سپورتتىق اياق كيىم تاڭداۋدا كومەكتەسەتىن 10 فاكت

سوڭعى جاڭارتۋ

(وزگەرتىلگەن ۋاقىتى 5 كۇن بۇرىن)

20 ماۋ. 2019 00:00
190

سپورتتىق اياق كيىم تاڭداۋدا كومەكتەسەتىن 10 فاكت

ساپالى سپورتتىق اياق كيىمدى تاڭداۋعا كومەكتەسەتىن كەڭەستەر.

1. ناقتى ءبىر سپورت تۇرىنە لايىقتاپ تاڭداۋ جاساڭىز

باسكەتبولعا ارنالعان اياق كيىم باسكەتبول ويناۋعا ارنالعان. تەننيستەگى تۋفلي تەننيس ويناۋعا ارنالعان. كروسسوۆكالار جۇگىرۋگە ارنالسا، سەرۋەنگە ارنالعان كروسسوۆكانى سەرۋەنگە شىققاندا عانا كيۋ كەرەك. بۇل تىگىن شەبەرحاناسىنىڭ ءسىزدى كوپ ش№ىعىنعا باتىرۋ ءۇشىن جاساعان قۋلىعى ەمەس. ءار سپورت تۇرىنە ارنالعان، شىنىندا دا، ارنايى ءوز اياق كيىمى بولۋى قاجەت.

وندىرۋشىلەر سپورتتىق اياق كيىمدى سپورتسمەننىڭ ىس-ارەكەتىن جەڭىلدەتەتىن، وعان كومەك بولاتىنداي بارىنشا پايدالى ەتىپ جاساۋعا تىرىسادى.

اياق كيىمنىڭ قانداي سپورت تۇرىمەن اينالىسۋعا ارنالعانىنا بايلانىستى تاڭدالعانى ماڭىزدى.

ەگەر ءسىز 2-3 سپورت تۇرىمەن اينالىسساڭىز، وندا ءبىر «امبەباپ» كروسسوۆكادان گورى ولاردىڭ ءارقايسىسى ءۇشىن 2-3 جۇپ اياق كيىم بولعانى دۇرىس.

2. اياق كيىمىڭىزدى ۋاقىتىندا اۋىستىرىڭىز

وزىڭىزگە كەسىرى تيەتىن ەڭ ناشار ءىستىڭ ءبىرى — ەسكى سپورتتىق اياق كيىمدى كيىپ جۇرە بەرۋ. اياق-كيىم ءسىزدىڭ اياعىڭىز بەن توبىعىڭىزدى قورعاۋعا ارنالعان. ءبىراق ىشكى امورتيزاسيالاۋ قاباتى سىنعان كەزدە، ءسىزدىڭ بارلىق دەنەڭىز وسىنىڭ سالدارىنان زارداپ شەگەدى.

سپورتتىق مەديسيناعا ماماندانعان امەريكالىق Podiatric اكادەمياسى اياق كيىم اۋىستىرۋدىڭ قاجەتتىگىن ءبىلۋ ءۇشىن كەلەسى كەڭەستەردى ۇسىنادى:

— شامامەن 450-دەن 600 كيلومەترگە دەيىن جۇگىرۋ نەمەسە جاياۋ ءجۇرۋ؛

— 45 ساعاتتان 60 ساعاتقا دەيىن باسكەتبول، اەروبتىق بي، تەننيس نەمەسە باسقا دا قوزعالاتىن سپورت تۇرلەرىمەن شۇعىلدانعاننان كەيىن؛

— اياق كيىم تابانى توزعان بولسا، تەگىس جەرگە قويعاندا تەگىس ەمەس ەكەنى كورىنەدى؛

— كروسسوۆكالاردى ۇنەمى كيمەسەڭىز دە ولار ءبىر جىلدان كەيىن توزا باستاۋى مۇمكىن.

— ەگەر ءسىز وتە بەلسەندى بولساڭىز، اياق كيىمدى ءار ەكى اي سايىن اۋىستىرۋعا تۋرا كەلەدى. بۇل قىمبات بولۋى مۇمكىن. ءبىراق بۇل بۇدان كەيىنگى مەديسينالىق قىزمەت كورسەتۋ شىعىندارىن ۇنەمدەۋگە مۇمكىندىك بەرسە، وندا بۇل باعاسىنا تۇرارلىق.

