ءسىزدىڭ دوفامينەرگيالىق نەيروندارىڭىز نەدەن بولىنەدى؟
باسى: دوفامين، نەيروبيولوگيا جانە نەيروماركەتينگ: نەگە قالاۋ سەزىمىن باقىتپەن شاتاستىرامىز
ەكىنشى ءبولىمى: سۇرانىس بويىنشا بولىنەتىن دوفامين
وزىڭىزدە ءدوفاميننىڭ ءبولىنۋىن نە تۋدىراتىنىن بىلەسىز بە؟ تاماق؟ الكوگول؟ دۇكەن ارالاۋ؟ Facebook؟ تاعى بىردەڭە مە؟ وسى اپتادا نازارىڭىزدى نە اۋداراتىنىن باقىلاپ كورىڭىز. ءسىزدى سىيدان دامەلەندىرىپ، قىزىق ىزدەۋگە شاقىراتىن نە؟ پاۆلوۆتىڭ يتىنە ۇقساتىپ سىلەكەيىڭىزدى شۇبىرتاتىن نەمەسە ءسىزدى ولدس پەن ميلنەردىڭ ەگەۋقۇيرىعى سياقتى ەسسىزدىككە اپارىپ سوعاتىن نە نارسە؟
تاۋەلدىلىك رەسەبى
مۇمكىن، تاۋەلدىلىكتى تۋدىرعان دوفامين ءرولىنىڭ ايتارلىقتاي ۇلگىسى دەپ كەڭ تاراعان نەيرودەگەنەراتيۆتى بۇزىلۋى بايقالعان پاركينسون سىرقاتىنا شالدىققان ناۋقاستاردى ايتۋعا بولاتىن شىعار. ولاردا ميدىڭ دوفامين بولەتىن جاسۋشالارى قۋراپ قالادى. كەرى جاعىنان باستاپ قاراستىرعانداعى نەگىزگى بەلگىلەر ءدوفاميننىڭ ارەكەتكە يتەرمەلەيتىنىن دالەلدەيدى: ناۋقاستار باياۋ نەمەسە ءدال ەمەس قوزعالادى، كۇيزەلىستەرگە بەيىم بولىپ، ارا-اراسىندا كاتاتونيالىق ستۋپورعا ءتۇسىپ كەتەدى. پاركينسون سىرقاتىنىڭ ستاندارتتى ەمى — ەكى ءدارىنى ۇيلەستىرۋ: «ليەۆودوپا» ميدىڭ دوفامين بولۋىنە كومەكتەسەدى، ال دوفامين اگونيستى ميدىڭ ءدوفاميندى رەسەپتورلارىن نەيرومەدياتوردى قابىلداپ جاتقانداي كەيىپ تانىتۋعا ماجبۇرلەيدى. ناۋقاستار دارىمەن ەمدەلۋدى باستاعاندا، ولاردىڭ ميى ءدوفاميندى كوپتەن بەرى الماعان مولشەردە قابىلدايدى. بۇل اۋرۋدىڭ كوپتەگەن بەلگىلەرىن باسقانىمەن، ءبىرقاتار كۇتپەگەن قيىندىقتاردى دا تۋدىرادى.
مەديسينالىق جۋرنالداردا بۇل دارىلەردىڭ كۇتىلمەگەن جاناما اسەرلەرى تۋرالى باياندامالار كوپ. 54 جاستاعى ايەلدە پەچەنە، كرەكەر جانە ماكارونعا دەگەن تويىمسىز ۇمتىلىس پايدا بولعان، ول مۇنى تۇندە تويعانشا جەيدى. 52 جاستاعى ەر ادام قۇمار ويىنعا بايلانىپ قالعان: ول ويىنحانادان 36 ساعاتتاپ وتىرىپ، جيعان-تەرگەن اقشاسىن سوندا جۇمساعان*. 49 جاستاعى ەر ادام اياق استىنان الكوگولگە قۇمارتىپ، ايەلىنىڭ سوزىنە قاراعاندا، «شامادان تىس جىنىستىق قاتىناسقا» اۋەستەنگەن: ءتىپتى ايەلىن جايىنا قالدىرۋى ءۇشىن، پوليسيا شاقىرۋعا تۋرا كەلىپتى. مۇنىڭ ءبارى ناۋقاستارعا ءدوفاميندى ارتتىراتىن ءدارى بەرۋدى توقتاتقاندا باسىلعان. ءبىراق كوپتەگەن جاعدايلاردا ابدىراعان تۋىستارى مەن دارىگەرلەر ناۋقاستاردى پسيحوتەراپياعا، «ءانونيمدى ىشكىشتەر» نەمەسە «ءانونيمدى ويىنقۇمارلارعا» جىبەرگەن. ولار جاڭا تاۋەلدىلىكتەردىڭ ميدا پايدا بولعانىن جانە مۇنىڭ پسيحولوگيالىق جانە رۋحاني تالىمگەرلىكتى تالاپ ەتەتىن جان اۋرۋى ماسەلەلەرى ەمەس ەكەنىن تۇسىنە الماعان.
