سىپايى توڭباس، قالتىرار
باياعىدا قالشاباي دەگەن سىپايى كىسى بولعان ەكەن. ول ءبىر جولى ساپار شەگىپ كەلە جاتىپ، ءبىر ۇيگە قونادى. قارا كۇز، كۇن قىتىمىر سۋىق بولسا كەرەك. الايدا قالشاباي سىپايى، جەڭىل-جەلپى كيىنگەن ەكەن. ونىڭ ۇستىنە، الگى ۇيگە ول كەشتەتىپ، ەل ورىنعا وتىرعان كەزدە كەلەدى.
قوناق ءۇي ىشىمەن امانداسادى، ءجون سۇراسىپ بىلىسەدى. ءۇي يەسى ازىلكەش ادام ەكەن. ول سىپايىنى ءبىر سىنايىن دەگەن ويمەن:
— سىپايى، قازان كوتەرۋگە كەش. قاۋىن-قاربىز جەپ جاتاتىن بولارسىز! — دەيدى.
سوندا قالشاباي:
— تاماعىم توق، سۋسىندىققا قاۋىن-قاربىز دا جەتەدى عوي، — دەيدى.
قاۋىن-قاربىز جەپ بولعان سوڭ ءۇي يەسى:
— قالشا-ەكە، اتىڭىزعا كوز-قۇلاق بولىپ، دالادا جاتاتىن بولارسىز؟ — دەپتى.
— ءيا، دالادا جاتقانىم تەرىس بولماس، — دەيدى قالشاباي.
— ءبىراق كورپە-توسەك جاعىنان ۇياتتىمىز...
— وقاسى جوق. ەشتەڭە كەرەك ەمەس. ءوز كيىمىم جەتەدى عوي، — دەپ سىپايىگەرشىلىك ەتەدى...
ءتۇن ورتاسىندا ءۇي يەسى سىرتقا شىعادى. ەر-توقىمنىڭ سىلدىرلاعان ءۇنىن ەستيدى. بايقاسا، قالشاباي توڭعان سوڭ ءۇستىن ەر- توقىمدارمەن باستىرىپ، قالتىراپ جاتىر ەكەن.
— سىپايى توڭباس، قالتىرار! — دەپتى ازىلكەش ءۇي يەسى كۇلىپ.
«سىپايى توڭباس، قالتىرار» دەگەن ماتەل سونان قالعان ەكەن.
You Might Also Like
-
اتاقتى موڭكە ءبيدىڭ قارتايعان كەزى ەكەن. جانىندا ەكى اتقوسشىسى بار، جاسى ون التىدان جاڭا اسقان تۇرىمداي ءمۇسىندى، قىرعي ءتىلدى قارا بالا ۇيگە رۇقساتپەن كىرىپتى.
-
اتام ءبىر ەرتەگى باستادى. ءبارىمىز ۇيىپ تىڭدادىق. بۇگىنگى ايتقان ەرتەگىسى بالا قىران تۋرالى ەدى. قولعا ۇيرەتىلگەن بالا قىران اڭ اۋلاپ، ءبىر ەلدى اسىراعان مەرگەننىڭ سەنىمدى سەرىگى، اينىماس دوسىندا...
