InfoHub Logo

"جامبىل وبلىسى تۇرار رىسقۇلوۆ اۋدانى اكىمدىگىنىڭ ىشكى ساياسات ءبولىمى" كوممۋنالدىق  مەملەكەتتىك مەكەمەسىنىڭ الەۋمەتتىك تاپسىرىس اياسىندا «جامبىل وبلىسى «قازاقستان ستۋدەنتتەرىنىڭ اليانسى» جاستار قوعامدىق بىرلەستىگىنىڭ ۇيىمداستىرۋىمەن «قوعامدا سىبايلاس جەمقورلىققا قارسى مادەنيەتتى قالىپتاستىرۋ («ت.رىسقۇلوۆ – ادالدىق الاڭى» جوباسىن قولداۋ» الەۋمەتتىك جوباسىنىڭ اياسىندا 18-قاراشا كۇنى قۇلان اۋىلدىق وكرۋگى، حالىققا قىزمەت كورسەتۋ ورتالىعىندا "سىبايلاس جەمقورلىققا قارسى ءىس-قيمىل تۋرالى ۇلتتىق بايانداما» اتتى قوعامدىق قابىلداۋ وتكىزىلدى.

قوعامدىق قابىلداۋعا 14-29 جاس ارالىعىنداعى جۇمىسسىز جاستار، اۋدان تۇرعىندارى، جەكە كاسىبىن اشاتىن نەمەسە كاسىبىن دامىتۋشىلار، ءتۇرلى باعىتتاعى مەملەكەتتىك قولداۋ تەتىكتەرى، تۇرعىن ءۇي، جۇمىسقا ورنالاسۋ، الەۋمەتتىك جانە قۇقىقتىق كومەك قاجەت ەتەتىندەر، ورتا ارناۋلى وقۋ ورنىن ءبىتىرۋشى ستۋدەنتتەر، ورتا مەكتەپتى ءبىتىرۋشى تۇلەكتەر ءتۇرلى ماسەلەلەرىنە جاۋاپتار الدى.

قوعامدىق قابىلداۋعا «ت.رىسقۇلوۆ – ادالدىق الاڭى» جوبالىق ءوفيسى جەتەكشىسىنەن بولەك، «وتباسى بانك»، «حالىق بانك»، «كمف» ميكروقارجىلىق ۇيىمدارىنىڭ قارجى كونسۋلتانتتارى، «حالىقتى جۇمىسپەن قامتۋ ورتالىعى» مامانى جانە پسيحولوگ، زاڭگەر ماماندارى اۋدانىمىزدىڭ تۇرعىندارىنا، ارناۋلى ورتا وقۋ ورىندارىنىڭ ستۋدەنتتەرى مەن مۇعالىمدەرىنە، اۋدان جاستارىنا كەڭەستەرىن بەردى.

شاراعا بارلىعى 50-دەن اسا جاستار مەن تۇرعىندار قامتىلدى. قاتىسۋشىلاردىڭ باسىم بولىگى ءوز كاسىبىن باستاۋ ءۇشىن نەسيە راسىمدەۋ مامانىنا، سونىمەن قاتار، ءتۇرعىن-ۇي الۋ ماسەلەسى بويىنشا «وتباسى بانك» قارجى كونسۋلتانتتارىنا، جانە ادالدىق الاڭى جوبالىق ءوفيسىنىڭ جەتەكشىسىنە جولىعىپ، ساۋالدارىن قويدى. ال، جەكە ماسەلەلەر بويىنشا جاستار پسيحولوگ مامانىنان كەڭەس الدى.

---