InfoHub Logo

ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى
جۋرناليستيكا ماماندىعىنىڭ 3 كۋرس ستۋدەنتى
جەكسەنوۆ ەلامان اقىلبەك ۇلى

ومىردەگى ەڭ قىزىق كەزەڭ مەنىڭشە «ستۋدەنتتىك ءومىر»!

… ءبىرىنشى كۋرس «بالمۇزداق» اتانىپ،ۇلكەن وقۋ ورنىن قىزىقتاپ، ءمۇعالىمدى كورىپ ارىستاندى كورگەن قويانداي قورقىپ، جان جاققا جالتاقتاپ جۇرەتىن، ەكىنشى كۋرس، ۋنيۆەرسيتەت قابىرعاسىندا بوي ۇيرەنىپ، سىناق كىتاپشاسىن توقسانعا تولتىرىپ، ءماز بولىپ جۇرەتىن، ءۇشىنشى كۋرس، ءبىلىم الۋدان ۇيقىنى ارتىق كورەتىن، مۇعالىممەن قۇربى قۇرداسشا سويلەسىپ جاقسى بالدى قورجىنعا سالىپ جۇرەتىن، ءتورتىنشى كۋرس، پراكتيكا، ديپلوم دەگەن ەكى ءسوزدى كوپ قايتالاي بەرەتىن، ءتورت جىل ءتورت سەكۋندتاي وتكەنىن ەسكە ءتۇسىرىپ، ساعىنىشپەن،ۇلكەن ومىرگە اياق باساتىن كەزەڭ…
قىزىعى مەن قوسا شىجىعى دا قاتار جۇرەتىن بۇل كەزەڭدە تالاي جاستار بولاشاق ءومىرىن ايقىندادى، ومىرلىك جارىن جانە دوستارىن تاپتى! بىرەۋلەر ءۇشىن بۇل كەزەڭ تۇك تە قىزىق ەمەس، پاراعا قاتىسپاي، اسحاناعا كەلىپ كەتۋدى قاناعات تۇتاتىن ستۋدەنتتەر بار… بىرەۋلەرى ءۇشىن بۇل ۋاقىت التىننان قىمبات، كۇنى ءتۇنى كىتاپتان كوز الماي، ءبىلىم الۋ، وقۋ، بولاشاعىمدى جاسايتىن ءوزىم دەپ ءبىر مينۋتىن قۇر جىبەرمەيتىن جاستار دا بار (بۇندايلاردى «وقىمىستى» دەپ شەتتەتۋى مۇمكىن كەيبىرلەرى)… بىرەۋلەر ءۇشىن بۇل ۋاقىت بويدا بار تالانتىن اشۋعا كومەك بەرەدى… بىرەۋلەرى ستۋدەنتتىك قوعامدىق ومىرگە بەلسەنە ارالاسۋ ارقىلى وزىنە تاجىريبە جينايدى… ءبىر ستۋدەنت سويلەۋدى ۇيرەنەدى… بىرەۋلەرىن مۇلدەم ءتۇسىنۋ قيىن، ساباقتان قالمايدى، ساباق ايتپايدى نە توبىمەن ارالاسپايدى…

ستۋدەنتتىك ءومىر تۋرالى ايتا بەرسە توم توم كىتاپ شىعادى! سول كىتاپتى وقىعان كەزدە قىزىقتى، ايتىپ بەرەرگە تۇرارلىقتاي قىلۋ ول ءاربىر جازۋشىنىڭ (ستۋدەنتتىڭ) قولىندا!!!

---