3. بيۋدجەتىڭىزدى انىقتاڭىز

سپورتتىق اياق كيىم $ 20-دان $ 200-عا دەيىن تۇرادى. كەز كەلگەن پايدالانۋشى ەڭ سوڭعى كورگىسى كەلەتىن نارسە — ساتىپ الماس بۇرىن راسىمدەلەتىن كوپ كولەمدەگى اقشا.

ەڭ باستىسى، كوپتەگەن زەرتتەۋ ورتاشا ەسەپپەن 80-100 دوللار تۇراتىن اياق كيىمنىڭ وتە قىمبات سەريالىق اياق كيىمنەن ەشقانداي ايىرماشىلىعى جوق ەكەنىن انىقتاعان.

4. كەڭەسىڭىز

ەگەر ءسىز ءارقاشان 35-رازمەردەگى اياق كيىم كيىپ كەلگەن بولساڭىز جانە ول سىزگە ءاردايىم شاق بولعان بولسا دا تاڭداۋ الدىندا ساتۋشىمەن كەڭەسىڭىز. مۇندا تەك اياق ولشەمى عانا ەمەس، اياقتىڭ بيىكتىگى، قاجەتتى قولداۋ دەڭگەيى — ءبارى ماڭىزدى.

جاقسى دۇكەندەر سىزگە اياعىڭىزدى اۋىرتپايتىن جانە تەز شارشاتپايتىن اياق كيىم تاڭداۋعا كومەكتەسەتىن كاسىبي كەڭەسشىلەرگە اقشا ايامايدى.

5. برەندكە سۇيەنىپ ساۋدا جاساماۋعا تىرىسىڭىز

Nike كروسسوۆكالارىن الەمدەگى كەز كەلگەن باسقا سپورتتىق اياق كيىم ماركالارىنان كوبىرەك ۇناتاتىنىڭىزعا قاراماستان، ەگەر ولار ءسىزدىڭ اياعىڭىزعا، جۇرگەنىڭىزگە، ءسىز اينالىساتىن سپورت تۇرىنە ارنالعان اياق-كيىم ۇسىنا الماسا، برەند بولعانى ءۇشىن ول ماڭىزدى بولماۋى ءتيىس. اياق كيىم تاڭداعاندا مىندەتتى تۇردە بىرنەشە ماركانى كيىپ كورىڭىز. اياعىڭىزعا قونىمدى، سونداي-اق ۇناتقان اياق كيىمىڭىز بۇرىن ەشقاشان اياق كيىمىن كيىپ كورمەگەن برەندتەن بولسا، تاڭ قالماڭىز.

6. اياق كيىم الۋ ءۇشىن دۇكەنگە كەشقۇرىم بارىڭىز

كەشكە قاراي ءسىزدىڭ اياقتارىڭىز ىسىنەدى. وسى ۋاقىتتا دۇكەنگە كەلىپ، اياق كيىم ولشەگەندە ءسىزدىڭ اياعىڭىز بارىنشا ۇلكەن بولىپ تۇرعانىن تۇسىنەسىز. اياعىڭىزعا كىشى اياق كيىم العانشا كىشكەنە ۇلكەن اياق كيىم العان دۇرىس. سەبەبى جاتتىعۋ كەزىندە مۇنداي اياق كيىم اياقتى قىسۋى مۇمكىن. سوندىقتان ونىمەن جاتتىعۋ ىڭعايسىزدىق تۋدىرادى.

7. جاتتىعۋ كەزىندە كيەتىن شۇلىعىڭىزدى كيىپ بارىڭىز

كروسسوۆكا الۋ ءۇشىن دۇكەنگە بارعان كەزدە مىندەتتى تۇردە جاتتىعۋ كەزىندە كيەتىن شۇلىعىڭىزدى كيىپ بارىڭىز. ول سىزگە جاعىمسىز ماسەلەلەردىڭ الدىن الۋعا كومەكتەسەدى. مىسالى، شۇلىق قىسقا بولعان جاعدايدا كروسسوۆكانىڭ ارتى اياعىڭىزدى قاجاۋى مۇمكىن. تىعىز تۇراتىن شۇلىق كيگەن جاعدايدا تابان جاققا اۋا بارماي، اياعىڭىز قاتتى تەرلەۋى مۇمكىن.

