تاراز مەكتەپتەرىندە ۇيالى تەلەفوندى قولدانۋعا تىيىم سالىندى
تاراز قالاسىنىڭ پروكۋراتۋراسى مەكتەپ قابىرعاسىندا ۇيالى تەلەفونداردى پايدالانۋعا تىيىم سالدى.
«گادجەتتەردى پايدالانۋعا سالىنعان تىيىم ۇيالى تەلەفونداردىڭ ۇرلىعىن بولدىرماۋمەن بايلانىستى شارالاردىڭ ءبىرى رەتىندە قولعا الىندى»، - دەپ ناقتىلادى قالا پروكۋرورى بەكزات سەيىلحان.
جامبىل وبلىستىق ءىىد-نىڭ جەرگىلىكتى پوليسياسىنىڭ مالىمەتىنشە، وڭىردەگى قىلمىستاردىڭ رەيتينگىندە ۇيالى تەلەفونداردىڭ ۇرلىعى ءبىرىنشى ورىندا تۇر. وتكەن 2016 جىلى پوليسيا قىزمەتكەرلەرى ۇيالى تەلەفونداردىڭ ۇرلىعىمەن اينالىسىپ كەلگەن 12 ۇيىمداسقان قىلمىستىق توپتىڭ جولىن كەستى.
«پروفيلاكتيكالىق جۇمىستىڭ باسەڭدەۋى كامەلەتكە تولماعاندار اراسىنداعى قىلمىستىڭ ارتۋىنا الىپ كەلدى. بۇگىندە تارازدا كامەلەتكە تولماعاندارمەن 28 ءموبيلدى توپ جۇمىس ىستەيدى. وقۋشىلار اراسىندا ساۋالناما وتكىزىلدى، مەكتەپتەر ۋچاسكەلىك ينسپەكتورلارمەن جانە بەينەكامەرالارمەن قامتاماسىز ەتىلدى. مەكتەپتەردە گادجەتتەردىڭ قولدانىلۋىنا تىيىم سالىندى»، - دەدى ب.سەيىلحان.
بۇل رەتتە، جاڭاشىلدىققا قارسىلىق بىلدىرگەن اتا-انالار ءتۇرلى ينستانسيالارعا شاعىمدارىن تۇسىرە باستادى.
You Might Also Like
-
قازىرگى ۋاقىتتا ۇستاز مارتەبەسى مەن بەدەلى، ونىڭ بىلىكتىلىگى جايلى وتاندىق ب ا ق بەتتەرىندە كوپ تالقىلاناتىن ماڭىزدى تاقىرىپقا اينالدى. «ۇلت بولاشاعى - ۇرپاق دەسەك، ۇرپاق - بولاشاعى ۇستازداردىڭ...
