شۆەسيادا الەمدەگى تۇڭعىش مۇزدان جاسالعان جىل بويعى ءقوناقۇي اشىلدى
سولتۇستىك پوليار شەڭبەرىنەن 200 كيلومەتر جەردە، شۆەسيادا، تولىقتاي مۇزدان جاسالعان ءقوناقۇي اشىلدى.
ول Icehotel 365 دەگەن اتاۋ الىپ، مۇزدان جاسالعان جىل بويى قىزمەت ەتەتىن قوناق ءۇي بولدى.
جالپى اۋدانى 195 شارشى مەتر بولاتىن عيماراتتا 21 بولمە بار، سونىمەن قاتار بار مەن سۋرەت گالەرەياسى اشىلعان.
ديزاينىن الەمنىڭ ۇزدىك سۋرەتشىلەرى مەن ساۋلەتشىلەرى جاسادى.
ءقوناقۇيدىڭ ءار بولمەسى ەرەكشە ستيلگە يە.
مۇنداي ءقوناقۇيدى تۇڭعىش 1989 جىلى تۇرعىزعان بولاتىن، ءبىراق ءار كوكتەمدە ول ەرىپ كەتەتىن بولعان.
Icehotel 365 ماۋسىمداردا اۋىسىپ وتىراتىن تابيعاتتىڭ كۇشىنەن ەرىمەيدى.
كۇن ساۋلەسى مەن جىلى تەمپەراتۋرا زاقىم كەلتىرمەس ءۇشىن ءقوناقۇي جارىققا تويتارىس بەرىپ تۇراتىن پانەلدەرمەن جابدىقتالعان.
ىشتە -5 دەڭگەيىندەگى تەمپەراتۋرا تۇراقتالىپ تۇرادى.
جىلى ماۋسىمدا ءقوناقۇي توڭازىتۋ قۇرالىنىڭ كومەگىمەن سالقىن اۋا رايىن ۇستاپ تۇرادى.
Icehotel 365 سولتۇستىك پوليار شەڭبەرىنەن 200 كيلومەتردە، تۋرنەەلۆەن وزەنىنىڭ جانىندا ورنالاسقان.
مۇز ءقوناقۇيدى تۇرعىزۋ ءۇشىن تۋرنەەلۆەن وزەنىنىڭ 30 مىڭ ليتر سۋى پايدالانىلعان.
جىلىنا Icehotel 365 ءقوناقۇيى 50 مىڭنان اسا ادامدى قابىلداۋدى جوسپارلاۋدا.
You Might Also Like
-
بۇل ومىردە ءبىر كۇن قوناق بولامىز مۇمكىن ەلۋ مۇمكىن ءجۇز جىل سالارمىز. انا ءتىلىن ارداق تۇتىپ، قاستەرلەپ، قۇرمەتتەيىك كەلگەنىنشە شامامىز!
-
اقشۇقىر مەكتەپ-ليسەيى 3“ا”سىنىپ وقۋشىسى جاقاي باقىتنۇر ابديراسىل قىزى
