سونداعى قورىققانىم-اي!
ءبىر كۇنى وسى قاراعاندىدا تۇراتىن سالقىمبايەۆ حۇسايىن دەگەن كىسىنىڭ ۇيىنە وزدەرىنىڭ ەلدە تۇراتىن رۇستەمباي بالاسى ناشاربەك دەگەن زامانداسى كەلەدى. ول كىسى كازىر وسى قاراعاندىنىڭ باتىس جاعىندا نۇرا اۋدانىندا تۇرادى. ول كەزدە ەلگە راديونىڭ تارالماعان كەزى. قاراعاندىنىڭ وزىندە جاڭا عانا ورناتىلعان...
ەتتى الدارىنا جاڭا عانا الا بەرگەندە، توردە وتىرعان قوناق ناشەكەڭنىڭ كوكجەلكەسىنەن راديو سايراپ قويا بەرەدى. ارتىنا جالت قارايدى، ەشكىم جوق. تەك ءبىر دوڭگەلەك تارەلكا تۇر. سويلەپ تۇرعان دا سول. ەت تۋراۋعا ىڭعايلانىپ جازىپ العان باكىسى قولىنان ءتۇسىپ كەتەدى.
قورىققانىن سەزگەن حۇسەكەڭ:
— قورىقپاڭىز، بۇل — راديو. مۇنى «راديو» دەيدى. جەر-جەردەن حابار الىپ تۇراتىن نارسە.
— وي، توبا-اي! قورقىپ قالعانىم-شە، — دەپ سۇيسىنگەندىكتەن قولىن كەۋدەسىنە قۋسىرعان ەكەن.
— اينالايىن، وكىمەت-اي، ىستەمەگەنىڭ بولمادى-اۋ! الىستى جاقىن قىلدىڭ. قاراڭعىنى جارىق قىلدىڭ. ەندى، مىنە، قارا تەمىردى قاقىلداتىپ، ادامشا سويلەتىپ قويعانىڭ، — دەگەن ەكەن.
الدىڭعى جىلى ءدام ايداپ، سول قارت ءبىزدىڭ ۇيگە ءبىر كەلە قالعانى بار. اپپاق كۇمىستەي ساقال-مۇرتى بار، بوكەن قاباق، الاسا بويلى، اقسارى كىسى ەكەن. راديوقابىلداعىشپەن ينديادان كونسەرت تىڭداپ وتىرعاندا، ءوزىنىڭ اۋەلدە راديو سويلەپ قويا بەرگەندەگى قورىققانىن ەسىنە الىپ:
— سونداعى قورىققانىم-اي! — دەپ ىشەك-سىلەسى قاتقانشا كۇلەدى.
You Might Also Like
-
1920 جىلدىڭ باسىندا قاراعاندى اق باندالاردان مۇلدە تازاردى. 1919 جىلدان قىس ايلارىندا قاراعاندىنىڭ بۇقپا سەلوسىندا تۇرعان قىزىلداردىڭ قارۋلى وتريادىنا ارقا سۇيەگەن جۇمىسشىلار وزدەرىنىڭ وندىرىستىك كو...
-
1948 جىلى ماي ايىنىڭ اياق كەزىندە قاراعاندى قالاسىندا كيروۆ جانە ستالين اتىنداعى كومىر ترەستەرىنىڭ تاڭداۋلى كەنشىلەرىنىڭ ءماسليحاتى ءوتتى. ءماسليحاتقا ۇكىمەت ادامدارى قاتىستى. كيروۆ كلۋبىنىڭ كەڭ زالىنا...
