ستۋدەنتتەرگە ارنالعان جاتاقحانالاردا تولەماقىنىڭ ءوسۋى سەبەبى بەلگىلى بولدى
عىلىم جانە جوعارى ءبىلىم مينيسترلىگى ستۋدەنتتەرگە ارنالعان جاتاقحانالاردا تولەم سوماسىنىڭ ءوسۋى سەبەبىن ايتتى.
«بيىلعى وقۋ جىلىندا ۋنيۆەرسيتەت جاتاقحاناسىندا تۇرۋ قۇنى عيماراتتى كۇتىپ ۇستاۋ، قىزمەت كورسەتۋ شىعىندارىنا وراي ءوستى. بۇل تۇرعىدا قۇرىلىس زاتتارى قۇنىنىڭ ءوسىمىن، كۇردەلى جوندەۋ، قىزمەتكەرلەردىڭ ەڭبەكاقى قورى، كوممۋنالدىق قىزمەتتەر، دەراتيزاسيا/دەزينفەكسيا جۇمىستارىن ەسكەرۋ كەرەك»، - دەلىنگەن مينيسترلىكتىڭ قازاقپارات اگەنتتىگىنە بەرگەن مالىمەتىندە.
ۆەدومستۆو اقپاراتىنا قاراعاندا، اكادەميالىق ەركىندىك اياسىندا جوو قۇزىرەتىنە وقۋ پروسەسىن جۇزەگە اسىرۋ، كادرلاردى ىرىكتەۋ ءارى ورنالاستىرۋ، سونداي-اق عىلىمي، قارجىلىق-شارۋاشىلىق جانە قازاقستان زاڭناماسىندا بەلگىلەنگەن باسقا دا قىزمەت كىرەدى.
سونىمەن قاتار، قىزمەتتىڭ اشىقتىعى مەن وبەكتيۆتىلىگىن قامتاماسىز ەتۋ ءۇشىن ۋنيۆەرسيتەتتەردە كورپوراتيۆتىك باسقارۋ جۇيەسى – ديرەكتورلار كەڭەسى ەنگىزىلدى. وسىعان دەيىن ۋنيۆەرسيتەت رەكتورى جەكە شەشىم قابىلداۋ قۇقىعىنا يە بولسا، ەندى كورپوراتيۆتىك باسقارۋ ەنگىزىلگەننەن كەيىن رەكتور ورىنداۋشى بولىپ سانالادى، ياعني ستراتەگيالىق شەشىمدەردى ديرەكتورلار كەڭەسى قابىلدايدى. جاتاقحانادا تۇرۋ قۇنىنا قاتىستى شەشىمدى دە ديرەكتورلار كەڭەسى قاراستىرادى.
You Might Also Like
-
ەر مەن ايەل وتباسىنىڭ ەكى ىرگە تاسى ەكەنى بەلگىلى. بۇل ومىردە ۇلكەن ءبىر كەدەرگى بولماسا، ەش سەبەپسىز تۇرمىس قۇرماۋ — دۇنيەگە ۇرپاق اكەلۋ مىندەتىنەن قاشقاندىق بولىپ سانالادى. سوندىقتان بۇگىن ن...
-
شىن سەزىم، مول ماحاببات بويمىزدا باقىتتى تۇرمىس قۇرۋ، ويىمىزدا ومىرگە بىرگە اتتاندىق جاقسى ۇمىتپەن كەل دوستار، شاقىرامىز تويىمىزعا.
