InfoHub Logo

ءسوز مايەگى - ماقال - ماتەل
ماقساتى:
1. وقۋشىلاردى ءوز انا ءتىلىنىڭ ءقادىر - قاسيەتىن ءبىلىپ، ءوز انا ءتىلىنىڭ كوركەمدىگىن سەزىنىپ، ءسوز قۇدىرەتىن ءتۇسىنىپ، ونىڭ ادام ومىرىندەگى ماڭىزىن ۇعىنۋعا ۇيرەتۋ.
2. ءتىل اۋەزدىلىگىن، كوركەمدىگىن، بايلىعىن، شەشەندىگىن كورسەتەتىن ناقىل سوزدەر، ماقال - ماتەلدەر ارقىلى وقۋشى دۇنيەتانىمىن، وي ءورىسىن دامىتۋ.
3. ءتىل تازالىعىن ساقتاۋ، مادەنيەتتى سويلەۋ، شەشەندىك ونەردى وقۋشى بويىنا سىڭىرە وتىرا، انا تىلىنە سۇيىسپەنشىلىگىن قالىپتاستىرۋ، مەملەكەتتىك ءتىل مارتەبەسىن كوتەرۋگە اتسالىسۋعا شاقىرۋ.
كورنەكىلىگى: ناقىل سوزدەر، بەكەتتەر - توپ اتتارى جازىلعان پلاكاتتار،
«انا ءتىلى – رۋحاني دامۋ نەگىزى» كىتاپ كورمەسى، ۇپاي بەرەتىن تاياقشالار، ماداقتاۋ قاعازدارى، Microsoft Power Point پروگرامماسىندا بەزەندىرىلگەن پرەزەنتاسيا

ءمۇعالىم: سۇيەمىن تۋعان ءتىلدى – انام ءتىلىن،
بەسىكتە جاتقانىمدا - اق بەرگەن ءبىلىم.
شىر ەتىپ جەرگە تۇسكەن مينۋتىمنان
قۇلاعىما سىڭىرگەن تانىس ءۇنىم.
ەڭ ءبىرىنشى سول تىلمەن سىرتقا شىقتى،
سۇيگەنىم، سۇيسىنگەنىم، جەك كورگەنىم. (س. تورايعىروۆ)

تۋعان ءتىلىم - بابام ءتىلى - ءوز ءتىلىم،
تۋعان ءتىلىم - انام ءتىلى - ءوز ءتىلىم.
تۋعان ءتىلىم - دالام ءتىلى - ءوز ءتىلىم،
تۋعان ءتىلىم - ادام ءتىلى - ءوز ءتىلىم.
تۋعان تىلدە سىرى تەرەڭ جانىم بار،
تۋعان تىلدە ءانىم مەنەن ءسانىم بار.
تۋعان ءتىلىم ءتىل بولۋدان قالسا ەگەر
جۇرەگىمدى سۋىرىپ - اق الىڭدار

قۇرمەتتى وقۋشىلار، بۇگىن ءبىز 2 توپ: «تاپقىرلار»، «زەرەكتەر» بولىپ قازاق ءتىلى ەلىنە ساپار شەگەمىز. الدىمىزدان كوپ بەكەتتەر كەزدەسەدى. ال ىسكە ءسات

ءمۇعالىم: ءادىل قازىلار القاسىن سايلايىق:
تاربيە ءىسىنىڭ مەڭگەرۋشىسى ---------
--------------

1. «قايىرلى تاڭ» بەكەتى ەكى توپتىڭ سالەمدەسۋى. تانىسۋ.
ءادىلقازى القاسى دۇرىس جاۋاپقا 10 ۇپاي.

