تالدىقورعاندىق ستۋدەنتتەر جەمقور وقىتۋشىلاردان شارشاعاندارىن ايتۋدا
تالدىقورعان قالاسىنداعى ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ستۋدەنتتەرى جەمقور وقىتۋشىلاردان شارشاعاندارىن ايتىپ، الەۋمەتتىك جەلى ارقىلى ءوز نارازىلىقتارىن بىلدىرۋدە، دەپ قازاقپارات حابارلايدى.
وزدەرىن پەداگوگيكا جانە پسيحولوگيا فاكۋلتەتىنىڭ ستۋدەنتتەرىمىز دەپ تانىستىرعان ولار، اتالعان ءبىلىم مەكەمەسىندە جەمقورلىق جايلاپ كەتكەنىن ايتۋدا. ستۋدەنتتەر فەيسبۋكتە ەمتيحان ۋاقىتى جاقىنداعاندا وقىتۋشىلار اشىق تۇردە اقشا تالاپ ەتەتىندىگىن جازدى. ولاردىڭ سوزىنشە، وقۋ ورنىنىڭ پەداگوگتارى ەمتيحاندى ءوز كۇشتەرىمەن تاپسىرۋعا مۇمكىندىك بەرمەي جاتقان كورىنەدى. سول سەبەپتى مۇنداي باسسىزدىققا بۇدان ءارى جول بەرمەس ءۇشىن، الەۋمەتتىك جەلى ارقىلى جانايقايلارىن جەتكىزىپ، وقىتۋشىلارعا مۇنى توقتاتسىن دەپ تالاپ قويۋدا.
ەگەر دەر كەزىندە ءتيىستى شارا قولدانىلماسا ولار قۇزىرلى مەكەمەلەرگە شاعىمدانامىز دەپ بەكىنىپ وتىر. جانە وقىتۋشىلاردىڭ اقشا تالاپ ەتكەندىگىن دالەلدەيتىن اۋديو جانە ۆيدەو جازبارالاردىڭ بار ەكەندىگىن ەسكەرتۋدە.
دەرەككوز: inform.kz
You Might Also Like
-
اقشۇقىر مەكتەپ-ليسەيى 1“ا”سىنىپ وقۋشىسى جاقاي بەكنۇر ابديراسىل ۇلى
-
ۇستاز - ۇلى تۇلعا، ۇلى ەسىم. ۇستاز ەسىمى كوڭىلگە قۋانىش ۇيالاتار ەڭ قىمباتتى، ەڭ ىزگى سەزىمدەرمەن بايلانىستى. ومىردە الدىمەن كىمدى قادىرلەپ، قاستەرلەيسىڭ، كىمدى ۇلگى تۇتاسىڭ دەسە، ارينە ۇستازدى دەر ...