8. «ۇلكەن ساۋساقتىڭ ەرەجەسىن» پايدالانىڭىز

ەگەر ءسىز ومىردە ءبىر رەت بولسىن كىشى رازمەردەگى اياق كيىم كيىپ كورگەن بولساڭىز، مۇنىڭ قانشالىقتى اياقتى اۋىرتاتىنىن جانە جاعىمسىز ەكەنىن بىلەسىز. سوندىقتان ءارقاشان اياق كيىمدى تاڭداۋ جانە ساتىپ الۋ كەزىندە باس بارماقتىڭ الدىندا كىشكەنە بوس ورىن قالعانىنىن قاداعالاڭىز. بۇل ورىن ساۋساقتى ەركىن جانە كەدەرگىسىز قيمىلداتا الاتىنداي بولۋى كەرەك.

9. ساتىپ الۋ كۇنى ەتىپ، بىرنەشە اياق كيىمدى كيىپ كورە الاتىنداي، دەمالىس كۇندى تاڭداڭىز

ساتىپ الۋ تۋرالى شەشىم قابىلداماس بۇرىن، ەڭ جوق دەگەندە 8 ءتۇرلى جۇپ كروسسوۆكالاردى ولشەۋگە تىرىسىڭىز. اياق ولشەمدەرى ستاندارتتى ەمەس ادامدارعا ادەتتە 2-3 جۇپ اياق كيىم تابۋدىڭ ءوزى قيىن، سوندىقتان بىرنەشە دۇكەنگە بارۋ ماڭىزدى.

اسىرەسە، ەسكى اياق كيىمنىڭ قاتتى توزعانىن كۇتكەن بولساڭىز. ءتۇرلى ماركالاردىڭ بىرنەشە ءتۇرىن كيىپ كورىپ، ءوزىڭىز ءۇشىن ىڭعايلىسىن تاڭداي الاسىز. اياعىڭىزدا ءار اياق كيىمنىڭ قالاي تۇرعانىن ۇمىتىپ قالماس ءۇشىن سۋرەتكە ءتۇسىرىپ الىڭىز.

10. دۇكەننەن قايتارىم مەن كەپىلدىك تۋرالى مالىمەت الىڭىز

جاڭا كروسسوۆكالارمەن ۇيگە بارماس بۇرىن دۇكەننىڭ تاۋاردى قايتارۋ ساياساتى تۋرالى سۇراپ ءبىلىڭىز. كەيبىر ينتەرنەت-دۇكەندەر ساتىپ الۋشىلارعا اياق كيىمدى، كيىلىپ قويعان كۇننىڭ وزىندە، قايتارۋ ءۇشىن 30 كۇن ۋاقىت بەرەدى. دۇكەندە شاپ-شاق بولعان اياق كيىمنىڭ ۇيگە كەلگەندە ىڭعايلى ەمەس ەكەنىن ءبىلۋ ىڭعايسىزدىق تۋدىرادى.

قورىتىندى

ءسان دۇرىس سپورتتىق اياق كيىم تاڭداۋدا نەگىزگى فاكتور بولماۋى كەرەك. سوندا دا مۇنىڭ ماڭىزدى ەكەنىن مويىنداۋ دا ۇيات ەمەس. ەگەر ءسىز بەلگىلى ءبىر ءتۇس گامماسىندا جۇپ اياق كيىم ساتىپ الۋعا شەشىم قابىلداساڭىز، باعاسى قول جەتىمدى بولىپ ءارى سىزگە ۇناعان بولسا، ءسىزدىڭ قالاۋىڭىزعا تولىق سايكەس كەلسە، ونى الۋدان قورقۋدىڭ قاجەتى جوق. كەيدە ينتەرنەت-دۇكەندەردە ءسىز تاڭداعان تاۋار بولماۋى مۇمكىن، ءبىراق ولار وعان تاپسىرىس بەرىپ، تەگىن جەتكىزە الادى.