2. «ءۇمىت» بەكەتى. ماقال - ماتەلدەردى جالعاستىر:
وتان.................... دا ىستىق جاۋابى: وتتان
تۋعان جەرگە...................... تىك. جاۋابى: تۋ
تۋعان جەردىڭ.. دە ىستىق،... دە ىستىق جاۋابى: كۇن، ءتۇن
............ كوتەرمەگەندى، ءتىل كوتەرەدى. جاۋابى: ءپىل
........ ويلاعاڭدى، ءتىل بىتىرەدى. جاۋابى: مي
.............. كوڭىلدىڭ ايناسى جاۋابى: كوز
ءتىل................ دا وتكىر جاۋابى: قىلىش
ءتىل كوڭىلدىڭ.................... جاۋابى: كىلتى
....... شالىسىنان، ءسوز شالىسى جامان جاۋابى: وت
........ قان تامعان باتىردى،......... بال تامعان اقىن الادى.
جاۋابى: قىلىشىنان، تىلىنەن
دۇرىس جاۋاپقا 20 ۇپايدان بەرىلەدى.

3. «قايرات» بەكەتى.
اۋدارماشىلار سايىسى.
شارتى: بەرىلگەن ماقال - ماتەلدەردى ورىس تىلىنە اۋدارۋ
1. تازالىق - دەنساۋلىق كەپىلى. (چيستوتا – زالوگ زدوروۆيا.)
2. ەڭبەك وزدىرادى. (ترۋد پروسلاۆلياەت.)
3. نە ەكسەڭ، سونى وراسىڭ. (چتو پوسەەش، تو ي پوجنەش.)
4. وتان - وتتان دا ىستىق. (رودينا – جارچە وگنيا.)
5. وقۋ – ءبىلىم بۇلاعى، ءبىلىم - ءومىر شىراعى. (ۋچەنيە - رودنيك زنانيي، زنانيە - لۋچيك جيزني)
6. وتانسىز ادام ورمانسىز بۇلبۇل. (چەلوۆەك بەز رودينى، چتو سولوۆەي بەز لەسا.)
دۇرىس جاۋاپقا 30 ۇپايدان بەرىلەدى.

4. «عالىم» بەكەتى.
1. كوپ ءتىل بىلەتىن ادام؟ (پوليگلوت)
2. قازاق تىلىندە نەشە ءسوز تابى بار؟ (9)
3. شوقاننىڭ شىن اتى؟ (مۇحاممەدحانافيا)
4. ءانۇراننىڭ اۆتورلارى؟ (ج. ناجىمەدەنوۆ، ن. نازاربايەۆ)
5. اراب جازۋىمەن جازىلعان تۇڭعىش كىتاپتار؟ (قۇتتى بىلىك - 1069ج ءجۇسىپ بالاساعۇن جازعان)
6. فونەتيكا نەنى زەرتتەيدى؟ (ءتىل دىبىستارىن)
7. لاتىن ءالفاۆيتى قازاقستاندا قاشان قولدانىلا باستادى؟ ( 1928 - 1929جج)
8. قازاق ءتىلى تاريحىندا الفاۆيت نەشە رەت اۋىستى؟ (3 رەت، اراب، لاتىن، ورىس)
9. قازاقستان تاۋەلسىزدىكتى قاي جىلى الدى؟ (1991ج)
10. قازاق ءتىلى قانداي تىلدەر توبىنا جاتادى؟ (تۇركى)

1. كيىز ءۇي نەدەن تۇرادى؟ (ۋىق، كەرەگە، شاڭىراق)
2. ءتىل تۋرالى زاڭ نەشىنشى جىلى قابىلداندى؟ (1989ج 22 قىركۇيەك)
3. ماحامبەتتىڭ ءبىر ولەڭىن اتا؟ (قىزعىش قۇس)
4. ق ر ۇلتتىق ۆاليۋتاسى قاشان ەنگىزىلدى؟ (1995 ج 15 قاراشا)
5. ەلتاڭبانىڭ اۆتورى؟ (ج. مالىبەكوۆ. ش. ءۋاليحانوۆ)
6. قازاق ءتىلىن زەرتتەۋشىلەر؟ (رادلوۆ، ايداروۆ، ساۋرانبايەۆ، بارتولد)
7. “ەسكەندىر” پوەماسىنىڭ اۆتورى؟ ( اباي)
8. قاي جىلى استانا قالاسىنا بەيبىتشىلىك قالاسى اتاۋى بەرىلدى؟ (1999 ج)
9. قازاق ءتىلى ق ر مەملەكەتتىك ءتىلى دەپ اتا زاڭنىڭ نەشىنشى بابىندا جازىلعان؟ (4 باپ)
10. قازاق حالقىنىڭ تۇڭعىش سۋرەتشىسى؟ (ءا. قاستەيەۆ)

