سۋ جۇرەك قويان مەن ەسەك
(مىسال)
قويان «قورقاق، قورقاق» دەپ
«كولەڭكەسىنەن قورقاد» دەپ.
جۇرتتىڭ ءسوزى تيگەن ابدەن جانىنا،
قارسى شىعىپ تابيعاتتىڭ زاڭىنا،
ەر بولۋعا، ەر اتاعىن شىعارۋعا بەكىندى،
وسى وي وعان ءسال ەرتەرەك كەلمەگەنىنە وكىندى.
سودان كەيىن وز-وزىنە ريزا بوپ،
سەكەڭ- سەكەڭ سەكىردى.
سول كۇنى ول بەيتانىس ءبىر الاپقا قونا كەتكەن-دى،
مىلتىقتى اڭشىدان دا، ابالاعان يتتەن دە،
قاسقىردان دا سەسكەنبەۋگە سەرت بەردى،
ءسويتىپ جاتىپ كوزى ءىلىنىپ كەتكەن-دى.
الدەنەنىڭ تىپىر-تىپىر ەتكەنىن،
ەستىگەندە شوق باسقانداي ەسى شىعىپ،
اتا تۇرىپ بەلدەن اسىپ كەتكەن-دى.
ۇمتىلعانداي سەكىلدەنگەن كوك ءبورى
ءتورت اياقتى سوقتىقتى الدەنەگە تاپ كەلدى.
دەمەسىن دەپ قويان مەنەن سەسكەندى:
-كەت، ءارى كەت،- دەپ ايبات شەككەن-دى.
-سەن كىمسىڭ، ءاي،
ورىسىمنەن كەت دەيتىن!
-مەن بە قويان-نويانمىن!-
دەگەن ەدى سۇستانىپ.
ء-اي، پاتشاعار، جالعىز اۋىز سوزىڭنەن
قالدىڭ بىردەن ۇستالىپ،
قويان دەگەن سۋ جۇرەكتى ءبىلۋشى ەم،
ءدىر-دىر ەتكەن ادەتىنە كۇلۋشى ەم،-
دەدى داعى «يحا، يحالاپ»
اقىردى ءبىر ىشقىنىپ.
قورىققاننان
قوياننىڭ جۇرەگى كەتتى جارىلىپ.
قوياندار ءۇشىن
باتىلدىق جولى قالدى جابىلىپ.
سۇلەيمەن بايازيتوۆ
You Might Also Like
-
اتىنىڭ تۇياعى جەتكەن جەرگە ءامىرىن جۇرگىزگەن ايگىلى شىڭعىس حاننىڭ جوشى دەگەن ۇلى بولعان. جوشى دا حان بوپ وتكەن. داڭقتى اكەسىنەن تيگەن ەنشىسى — ۇلىتاۋ مەن ازاۋ تەڭىزىنىڭ اراسىندا كەرىلىپ جاتقان ...
-
1991 جىلى 8 جەلتوقساندا ءۇش سلاۆيان رەسپۋبليكاسى: رەسەي، بەلارۋس جانە ۋكراينا كسرو جوق دەپ جاريالادى. سەگىز كۇن وتكەن سوڭ، 1991 جىلعى 16 جەلتوقساندا قازاقستان تاۋەلسىزدىگىن جاريالادى. 1991 جىلعى ءتوت...
