تاريح — جارقىن بولاشاق كەپىلى
جوعارعى وقۋ ورنىن اياقتاعاننان سوڭ، ءبىلىمىمدى ودان ءارى شىڭداي ءتۇسۋ ماقساتىندا، جوعارعى وقۋ ورنىنان كەيىنگى ءبىلىم الۋ، ياعني ماگيستراتۋرا ءبىلىم بەرۋ باعدارلاماسى بويىنشا وقۋدى جالعاستىرۋعا شەشىم قابىلدادىم. ماگيستراتۋراعا تۇسۋشىلەرگە ارنالعان كەشەندى تەستىلەۋ تاپسىرىپ، جوعارى بال جينادىم. گرانت ناتيجەسى شىققان سوڭ، ەلىمىزدەگى جوو تانىسىپ قاراپ شىقتىم. سوڭعى تاڭداۋىم ءال-فارابي اتىنداعى قازۇۋ بولدى. سەبەبى جوو-نىڭ ەلىمزدەگى، الەمدەگى ۋنيۆەرسيتەتتەر اراسىنداعى رەيتىنگىسى، ءبىلىم الۋشىلارعا جاسالعان مۇمكىنشىلىكتەرى وتە كوپ بولدى. تاريح ماماندىعى بويىنشا ءبىلىمىمدى شىڭدايتىن بولعان سوڭ، ۋنيۆەرسيتەتتىڭ تاريح فاكۋلتەتىن تاڭدادىم. تاريح فاكۋلتەتى 70 جىلدان كوپ ۋاقىتتان بەرى، تاريح سالاسىنداعى مامانداردى ءبىلىم نارىمەن سۋسىنداتىپ كەلەدى. قازىرگى تاڭدا ءۇش كافەدرا: قازاقستان تاريحى، ارحەولوگيا، ەتنولوگيا جانە مۋزەولوگيا، دۇنيەجۇزى تاريحى، تاريحناما جانە دەرەكتانۋ كافەدرالارى جۇمىس ىستەيدى. كافەدرالاردا 125-كە جۋىق پروفەسسور-وقىتۋشىلار قۇرامى 800-گە جۋىق ستۋدەنت، ماگيسترانتتار جانە دوكتورانتتارعا زاماناۋي تالاپتارعا ساي ءبىلىم بەرۋ باعدارلامالارى بويىن شا ءبىلىم بەرۋدە. تاريح فاكۋلتەتى شەتەلدىك جوعارى وقۋ ورىندارىمەن ءبىلىم الماسۋعا مۇمكىندىك بەرەدى، قازىرگى تاڭدا 20-دان اسا ءىرى حالىقارالىق جوعارى وقۋ ورىندارىمەن، عىلىمي ورتالىقتارىمەن ىنتىماقتاستىق قارىم- قاتىناستار ورناتىلعان. فاكۋلتەتتە ت.و. وماربەكوۆتىڭ، ق.ت. جۇماعۇلوۆتىڭ، ب.ب. كاريبايەۆتىڭ، ۆ. زايبەرتتىڭ، ق.س. قاراجاننىڭ، ج.ق. تايماعامبەتوۆتىڭ، ق.م. اتابايەۆتىڭ، ۋ.ح. شالەكەنوۆتىڭ، ءا.ت. تولەۋبايەۆتىڭ عىلىمي مەكتەپتەرى قالىپتاسىپ، جۇمىس ىستەۋدە. (فاكۋلتەت تۋرالى اقپارات https://www.kaznu.kz/kz/354 سايتتىنان الىندى )
ساپالى ءبىلىم الىپ، مانساپ جولىن تابىستى قۇرىپ، جارقىن بولاشاقتى قالاساڭ قازۇۋ- دىڭ تاريح فاكۋلتەتىن تاڭدا!
ءال-فارابي اتىنداعى ءقازۇۋ-نىڭ تاريح ماماندىعىنىڭ 2 كۋرس ماگيسترانتى جاڭابايەۆا ايدانا جالعاس قىزى
You Might Also Like
-
XXI عاسىردا ادامزاتتىڭ يگىلىگىنە باعىتتالاتىن دۇنيەنىڭ ءبارى “ترەندكە” اينالۋدا. سونىڭ ءبىرى — جاسىل ەكونوميكا. بۇل — رەسۋرستاردى تۇراقتى ءارى ءتيىمدى پايدالانۋدى قامتاماسىز ەتە...