5. «ارمان» بەكەتى دۇرىس جاۋاپقا 50 ۇپاي بەرىلەدى.
تۇراقتى ءسوز تىركەستەرىنىڭ ءمانىن اش:
قاس پەن كوزدىڭ اراسىندا (لەزدە)
قارا قىلدى قاق جارۋ (ءادىل)
توبە شاشى تىك تۇردى (شوشىدى)
تايعا تاڭبا باسقانداي (انىق)
اۋزىنا قۇم قۇيىلدى (ۇندەمەۋ)
كوزگە تۇرتسە كورگىسىز (قاراڭعى)
توننىڭ ىشكى باۋىنداي (تاتۋ)
بەت مونشاعى ءۇزىلۋ (ۇيالۋ)
جارعاق قۇلاعى جاستىققا تيمەي (مازاسىزدانۋ)
كۇن تيگىزبەي وسىرگەن (ماپەلەۋ)

6. «سۋرەت» بەكەتى.
بەرىلگەن ماقال - ماتەل بويىنشا سۋرەت سالۋ. مازمۇنىن اشۋ.
«ادام دوسىمەن مىقتى، اعاش تامىرىمەن مىقتى»
«ءبىلىم - تەڭىز، مەكتەپ - كەمە»

7. « شەشەن» بەكەتى.
«جەكە ءبىر ادام ۇلت ءتىلىن جاساي المايدى. ءتىل – بۇكىل حالىقتىڭ يگىلىگى، حالىقپەن بىرگە جاساپ، بىرگە داميدى. انا ءتىلىن جاقسى بىلمەيىنشە ساۋاتتى سويلەپ، ساۋاتتى جازىپ، ءتىل بايلىعىن مول قولدانبايىنشا، شىن مانىندەگى مادەنيەتتى ادام اتانۋعا بولمايدى». س. نەگيموۆ پىكىرى. سوندىقتان...
ءيا، بۇگىنگى شارامىزدىڭ ۋاقىتى دا تاياپ قالعان سياقتى. ەندىگى ءسوز كەزەگىن ءادىلقازىلار القاسىنا ۇسىنامىز. (توپتاردى ماداقتاۋ.)

قورىتىندى: ءتىل - قاسيەتتى، قۇدىرەتتى، كيەلى. بۇل قاسيەتتەر بويعا انانىڭ اق سۇتىمەن داريدى. ءتىل وشپەيدى، قانداي قيىندىقتا دا ءتىل ءوز ۇرپاعىنىڭ قانىنا، جانىنا ءوز ۇرىعىن ەگىپ، ومىرشەڭ كۇي كەشە بەرەدى.
تۋعان ءتىلىم – تىرلىگىمنىڭ ايعاعى،
ءتىلىم باردا ايتىلار سىر ويداعى.
وسسە ءتىلىم مەن دە بىرگە وسەمىن،
وشسە ءتىلىم مەن دە بىرگە وشەمىن. (ءا. تاجىبايەۆ)

كىرشىكسىز قارداي ساقتاڭدار،
قازاقتىڭ ءتىلىن عالامات.
انا ءتىل – ارىم، يمانىم،
امانات، ساعان، امانات. (م. الىمبايەۆ)