ۇبت ناتيجەسىن قالاي بىلۋگە بولادى
بۇگىن ەلىمىزدە ۇلتتىق ءبىرىڭعاي تەستىلەۋ باستالدى. تەست ۇبت تاپسىراتىن 169 پۋنكتىدە وتەدى.
ق ر ءبىلىم جانە عىلىم مينيسترلىگىنىڭ مالىمەتىنشە، ۇبت-عا ءوتىنىش قابىلداۋ 1 ءساۋىر مەن 10 مامىر ارالىعىندا جۇرگىزىلدى. ۇبت-عا قاتىسۋعا ءوتىنىش بىلدىرگەندەردىڭ جالپى سانى - 117 242. ونىڭ ىشىندە وسى جىلى مەكتەپ بىتىرۋشىلەر سانى 96 380 ادامدى (وتكەن جىلعى مەكتەپ بىتىرۋشىلەر سانى - 20 862) قۇرادى.
«ۇبت-2019 ناتيجەسىن: @edu.gov.kz_bot Telegram-بوتى كومەگىمەن، edu.mail.kz سايتىنان، ۇلتتىق تەستىلەۋ ورتالىعىنىڭ رەسمي سايتىنان بىلۋگە بولادى. ول ءۇشىن ءاربىر تەستىلەنۋشىگە بەرىلەتىن تجك (تەستىلەنۋشىنىڭ جەكە كودىن) ەنگىزۋ قاجەت»، - دەپ اتاپ ءوتتى مينيسترلىكتەن.
ايتا كەتەرلىگى، بيىل مينيسترلىك ۇبت تاپسىرۋ كەزىندەگى كەز كەلگەن بۇزۋشىلىقتاردى، ونىڭ ىشىندە جاقسى ناتيجەلەر الۋ ءۇشىن ءۇشىنشى تۇلعالاردىڭ قىزمەت كورسەتۋىن بولدىرماۋ ماقساتىندا ناقتى قادامدار قابىلداۋدا.
«ءبىز بارلىق تۇلەكتەر مەن اتا-انالاردان مۇنداي جاعدايلارعا بەيجاي قاراماۋدى وتىنەمىز. ەگەر سىزدەرگە «دۇرىس جاۋاپتار كودىن» ساتىپ الۋدى ۇسىنسا، تەستىلەۋ كەزىندە كوشىرىپ الۋ كۋاگەرى بولساڭىز نەمەسە تەستىلەۋ كەزىندە بوتەن ادامداردىڭ جۇرگەنىن كورسەڭىز +7 (7172) 69-50-87 تەلەفونىنا حابارلاسىپ نەمەسە @edu.gov.kz_bot Telegram-بوتىنا حات جازۋدى سۇرايمىز»، - دەدى ۆەدومستۆودان.
You Might Also Like
-
تاڭعى ۇيقىنىڭ ءتاتتىسى-اي. «ەندى ءبىر ءسات، ەندى ءبىراز...» دەپ جاتاسىڭ. ءبىراق قالىڭ ۇيقىنىڭ قات-قاباتىن تەسىپ ءوتىپ سانا تۇرتكىلەيدى: «تۇر، جۇمىستان قالاسىڭ، تۇر» دەپ سۇڭقىلدايد...
-
«امازون» كومپانياسىنىڭ يەسى دجەفف بەزوس ونىڭ اەروعارىشتىق كومپانياسى ءبىر جىل بويى قۇپيا تۇردە جاساپ كەلگەن ادامدى ايعا ۇشىرۋعا ارنالعان اپپاراتتىڭ ماكەتىن قالىڭ بۇقارانىڭ نازارىنا ۇسىند...
