InfoHub Logo

الا تاڭى كۇيبەڭ تىرشىلىكتىڭ ورتاسىنان باستالاتىن تاكسيستىڭ ءبىر كۇندىك ءومىرى قىزىققا تولى. تاڭسارىدەن تابيعاتقا تامسانىپ وتىراتىن قالانىڭ تۇرعىندارى قاربالاس وتەتىن ۋاقىتقا ابدەن بەيىمدەلگەن. ءتىپتى، تاكسيست بولىپ ۇيرەنگەن بىزدەر دە قالانىڭ كەپتەلىسى القىمىمىزدان الىپ تۇرسا دا اشۋعا بوي الدىرمايمىز. ويتكەنى سول تاكسيستىك ءومىر شىدامدىلىققا ۇيرەتەتىندەي. قالا تۇرعىندارى دەمالىس ۋاقىتتارىن وزدەرىنشە ءارتۇرلى وتكىزىپ جاتادى. ال مەنىڭ ءبىر كۇندىك دەمالىس كۇنىم وزىمە جەتەرلىك ءناپاقا تابۋمەن باستالادى. بىردە اش، بىردە توق جۇرەتىن ستۋدەنتتىك ومىردە ساباقپەن قوسا تاكسيستىك ءومىردى دە قاتار الىپ ءجۇرمىن. قازىرگى ۋاقىت جەتپەيتىن زاماندا شىدامسىزدىقتان دىزاقتاپ تۇراتىن ادامداردى كەلەسى بەكەتكە جەتكىزىپ تاستاپ العىستارىن الىپ ءجۇرمىن. سول ءومىر وزىندىك كوزقاراس قالىپتاستىرىپ، قوعاممەن، ادامدارمەن بايلانىس جاساۋدى ۇيرەتىپ ءجۇر. ستۋدەنت بولىپ، تاڭعى ساباعىما كەشىگىپ بارا جاتىرسام دا، ايالدامادا تۇرعان ادامداردى وزدەرى كەلىسىپ تۇرعان باعادا دىتتەگەن جەرىلەرىنە جەتكىزىپ تاستايمىن. ءتىپتى، كەيدە وزىمە كۇلىپ  تە الامىن. وسى قالاداعى ەڭ ارزان تاكسي مەن شىعارمىن دەپ. ءبىراق، ءبارىمىز ءبىر اسپاننىڭ استىن سايالاعان ادامدار بولعان سوڭ جومارتتىق تانىتقانىمىز ارتىق ەتپەيتىن بولار.

قۇديار دانياروۆ

---