InfoHub Logo

"ايقاپ" پەن “قازاق” گازەتى ءوز كەزەڭىندەگى حالىقتىڭ كوزى، قۇلاعى ءھام ءتىلى بولعان تاڭداۋلى باسىلىمداردىڭ ءبىرى جانە بىرەگەيى.

"ايقاپ" جۋرنالى مەن "قازاق" گازەتى قازاقتىڭ قوعامدىق ساناسىنىڭ ويانۋىنا جانە ۇلتتىق مادەنيەتتىڭ دامۋىنا ۇلكەن ۇلەس قوسقان.قوس باسىلىمدى دا،قازاقتىڭ نامىسىن قورعاپ ، سويىلىمىن سوققان ناعىز ۇلتجاندى ازاماتتار باسقارعان.بۇل باسىلىمداردا كوتەرىلگەن كەي ماسەلەلەردىڭ ءالى كۇنگە دەيىن وزەكتىلىگى جويىلماي كەلە جاتىر.

ايقاپ جۋرنالىنىڭ رەداكتورى- قوعام قايراتكەرى، اقىن، اۋدارماشى مۇحامەدجان سەرالين بولدى.ال قازاق گازەتىن ۇلتتىڭ ۇستازى اتانعان – احمەت بايتۇرسىنوۆ باسقاردى. شىنىمەن ەكى اعامىزدىڭ اراسى سۋىق بولعان با؟ الدە بۇل ادامعا ەمەس، باسىلىمدارىننىڭ ۇستانىمدارىنا قاتىستى ماسەلە مە؟

نەگىزگە الا وتىرساق، «ايقاپ» وتارشىلدىق قىسىمداعى قازاقتىڭ ۇلتتىق ساناسىن وياتۋعا ىقپال ەتىپ، حالقىمىزدىڭ ساياسي جانە رۋحاني ىلگەرىلەۋ جولىندا مەيلىنشە قاجەتتى  ماسەلەلەردى وتكىر كوتەردى. «قازاقتىڭ» باستى باعىتى اعارتۋشىلىق ماسەلەنى قامتىدى. 

ءبىر انىعى،قوس باسىلىم اراسىندا كەلىسپەۋشىلىك بولعان . ونى بەيىمبەت ءمايليننىڭ مىنا سوزدەرىندە: ەندى كەلەيىك، "ايقاپ" پەن "قازاق" اراسىنا . بۇل ەكەۋىنىڭ كەيبىر پىكىرلەرىنىڭ بىرىنە-بىرى قيعاشتىعى ، ول تۋرالى ءبىرسىپىرا ءسوزدىڭ بولىپ وتكەندىگى وقۋشىلارعا بەلگىلى» دەگەن سوزدەرى ايشىقتاي تۇسەدى.

«ايقاپ» پەن «قازاق» اراسىنداعى جەر تۋرالى پىكىرتالاس پاتشا اكىمشىلىگى تاراپىنان تاڭىلعان كوشپەلى جانە وتىرىقشى نورماعا قاتىستى تۋىنداعانىن كورەمىز. ەكى باسىلىمنىڭ دا ويلاعان ماقساتتارى ءبىر بولدى. ول قايتكەندە دە قازاق جەرىن وتارشىل كۇشتىڭ قولجاۋلىعىنا اينالۋدان قورعاپ قالۋ مۇراتى بولاتىن. ءبىراق، وعان جەتۋدە ەكى جولدى تاڭدادى.

«ايقاپ» جۋرنالى: كوشپەندىلىكتەن باستارتىپ، وتىرىقشى بولامىز،وتىرىقشى بولعان ەل وقۋعا مۇمكىندىك الادى ،ەگىن ەگىپ، باسقا دا شارۋا تۇرلەرىن دامىتادى دەپ اشىق پىكىر بىلدىرەدى.التى الاشتىڭ بالاسىنا ەگىن شارۋاسىنا قولايلى جەرلەرگە قالا سالۋدى قۋاتتاپ،حالىققا شاماسى كەلگەنشە ءتۇسىندىرۋ ماقساتىن ۇستانعان باسىلىم ەدى. ال، «قازاق» گازەتى توڭىرەگىنە توپتاسقان الاش ازاماتتارى بۇل ماسەلەگە باسقاشا قارادى. ولار كەشەگى كەڭەس داۋىرىندە كەيبىر زەرتتەۋشىلەر دالەلدەۋگە تىرىسقانداي، وتىرىقشىلىق تۇرمىسقا قارسى شىعىپ، تاپتىق ماقسات كوزدەگەن جوق. وتىرىقشى نورمانىڭ وتارشىل مازمۇنىن اشىپ كورسەتىپ، اڭقاۋ ەلدى الداپ، قاقپانىنا ءتۇسىرۋدى كوزدەگەن قۇيتىرقى ساياساتتىڭ سىرىن تۇسىندىرۋگە كۇش سالدى. ءبىراق بۇل قوس باسىلىم ۇستانىمدارىنداعى جالعىز قايشىلىق ەمەس.بۇنىمەن قوسا ولاردىڭ سەزد وتكىزۋگە جانە ءالىپبي تاڭداۋعا، قازاق جازۋى جونىندە كەلگەندە دە پىكىرلەرى ەكىگە جارىلعان.وسى سىندى كەلىسپەۋشىلىكتىڭ بولعاندىعىن گازەت-جۋرنال بەتتەرىندەگى ماتەريالدار دا راستايدى.قازاقتىڭ سول تۇستاعى زيالىلارى قوس گازەتتى ماملەگە كەلۋگە بەرەكە-بىرلىككە ۇگىتتەگەن. قورىتا ايتقاندا ، قوس باسىلىم دا قازاقتىڭ كەرەگەسىن كەڭەيتىپ،قەمەل ەلگە اينالدىرۋعا تالپىنىس قىلدى.ءبىراق وعان جەتۋ ءۇشىن وزدەرىنىڭ دۇرىس كورگەن پىكىرلەرىن اشىق ءبىلدىرىپ وتىردى.سوندىقتان بۇل ماسەلەلەرگە كەلگەندە «ەكى باسىلىم اراز بولعان» دەپ ايتا المايمىز

---