تاۋەلسىز قازاقستان
№103 جالپى ورتا مەكتەبىنىڭ
2 «ا» سىنىپ وقۋشىسى
قوسماحانوۆ نۇرسۇلتان
سىنىپ جەتەكشىسى: سيحوۆا جۇماكۋل
تاۋەلسىز قازاقستان
تامىرىن تەرەڭگە جايعان تاريحىما كوز جىبەرەر بولسام، سانانى تالاي وي تۇڭعىشىنا باتىرىپ، كوكەيگە تالاي سۇراقتىڭ كەلەتىنى راس. مىسالى، ءبىز كىمبىز؟ جۇمىر جەر بەتىندە قاشان پايدا بولدىق؟ قاي جەردى مەكەن ەتتىك؟ ءتىلىمىز، مادەنيەتىمىزدىڭ دەڭگەيى قانداي؟
ءبىز ءور التاي مەن اتىراۋدىڭ اراسىن مەكەن ەتكەن ساقتان قالعان سارقىتى، عۇننان قالعان جۇرناعى، ءۇيسىننىڭ ءجۇرىپ وتكەن ىزگىمىز. ءبىز قازاقپىز!
ون بەس وتاۋدى بىرىكتىرگەن قارا شاڭىراعىمىز 1991جىلى ىدىرادى. شىعىستان التىن كۋن نۇرىن توگىپ ەركىندىكتىڭ سامالى ەستى. كوڭىل كوك اسپانىنداعى قاسىرەت بۇلتى سەيىلىپ، ءانشى بۇلبۇل شاتتىقتىڭ ءانىن شىرقادى.
جەلتوقسان-بىرىنشىدەن، وقيعا ەمەس. وقيعا دەگەن ءسوز ويدا-جوقتا بولا سالاتىن دۇنيە عوي. ال مەن ەشقاشان جەلتوقساندى ويدا-جوقتا بۇزاقىلاردىڭ با، نە ازىن-اۋلاق ۇلتشىلداردىڭ ءبىر وقيعاسى دەپ ايتا المايمىن. ول ىشتەگى قاننىڭ 62 تامىرىنا سىيماي، شىن مانىندە ءبىر ەلدىك رۋحتىڭ تاسىعان ۇلكەن ءبىر عاجاپ سەزىمى دەپ ۇعامىن. سوندىقتان جەلتوقسان-كوتەرىلىس. ەركىندىكتى اڭساعان، ءبىر ازات سانانىڭ كوتەرىلىسى دەپ ۇعامىن.
تاۋەلسىزدىكتى دە ءبىز كەرەمەت باعالاپ جاتقان جوقپىز.مەرەكە سياقتى وتكىزەمىز. جوق بۇل كۇندەر بۇكىل وي-سانانى تەتىبىرەنتەتىن، سىلكىنەتىن، شىن مانىندە كەز كەلگەن قازاق، عانا ەمەس، قازاقتان جاعدايى الدەقايدا ارتىق وزگە ۇلتتارعا ۇقتىراتىن، شىن مانىندە بايقاۋدىڭ ءتۇر-تۇرىن وتكىزۋ قاجەت. اناۋ قولىنا ەندى قالام الىپ،قاعازعا ۇڭىلە باستاعان بالالارعا تاۋەلسىزدىك تۋرالى شىعارما جازعىزۋدان سىنىپ-سىنىبىمەن، بۋىن-بۋىنىمەن بايقاۋلار جۇرگىزۋ كەرەك.
ەل يەسى، جەر يەسى قازاقتىڭ رۋحى باسقالارعا ۇلگى بولۋ ءتيىس. ولاردىڭ ءومىرى، ولاردىڭ كوڭىلى، ولاردىڭ قىزمەتى باسقا ۇلتتارعا ۇلگى بولۋى ءتيىس. ءبىز باس ۇلت بولۋعا ءتيىسپىز. جەلتوقساندىقتاردىڭ ءوز باسشىسىن اڭساعانداعى ارمانى وسى ەدى. ءبىز جەلتوقساندىقتار ارمانىنىڭ الدىندا قارىزدارمىز.
و، ومىرگە جاڭا ءسابي كەلدى. ول ەندى تاۋەلسىز ەلدىڭ ۇرپاعى. ولگەنىمىز ءتىرىلىپ، وشكەنىمىز جانعاندا، وسى دۇنيە ەسىگىن اشقان كۇناسىز پەندە. تال بەسىكتەن جەر بەسىككە دەيىن ءوز قالاۋىنشا تىرشىلىك ەتەدى. وسى ءسابيدىڭ كۇنى ەرتەڭگى تاعدىرى ءۇشىن بوزداقتارىم جالىن قيعان. اسقاق ارمانعا قول سوزىپ بۇگىنگى بەيبىت ۋاقىتتى كورە الماي كەتكەن اسىلدار قانشاما اعى مەن قاراسى، جاقسى مەن جامانى، جاسىعى مەن جاسامپازى ەگىز ۇعىم بولعان جاڭا عاسىردا ساپ الاتىنداي باعا جەتپەس بايلىعىمىز ۇلت قۇندىلىعىن بەرىك ساقتاۋىمىز كەرەك.
تاۋەلسىزدىگىمىزگە مىڭ تاۋبە دەۋدى ۇمىتپايىق،اعايىن!
You Might Also Like
-
اقتوبە وبلىسى، شالقار قالاسى
