سىرىمنىڭ ءولىمىن ەستىرتۋ
سىرىم حيۋادا ءجۇرىپ قايتىس بولعاندا، بالا-شاعاسىنا ەستىرتۋگە ەلدىڭ ادامدارى جينالىپ ايتۋعا ەشبىر قيسىنىن تابا الماي جۇرىسەدى. جەتىرۋدىڭ شەتىنەن ۇرىشتا دەگەن ءبيدى الدىرادى. حالىق: «سولاي اقساقال، مىنا سىرىمنىڭ ءولىمىن قاتىن-بالاسىنا ەستىرتۋ كەرەك بولىپ، ءسىزدى الدىردىق، سوعان بارالىق، بارىپ ەستىرتەلىك، ءسىز سونى ايتىڭىز»،—دەيدى.
بارادى، بىر-ەكى كۇن قوناق بولعاسىن قىزمەت ەتىلەدى.
شىراعىم، قازىجان، قارت اتاڭ سەنىڭ دات ەدى-اۋ،
ەسىمى ىسىنەن الشاق ەمەس،
تەك ءبىر قويعان ات ەدى-اۋ.
ءوزىڭنىڭ اتىڭ قاز ەدى-اۋ،
قىسىڭ دا سەنىڭ جاز ەدى-اۋ.
اكەڭ سەنىڭ سىرىم-دى،
كەبەجە قارىن، كەڭ قۇرساق،
ءىشى تولعان ءبىلىم-دى.
تەك قازاق جۇرتى ەمەس،
بىلگەندەي ەدى-اۋ جۇڭگو مەنەن قىرىم-دى.
اكەڭ سىرىم امان كەلسە،
سۇيىنشىگە بەرەر مە ەڭ،
ولجاتاي مەنەن سۇگىردى.
سول سەكىلدى سىرەكەم،
ارعىماعى ءسۇرىندى، – دەيدى.
بۇنى ەستىپ قازى بي قوناقتارىن تاراتپاي، العاشقى ساداقاسىن بەرىپ تاراتىپتى، – دەيدى.
You Might Also Like
-
ەرتەدە بۇرالقى دەگەن اقىننىڭ جالعىز بالاسى ەل بيلەپ تۇرعان كەزىندە كەنەتتەن قايتىس بولىپتى. بۇدان كوپ كەيىن سول ەلدەگى ەل سىيلايتىن راحمەت اتتى قارتتىڭ ءمۇسىلىم دەگەن ۇلى قايتىس بولعاندا، وعان كوڭىل...