*سونىمەن بىرگە ول تۇسكەن جاپىراقتاردى جيناۋعا ارنالعان پنيەۆماتيكالىق ماشينادان اجىراي الماي، التى ساعات بويى اۋلانى بىردە-بىر جاپىراق قالدىرماي تازالاۋعا تىرىسقان – ءبىراق وتباسى مەن دارىگەرلەر مۇنى الگىندەي ءقاۋۋىپتى ەمەس دەپ شەشتى.
بۇل — شەكتەن تىس جاعدايلار، دەگەنمەن، سىيدان دامەتۋگە اۋەستەنىپ العانىڭىزدا، ءسىزدىڭ دە ميىڭىزدا ءدال وسىنداي نارسە بولادى. پاركينسونمەن اۋىراتىن ناۋقاستار ىشكەن دارىلەر جاي عانا تاماق، جىنىستىق قاتىناس، قۇمار ويىندارى مەن قۋاتتاۋ جۇيەسىن جۇمىس ىستەتۋگە دەگەن تابيعي اسەردى كۇشەيتكەن. ءبىز ءلاززاتقا ۇمتىلامىز، كەيدە وسى جولدا — ءوز يگىلىگىمىزدى ۇمىتامىز. دوفامين ميىمىزدى ماراپات ىزدەۋگە باعىتتاعاندا، ءبىز تاۋەكەلشىل، قىزۋقاندى، ەسسىز ادامدارعا اينالامىز.
ءبىراق، بۇدان دا ماڭىزدىسى — دامەتكەن سىيىمىزدى الماساق تا، ءبىزدى تاۋەلدى قىلىپ ۇستاپ وتىرۋ ءۇشىن، سىيدان دامەتۋ مەن ونى جوعالتىپ الۋ دەگەن قورقىنىش تا جەتكىلىكتى. ەگەر زەرتحانا ەگەۋقۇيرىعى بولساڭىز، السىرەپ تالىپ جىعىلعانشا نەمەسە اشتان قاتقانشا تەتىكتى باسا بەرەسىز. ەگەر ادام بولساڭىز، كەم دەگەندە، ءاميانىڭىز بوساپ، اسقازانىڭىز تولىپ قالادى. ال ەڭ اۋىر جاعدايدا ءوزىڭىزدى تاۋەلدىلىك پەن جابىسقاق (پايداسىز) ارەكەتتەردىڭ قۇردىمىنا تاستاپ جىبەرگەنىڭىزدى بايقاۋىڭىز مۇمكىن.
ماتەريالدى جاقسىلاپ قورىتىپ الىڭىزدار، جالعاسى بار...
كەلەسى ءبولىم: ءدوفاميننىڭ اسەرىندەگى ميىڭىز: نەيروماركەتينگ سەرپىلىسى
You Might Also Like
-
بوسانعاننان كەيىنگى سەپتيكالىق اۋرۋلار اكۋشەرياداعى ءجيى كەزدەسەتىن اسقىنۋ. ول انا ولىمىنە، مۇگەدەكتىككە نەمەسە سوزىلمالى اۋرۋلارعا اكەلەتىن، كۇردەلى ماسەلەردىڭ ءبىرى.
-
قازىرگى تاڭدا تۋبەركۋلەزبەن كۇرەسۋ ماسەلەسى ەلىمىزدەگى دەنساۋلىق ساقتاۋ جۇيەسىنىڭ الدىڭعى قاتارلى باعىتتارىنىڭ ءبىرى. ال انا مەن بالا دەنساۋلىعىن قورعاۋداعى نەگىزگى ماقسات — دۇنيەگە دەنى ساۋ س...
