InfoHub Logo

قىزىلوردا وبلىسى، قازالى اۋدانى،
ق. كۇلەتوۆ اتىنداعى №92 ورتا مەكتەبىنىڭ
قازاق ءتىلى مەن ادەبيەت ءپانىنىڭ ءمۇعالىمى
ەنسەپبايەۆا جادىرا ابديرحانوۆنا

قازاق ادەبيەتى 6 - سىنىپ

ساباقتىڭ تاقىرىبى: ءسۇيىنباي ارون ۇلى «جاقسى مەن جامان ادامنىڭ قاسيەتتەرى»
سىلتەمە: باعدارلاما. جوسپار
جالپى ماقساتى: وقۋشىلاردى جامان قاسيەتتەن بويىن اۋلاق ۇستاپ، جاقسى قاسيەتتەردى بويىنا ءسىڭىرىپ، جاقسى ادام بولۋعا تاربيەلەۋ، ادامگەرشىلىك اسىل قاسيەتتەردى باعالاۋ.
وقىتۋ ناتيجەسى: توپتىق جۇمىس بارىسىندا وقۋشىلاردىڭ تاقىرىپقا دەگەن قىزىعۋشىلىعى ارتادى؛
ءوزارا باعالاۋ ارقىلى جاۋاپكەرشىلىكتى ۇعىنادى؛
تالداۋ، زەرتتەۋ، سالىستىرۋ ادىستەرى ارقىلى سىني تۇرعىدان ويلاۋ جۇزەگە اسادى؛
وقۋشىلاردىڭ اقپاراتتىق - كوممۋنيكاسيالىق قۇزىرەتتىلىگى ارتادى.
نەگىزگى يدەيالار: اقىندى تولعاندىرعان سۇراقتار ارقىلى اقىن ولەڭىنەن جاۋاپ ىزدەپ، جاقسى مەنەن جاماننىڭ ايىرماسىن تۇسىنۋگە تاربيەلەۋ، جامان ادەتتەن جيرەندىرۋ.

دەرەككوز: عالامتور
وقۋلىق. وقىتۋ ادىستەمەسى
عىلىمي - پەداگوگيكالىق ادىستەمەلىك جۋرنال
تاپسىرمالار: 1. وقۋلىقپەن جۇمىس
2. جۇپپەن جۇمىس
3. توپتىق جۇمىس
4. پوستەر قورعاۋ
كەيىنگى تاپسىرمالار: 1. ولەڭدى ناقىشىنا كەلتىرە وقۋ
2. سايكەستەندىرۋ
3. توپتاستىرۋ
4. دەڭگەيلىك تاپسىرمالار
5. «سيقىرلى قالام»

ساباق بويىنشا ءمۇعالىمنىڭ جازبالارى
- ۇيىمداستىرۋ ءبولىمى. امانداسۋ. توپقا ءبولۋ
- ءۇي تاپسىرماسىن تەكسەرۋ: 1. ۇناعان شۋماقتارىن جاتقا ايتۋ
- ساباقتىڭ ماقساتى مەن ناتيجەسىن كورسەتۋ
- توپتىق باعالاۋعا پاراقشا تاراتۋ
- وي قوزعاۋ
«جاقسى دەگەن نەمەنە، جامان دەگەن نەمەنە؟»
توپتىق جۇمىس. قانداي ادام جاقسى، قانداي ادام جامان؟ وقۋشىلاردىڭ ويىن ءبىلۋ. وسى سۇراق ءسۇيىنباي اقىندى دا ويلاندىرعان.
(پوستەر قورعاۋ)
(ءفورماتيۆتى باعالاۋ)

ءمۇعالىم: ءبورىلى بايراق استىندا
بوگەلىپ كورگەن جان ەمەن.
بورىدەي جورتىپ كەتكەندە
ءبولىنىپ قالعان جان ەمەن – دەپ جىرلاعانداي ايتىس ونەرىنىڭ اسقان شەبەرى، ەشكىمگە جۇلدە بەرمەگەن ەرەن اقىن ءسۇيىنباي ارون ۇلىنىڭ «جاقسى مەن جامان ادامنىڭ قاسيەتتەرى» اتتى ولەڭىن بۇگىنگى ساباقتا وتەمىز.
اقىن «جاقسى مەن جامان ادامنىڭ قاسيەتتەرى» ولەڭىندە ومىردەگى اسىل مەن جاسىقتى، ەر مەن ەزدى، جاقسى مەن جاماندى، ىزگى مەن زۇلىمدى كوپ كورىپ، كوڭىلىندە تارازىلاپ، ەتيكالىق تۇرعىدان پايىمدايدى. ولەڭنىڭ اتىنان كورىنىپ تۇرعانداي، وندا جاقسى مەن جامان ادام، ولارعا ءتان قاسيەتتەر ءبىر - بىرىنە قاراما - قارسى قويىلىپ سيپاتتالعان.

