تاسماعامبەتوۆ: عىلىمدى دامىتۋدا بولاشاقتا ودان قانداي قايتارىم بولاتىنىن ءبىلۋ ماڭىزدى
بۇگىن قازاقستان رەسپۋبليكاسى پرەمەر-مينيسترىنىڭ ورىنباسارى يمانعالي تاسماعامبەتوۆتىڭ توراعالىعىمەن 2017-2020 جىلدارعا ارنالعان عىلىمدى دامىتۋدىڭ باسىم باعىتتارى جونىندە كەڭەس ءوتتى.
بۇگىنگى تاڭدا بارلىق مەملەكەتتەر ادامزات قىزمەتىنىڭ ستراتەگيالىق ماڭىزدى سالاسى رەتىندە عىلىمدى دامىتۋعا ەرەكشە كوڭىل بولەدى. ول ەلدىڭ باسەكەگە قابىلەتتىلىگى مەن ەكونوميكالىق ءوسىمىن قامتاماسىز ەتەتىن نەگىزگى رەسۋرس سانالادى.
ەلدىڭ عىلىمي الەۋەتىن كوتەرۋ كوپتەگەن فاكتورلارعا بايلانىستى، ونىڭ ىشىندە عىلىمي-تەحنيكالىق قىزمەتتى كوممەرسيالاندىرۋ دا بار. بۇل ءۇردىستى رەتتەيتىن قۇجاتتاردىڭ ءبىرى - «عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرسيالاندىرۋ تۋرالى» قازاقستان رەسپۋبليكاسىنىڭ زاڭى. ونىڭ اياسىندا ۇدەمەلى جانە كوممەرسيالىق ءتيىمدى جوبالار جۇزەگە اسىرىلۋدا.
«ءبىز قانشا جوبانى جۇزەگە اسىرامىز، نەنى قارجىلاندىرامىز، ول قانشا ۋاقىتقا سوزىلادى. مۇنىڭ بارلىعىن ناقتى ءارى انىق ءتۇسىنۋىمىز قاجەت. ەڭ باستىسى، ودان قانداي قايتارىم بولاتىنىن ءبىلۋىمىز ءتيىس»، - دەدى كەڭەستە يمانعالي تاسماعامبەتوۆ.
قارجىلاندىرۋ كولەمى، زەرتتەۋدىڭ ناتيجەلىلىگى جانە ونى ىسكە اسىرۋ قارجىلاندىرۋ مەحانيزمى مەن باقىلاۋعا تاۋەلدى. سونىمەن قاتار، عالىم ءبىر مەزەتتە عىلىممەن جانە ونىڭ ناتيجەلەرىن ونىدىرسكە ەنگىزۋمەن ءساتتى اينالىسا المايدى. بۇل ءۇشىن قۇزىرلى قۇرىلىمدار مەن ماماندار تارتىلۋى كەرەك. سونداي-اق، عىلىمي زەرتتەۋلەردى وندىرىسكە ەنگىزۋدى سىناۋ ءۇشىن وندىرىستىك-تاجىريبەلىك بازا قۇرۋدى قاراستىرۋ ماڭىزدى.
«سوڭعى 20 جىلدا الەمدە ءبىزدىڭ تەحنولوگيالاردى كوممەرسيالاۋعا جەكە ينۆەستورلار 370 ميلليون دوللار قارجى سالدى. قازىرگى ۋاقىتتا قازاقستاندىق تەحنولوگيا بويىنشا زاۆود قۇرىلىسىن سالۋعا 3،5 ملرد دوللار ءبولىندى. جىل سايىن 4 ميلليارد دوللاردى قۇرايتىن تازا مەتالل شىعارىلادى. ونىڭ ۇشتەن ءبىر بولىگى قازاقستاندا، قالعانى شەتەلدە وندىرىلەدى»، - دەپ اتاپ ءوتتى «قازاقستان رەسپۋبليكاسىنىڭ مينەرالدى شيكىزاتتى كەشەندى ۇقساتۋ جونىندەگى ۇلتتىق ورتالىعى» رمك باس ديرەكتورى ءابدىراسىل جارمەنوۆ.
قازاقستاننىڭ عالىمدارى مەن عىلىمي مەكەمەلەرىنىڭ عىلىم يندۋسترياسىنىڭ نەگىزى بولۋداعى الەۋەتكە جوعارى. بۇل ءۇشىن عىلىم مەن ءوندىرىس اراسىندا تىعىز بايلانىس ورناتىلىپ، ەكونوميكانىڭ ناقتى سەكتورى عىلىمي مىندەتتەردى ايقىنداپ وتىرۋى ءتيىس.
You Might Also Like
-
مەملەكەت باسشىسى نازاربايەۆ ۋنيۆەرسيتەتىنىڭ مەديسينا مەكتەبىندە بولدى، دەپ حابارلايدى اقوردانىڭ باسپا ءسوز قىزمەتى.
-
باتىس قازاقستان وبلىسى اكىمدىگى ءبىلىم باسقارماسى كازتالوۆ اۋدانىنىڭ «پسيحولوگيالىق-پەداگوگيكالىق تۇزەۋ كابينەتى» «پسيحولوگيالىق-پەداگوگيكالىق تۇزەۋ كابينەتىنىڭ» تاربيەلەن...
