InfoHub Logo

قازاقستان جەمقورلىقتىڭ سالدارىنان جىلىنا 3،8 ملدر دوللار جوعالتادى ەكەن. جەمقورلىق بويىنشا ەلىمىز ريتينگتىڭ كوشىن باستاپ تۇر. بۇل قىلمىستىڭ ءتۇرى ءبىر جىلدا بىرنەشە رەت تىركەلەدى ەكەن. بۇنداي قىلمىس كوبىنە ەتەك الاتىن ورىندار-اكىمشىلىك،پوليسيا جانە قىلمىستىق اتقارۋشى جۇيەنىڭ جۇمىسكەرلەرى.

سىبايلاس جەمقورلىق كۇننەن-كۇنگە ازايىپ، تانىس-تامىردىڭ داۋرەنى ءوتىپ بارا جاتىر دەسەك تە، ءبىزدىڭ مەملەكەت مۇنى تۇبەگەيلى جويۋعا ءالى دە قاۋقارسىز. تانىسىڭ جوق بولسا جۇمىس تابۋىڭ قيىن، وقۋعا ءتۇسۋىڭ دە وڭايعا سوقپايدى. ەلىمىزدە جاستار اراسىندا جۇرگىزىلگەن ساۋالنامادا ستۋدەنتتەردىڭ 95 پايىزى تانىسىڭ، «اعاڭ»، «كوكەڭ» بولماسا جۇمىسقا ورنالاسۋ قيىن دەپ جاۋاپ بەرىپتى. بۇل جاۋاپتى ءبىزدىڭ قازاققا ءتان مەنتاليتەت دەپ اقتاپ بەرە المايمىز. سەبەبى، مۇنداي كەلەڭسىز جاعدايلار ءالى كۇنگە دەيىن ورىن الىپ وتىرعانى اقيقات. بۇل الدىڭعى قاتارلى مەملەكەتتەردە دە كۇرمەۋى شەشىلمەگەن قيىن ماسەلە. دەسە دە، جاقسى جۇمىس ورنىنا ورنالاسۋ، قالاعان وقۋ ورنىندا وقۋ ءۇشىن بارلىق ماسەلەنى تانىس-تامىرعا تىرەپ قويۋ قاتە تۇسىنىك. تانىسسىز دا تانىلىپ، تابىس تاۋىپ جۇرگەندەر قانشاما؟!  قارىم-قابىلەتى مول مامانعا قاي جەردەن بولسا دا جۇمىس تابىلارى انىق. ءبىلىمى مول ستۋدەنتكە قانداي جوو بولسىن ءوز ەسىگىن اشارى حاق. ءبىزدىڭ مەملەكەت تاۋىپ العان تانىسىنان گورى، وزىق ويلى جاستارعا وتە مۇقتاج! ءتۇيىن بولاشاققا قادام باسقان ءاربىر كەمەل مەملەكەت ءوز ەرتەڭىن ءوزى عانا جاسايدى. جەمقورلىق جويىلماعان مەملەكەتتىڭ كەلەشەگى كۇڭگىرت، بولاشاعى بۇلىڭعىر. سىبايلاس جەمقورلىق عاسىر دەرتىنە اينالماي تۇرعاندا مەملەكەت بۇل قىلمىسقا شەكتەۋ قويۋى ءتيىس. قازاقستاننىڭ ءاربىر مەكەمەسىندە تانىس تامىرىنا سۇيەنىپ جۇمىس ىستەپ جۇرگەن جاندارعا حالىق ءوز بولاشاعىن تاپسىرا المايتىنى بەلگىلى. ەندەشە ەل بولىپ سىبايلاس جەمقورلىقپەن كۇرەسىپ، ۇلت بولىپ قارسى تۇرايىق!

---