەندە
1 - ارقاندى العا ۇستاۋ، 2 - جوعارىعا كوتەرۋ، 3 - العا، 4 - قالىپتى جاعداي
4 رەت قايتالاۋ

3. قالىپتى جاعداي، اياق الشاق، ارقان جوعارىدا
1 - وڭ جاققا ءيىلۋ، 2 - قالىپتى جاعداي، 3 - سول جاققا ءيىلۋ، 4 - قالىپتى جاعداي
4 رەت قايتالاۋ

4. قالىپتى جاعداي، اياق الشاق ارقاندى العا ۇستاۋ
1 - ارقانمەن بىرگە وڭعا بۇرىلۋ، 2 - قالىپتى جاعداي، 3 - سولعا بۇرىلۋ، 4 - قالىپتى جاعداي
4 رەت قايتالاۋ

5. قالىپتى جاعداي، اياق الشاق، ارقان جوعارىدا
1 - تىزەنى بۇكپەي ارقاندى جەرگە قويۋ، 2 - قول بەلدە، اياق الشاق تۇرۋ، 3 - تىزەنى بۇكپەي ارقاندى الۋ، 4 - قالىپتى جاعداي
4 رەت قايتالاۋ

6. قالىپتى جاعداي، ارقاندى جەرگە دوڭگەلەك فورماسىندا ورنالاستىرۋ، وڭ جاعىنا قاراي جۇرەلەي وتىرۋ، تىزەنى قولمەن ۇستاۋ
دوڭگەلەك فورماداعى ارقاندى تىزەنى ۇستاعان كۇيى جۇرەلەي ءجۇرىپ 2 - رەت اينالۋ، 2 - رەت ارقاندى اينالىپ ءجۇرۋ
2 رەت قايتالاۋ
7. قالىپتى جاعداي، ارقان تومەندە، اياق بىرگە 1، 3 - ارقاندى جوعارى كوتەرىپ، ءبىر مەزگىلدى اياقتى الشاق قويۋ، 2، 4 - قالىپتى جاعداي
جۇرۋمەن الماستىرا 8 - 10 رەت سەكىرۋ
4 قاتاردان 1 قاتارعا ءتۇسىپ ءجۇرۋ، ارقاندى تاپسىرۋ
تىزبەكتەلە تۇرىپ، 1 - 2 سانالىپ ەكى توپقا ءبولىنۋ
ەكى توپ كەزەكتەسىپ، ەكى نەگىزگى قيمىلدى ورىندايدى
نەگىزگى قيمىلدار: باسىنا قۇم سالىنعان قالتاشانى قويىپ، ارقان ۇستىمەن تاباندى تۇگەل تيگىزە وتىرىپ تەپە - تەڭدىك ساقتاپ ءجۇرۋ
دوعا استىمەن جەردى ۇستاماي ءبىر قىرىنداپ ءوتۋ
ويىندار:
1. «ءوز جۇبىڭدى تاپ»
ويىن شارتى: بالالارعا ەكى ءتۇستى جالاۋشا تاراتىلادى، ءار بالا ءبىر جالاۋشادان، مۋزىكا وينالادى، بالالار الاڭدا جۇگىرەدى، مۋزىكا توقتاپ قالعاندا ءبىر ءتۇستى جالاۋشالارى بار بالالار جۇپتاسىپ تۇرا قالادى، جەكە جۇپسىز قالعان بالاعا قاراپ ويىنشىلار:
پەريزات، پەريزات
اۋزىڭدى اشىپ قۇر قالما
سەرىگىڭدى تەز تاڭدا، - دەيدى
ەسكەرتۋ: جۇگىرگەن كەزدە بالالار جالاۋشالاردى جوعارى ۇستاۋى ءتيىس. ءبىرىنشى جۇپ قايتالانباۋى كەرەك.

2. «جەر، سۋ، اۋا»
ويىن شارتى: دوڭگەلەنە تۇرعان بالالارعا باستاۋشى دوپتى لاقتىرىپ جىبەرىپ،»جەر» دەسە جانۋاردىڭ، جاندىكتەردىڭ اتىن اتاۋى كەرەك، «سۋ» دەسە بالىق، «اۋا» دەسە قۇس اتىن اتاۋى كەرەك. جاۋاپتان شاتاسقان بالا ايىبىن وتەيدى.
ەسكەرتۋ: دوپتى ۇستاپ كىدىرتۋگە بولمايدى، جاۋابىن ايتىپ قايتا تەز لاقتىرۋى شارت.
قورىتىندى.
ويىننان سوڭ بالالار ساپ تۇزەپ زالدان شىعادى