تاربيە قۇرالى ما، ازعىندالۋ العىشارتى ما؟
ءقازىر جاھاندانۋ زامانىندا تەحنولوگيانىڭ الەمدەگى كۇشى ايتارلىقتاي جوعارى. وسىنداي تەحنولوگيالىق عاسىردا قازاقستاندىق تەلەارنالاردىڭ جابدىقتالۋى ءوسىپ كەلە جاتىر. وسى تۇستا قازاق تەليەۆيزياسىننىڭ بۇگىنگى كەلبەتى جايلى توقتالا كەتسەك. زامان سولاي ما، الدە ادام تالابى ما؟ ايتەۋىر قازىرگى كەزدەگى ارنالاردىڭ باعىتى جەڭىل-جەلپى كوڭىل كوتەرەتىن باعدارلامالارعا قاراي ويىسقان. ۇلكەن سۇراق «ادام توزدى ما، زامان توزىپ بارادى ما؟»
نەگىزىنەن جۇڭگو دانالىعىندا «ەلدىڭ قانداي ەكەنىن مۋزىكاسى ارقىلى بىلۋگە بولادى. سول ارقىلى جاۋلاپ الۋعا دا بولادى. مۋزىكاسى باياۋ ەلدى تەز مۇڭعا باتىرىپ جاۋلاپ الا الاسىڭ، ال شوشاڭداعان مۋزىكاسى بار ەل ءوزى-اق قۇرىپ بىتەدى. جاندى رۋحتاندىراتىن، شىنايى مۋزىكاسى بار ەل ەشقاشان مايىسپايدى» دەگەن ءسوز بار. وسىنداي ناقىل ءسوزدى ەستي وتىرىپ، تەلە ارنالارداعى شۋلاردى كورىپ، «ءالسىز ەلگە اينالىپ بارا جاتقان جوقپىز با؟» دەپ ويلايسىڭ. ودان كەيىنگى ماسەلە تەلەارنالاردىڭ تۇرىك، ءۇندى، فيليپپين سەريالدارىن ۇزبەي كورسەتۋى. سول ارقىلى ەلدىڭ ميىن ۋلاپ جاتقاندىعى. «قازاقستان»، «ءبىلىم جانە مادەنيەت»، «سپورت kz» ارنالارىنان باسقا ارنالاردى قوسا قالساڭ، جارق-جۇرق، ساتىر-سۇتىردان كوز الا المايسىڭ. ءبىر ساراپتاما جاساپ، وي توقتاتار باعدارلاما كورسەتىپ جاتقانىن ارا-تۇرا عانا بايقاماساڭ، باسقا ۋاقىتتىردا ويىن-كۇلكىدەن قولدارى بوسامايدى. تۇرىكتىڭ مۇڭعا تولى سەريالى ءجۇرىپ جاتادى، نە ءۇندىنىڭ نە ەكەنى بەلگىسىز ايقاي-شۋلى، كەك الۋ، ۇرىس بولىپ جاتاتىن كينوسىن كورەسىڭ. نە بولماسا شوۋ بيزنەستىڭ جاڭالىقتارى. ونىڭ ءبارى جەڭىل-جەلپى باعدارلامالار. ەلگە وي سالاتىن باعدارلامالار ەمەس.
تاڭ ەرتەڭ تۇراسىڭ «نتك» قوسساڭ شەت ەلدىك كۇلكىلى دۇنيەلەر، كەشكە قوسساڭ سونىڭ تاعى ءبىر قازاقستاندىق كوشىرمەسى. ودان قالسا «ريەۆيۋ»، «جۇلدىزدار شەرۋى»، «كۇلكى بازار».
«31-دە» بىتپەيتىن «ريزامىن»، «شانشار، الداراسپان» سياقتى تەاترلاردىڭ ازىلدەرىن قايتا-قايتا قويا بەرەدى. «الماتى» «ءازىل ستۋديو». «ەۋرازيا» «پاترۋل»، «توي زاكاز»، «پاۋتينا». «7 كانال» «قۋىرداق»، «ءشاي ىشەيىك»، «ك-ەلى»، «ايناونلاين»، «جەڭىپ كور»، «قىزدار اراسىندا». بۇل تەلەارنالاردىڭ ءبىر كۇندىك باعدارلاماسىنىڭ ىشىندە ورنى ەرەكشە، قالعاندارى جاڭالىق پەن توك-شوۋدىڭ ۇلەسىنە تيەدى. ول دا از ءارينا. قالعان بولىگىنىڭ ءبارى اۋدارىلعان باعدارلامالار مەن كينولار. كوزىڭدى الىپ جۇرە المايسىڭ. ادامنىڭ ءوز پروبلەماسى جەتىپ جاتقاندا، ادامداردى كينوداعى پروبلەمامەن الەك قىلىپ وتىرادى.
You Might Also Like
-
ادەبيەت-اردىڭ ءىسى.ادەبيەتتىڭ ءوزى قاي داۋىردە دە، قاي زاماندا دا ادام كوڭىل-كۇيىنىڭ بۋىرقانعان، بوساڭسىعان، قايرات شاقىرعان، قامىققان، ومىرلىك ماقساتتارعا ۇمتىلعان ساتتەرىنىڭ ءبارىنىڭ دە كوركەم شەجىر...
