سابىر، سابىر، ءاي، دوستىم، اشۋلانبا،
ءتورت تەنتەگىڭ «قۇتىڭدى قاشىرعانعا»!
بۇل ومىردە بالادان اسىل بار ما،
سابىر، سابىر، ءاي، دوستىم، اشۋلانبا!
شەكتەلمەسىن اشۋمەن بار امالىڭ،
جارىلماسىن، سابىر ەت، قاعاناعىڭ.
مولشىلىق قوي ازىرشە، زامان تىنىش،
ورىنداي سال بالاڭنىڭ قالاعانىن.
بەلدىگىندى نەسىنە شەشىپ الدىڭ؟
تاستا ءارى، بالالاردىڭ ەسىن الدىڭ.
قارا بورباي شاعىڭدى ۇمىتتىڭ با؟
قىرىقىنشى جىلداردى ەسىڭە العىن.
جۇتاتۇعىن جالماۋىز جۇتتان دا ءارى،
ەسىڭدە مە سۇراپىل سۇقتانعانى؟
بولسا تاپقان، بولماسا ءبىر ۋىس ءدان،
ءبىر شىنى ءسۇت، ال باسقا تۇك قالمادى.
ءشاي ورنىنا قايناق سۋ سوراپتادىق،
سوندا دا ءبىز جاماندىق جولاتپادىق.
بارعا ءماز، بالاپانداي توياتتادىق،
سوندا دا ءبىز ءومىردى جوعالتپادىق.
ناندى بەرىپ مايدانعا، ەتتى بەرىپ،
جۇباندىق وزىمىزدەي كەپتى كورىپ.
وتارلى جان وتىرىپ قورەك ەتكەن،
كوك سيىرعا ءومىر بەر دەپ تىلەدىك.
جازدا اپتاپ، قىستا اياز قارىپ الىپ،
ارىدىق تا، اشىقتىڭ جارىمادىق.
سوندا دا ءبىز وسىنداي سوتقار ەدىك،
بالالىقتان باسقانى تانىمادىق.
ءتىرى قالدىق، ولمەدىك سوندا دا ءبىز،
وشارلى جان، ءبىر ۇيدە ون بالامىز.
ۇزاق كۇنگە دالادان شارشاپ كەلىپ،
ولىمسىرەپ قارايتىن سوندا انامىز،
ءومىر سۇرە بەرگەمىز سوندا دا ءبىز.
سابىر، سابىر، ءاي، دوستىم، اشۋلانبا!

---