جۇپپەن جۇمىس:
1. حرونولوگيالىق كەستە ارقىلى ءبىر - بىرىنە «س. ارون ۇلى تۋرالى نە ءبىلدىم؟» تاقىرىبىنا سۇحباتتاسۋ
جىلدار وقيعالار
1815 جىل الاتاۋ بوكتەرىندەگى الماتىعا جاقىن قاراقىستاق اۋىلىنىڭ بۇلاق دەگەن جەرىندە تۋعان.
13 - 14 جاسىندا «ءتۇس» دەگەن العاشقى ولەڭىن جازادى.
1852 جىلى ماۋسىم ايىندا قىرعىز حانى ورمان اتاسى اسىندا ءسۇيىنباي مەن قاتاعان ايتىسادى. ءسۇيىنباي ايقىن باسىمدىلىقپەن جەڭەدى.
1898 جىلى 83 جاسىندا دۇنيە سالعان.

2. ماتىنمەن جۇمىس: ا) ولەڭدى وقۋ
ءا) قيىن سوزدەرمەن جۇمىس:

سايكەستەندىرۋ
پارقى – باعاسى
ميۋالى – جەمىستى
كور كوكىرەك – ەش نارسەگە تۇسىنبەيتىن، بوس كەۋدە
كوزى سوقىر – تۇك بىلمەيتىن نادان
شالا – وتتاعى تولىق جانىپ بىتپەگەن اعاش
تانا - 1 مەن 2 جاس ارالىعىنداعى ءىرى قارا.
ءسوزى مايدا – سىپايى، ادەپتى سويلەيدى

دەڭگەيلىك تاپسىرمالار:
1 - دەڭگەي
«توپتاستىرۋ» ستراتەگياسى ارقىلى جاقسى مەن جامان ادامنىڭ قاسيەتتەرىن تابۋ

2 - دەڭگەي
حالىق ماقال - ماتەلدەرىنەن ەكىنشى سىڭارىن ەسكە ءتۇسىرۋ
1. جاقسى كورگەنىن ماقتاپ جۇرەر،
(جامان كورگەنىن داتتاپ جۇرەر)

2. جاقسىعا قىلعان جاقسىلىق، ومىرىنشە توزبايدى،
(جامانعا قىلعان جاقسىلىق، ءبىر كۇنگىدەي بولمايدى)

3. جاقسى كىسىنىڭ اشۋى - شاي ورامال كەپكەنشە.
(جامان ادامنىڭ اشۋى باسى جەرگە جەتكەنشە.)

4. جاقسىنى سىيلاساڭ ەسىنەن كەتپەيدى،
(جاماندى سىيلاساڭ ەسىگىڭنەن كەتپەيدى)

5. جاقسىعا بەرسەڭ اسىڭدى، جاقسى سىيلار باسىڭدى.
(جامانعا بەرسەڭ اسىڭدى، يتكە تاستار باسىڭدى)

6. جاقسىعا ەرسەڭ، جەتەرسىڭ مۇراتقا،
(جامانعا ەرسەڭ، قالارسىڭ ۇياتقا)

3 - دەڭگەي
«جانىڭدا ءجۇر جاقسى ادام» ويتولعاۋ
- تالانتتى، دارىندى بالالاردى قاتىستىرۋ (قوسىمشا عالامتور ماتەريالدارىنان)

بەكىتۋ «سيقىرلى قالام»
تولعاۋ ارقىلى نەنى ۇيرەندىم؟ تولعاۋ ارقىلى نەدەن جيرەندىم؟

ءتۇيىن:
ادام — ومىرگە قوناق.
ماقسات – بۇگىنگى ايتىلعان جامان قاسيەتتەردەن اۋلاق بولىپ، جاقسى قاسيەتتەردى بويىمىزعا ءسىڭىرۋ كەرەك.

باعالاۋ:
باعالاۋ كريتەرييلەرى بويىنشا وقۋشىلارمەن بىرىگىپ باعالاۋ

ۇيگە تاپسىرما: 1. حرەستوماتيادا بەرىلگەن اقىن ولەڭدەرىمەن تانىسۋ.
2. ساتىلاي كەشەندى تالداۋ.
3. تەڭەۋ، انتونيم، سينونيم، ديسفەميزم سوزدەردى تابۋ
- رەفلەكسيا كەزەڭى
«باعدارشام» ارقىلى ويىن ءبىلدىرۋ
- ساباقتى اياقتاۋ

تولىق نۇسقاسىن جۇكتەۋ