تاپقىر كەمپىر
باياعىدا ءبىر كەمپىر بولىپتى. ول جاساۋلى ۇيدە جالعىز تۇرادى ەكەن. ۇرىلار جالعىز كەمپىردىڭ جيھازىنا قىزىعىپ كۇندە اڭدىپ كەلىپ، تىنىشتىق بەرمەپتى.
ءبىر كۇنى ىمىرت جابىلسا، قاراڭعى ۇيدە كەمپىر قاننەن-قاپەرسىز تەگەنەدەگى كوجەسىن ساپىرىپ ءىشىپ وتىرادى. وسى كەزدە سىرتتان تاسىر-تۇسىر دىبىس بىلىنەدى. جابىقتان سىعالاسا ۇرىلار ءۇيدى قورشاپ الىپتى. ساناسا سەگىز ەكەن.
سوندا كەمپىر داۋىستاپ كەلىنىنە ايتقان بولىپ، بىلاي دەيدى:
— ساپىرىپ-ساپىرىپ سابىربايعا بەر،
ءوزىڭ ءىشىپ، ماعان بەر.
توردەگى تورتەۋگە،
ەسىكتەگى ەكەۋگە دە بەر...
ءسويتىپ كەمپىر ۇرىلارعا جالعىز ەمەستىگىن، ۇيدە توعىز جان بار ەكەنىن بىلدىرەدى. ءبىراق تاس جۇرەك ۇرىلار ودان دا سەسكەنە قويماپتى.
سوندا كەمپىر قاتتىراق داۋىستاپ:
— سيىر كەلدى ماتايىق،
ۇيقى كەلدى جاتايىق.
ۇرىلار سەگىز، ءبىز توعىز
ال، ۇرىلاردى اتايىق!.. —
دەپ لەگەندى قاڭعىرلاتقاندا، ۇرىلار قاشا جونەلىپتى.
You Might Also Like
-
ءبىر جاس جىگىتتى قۇربىلارى مازاقتاپ ۇنەمى «ەسەك» دەپ اتايى ەكەن. «ەسەك» دەگەن اتقا ول رەنجىپ، بۇرقان-تارقان اشۋلانىپ، قۇربى-قۇرداستارىنا نارازى بولىپ جۇرەدى ەكەن. ءبىراق كوپ ا...
-
ەرتەدە سىر ەلىنىڭ ءۇش اقىنى جايلاۋداعى مال باققان اۋىلداردا ءبىر جاز بولىپ، قايتۋ ساپارىندا سىرداريا جاعاسىندا، قالىڭ جىڭعىل اراسىنا تىگىلگەن ءبىر قاراشا ۇيگە كەلىپ تۇسەدى.
