InfoHub Logo

ساباقتىڭ تاقىرىبى: تاۋەلسىز قازاقستان
ساباقتىڭ ماقساتى:
بىلىمدىلىك: تاۋەلسىزدىك تۋرالى تۇسىنىك بەرۋ. تاقىرىپ بويىنشا وتەتىن سوزدەردى، ءسوز تىركەستەرىن سويلەمدە دۇرىس قولدانا بىلۋگە ۇيرەتۋ.
تاربيەلىك: وتانىن، تۋعان جەرىن سۇيۋگە تاربيەلەۋ، تاۋەلسىز ەلىنە دەگەن ماقتانىش سەزىمدەرىن وياتىپ، سۇيىسپەنشىلىككە باۋلۋ.
دامىتۋشىلىق: وقۋشىلاردىڭ سوزدىك قورىن مولايتىپ، بايلانىستىرا سويلەۋ، لوگيكالىق ويلاۋ قابىلەتتەرىن، ماتىنمەن جۇمىس ىستەۋ داعدىلارىن دامىتۋ، ءوز ويىن انىق، تولىق جەتكىزە بىلۋگە ۇيرەتۋ.
ساباقتىڭ كورنەكىلىگى: تەحنيكالىق قۇرالدار: ينتەراكتيۆتى تاقتا، سۋرەتتەر، كەستەلەر، استانا قالاسى تۋرالى سلايد.
ساباقتىڭ ءتۇرى: ويىن ساباق.
ساباقتىڭ ءادىسى: پرەزەنتاسيا، ءتۇسىندىرۋ،، توپتىق، جەكە جۇمىستار، سۋرەتپەن جۇمىس، سۇراق - جاۋاپ، تەست.
ءپانارالىق بايلانىس: قازاق ادەبيەتى، ورىس ءتىلى.

ساباقتىڭ بارىسى:
ءى. ۇيىمداستىرۋ كەزەڭى.
1. سۇراق – جاۋاپ.
- سىنىپتا كىم كەزەكشى؟
- سىنىپتا كىم جوق؟
- ءقازىر جىلدىڭ قاي مەزگىلى؟
- ءقازىر قاي اي؟
- بۇگىن جەلتوقساننىڭ نەشەسى؟
بۇگىنگى ءبىزدىڭ ساباعىمىز تاۋەلسىزدىك كۇنىنە ارنالادى. ساباعىمىزدى باستاماس بۇرىن 3 توپقا بولىنەمىز. توپقا سۋرەتتەر ارقىلى بولىنەمىز.
1. توپ – بايتەرەك
2. توپ – پيراميدا
3. توپ – حان شاتىر

تاۋەلسىزدىك كۇنى
قازاقستان رەسپۋبليكاسى – تاۋەلسىز مەملەكەت. 1991 جىلى 16 جەلتوقساندا قازاقستان رەسپۋبليكاسى ءوزىنىڭ تاۋەلسىزدىگىن جاريالادى. 16 جەلتوقسان – تاۋەلسىزدىك كۇنى، بۇكىلحالىقتىق مەيرام. بۇل مەرەكەنى بۇكىل حالىق تويلايدى. «قازاقستان – ءبىزدىڭ اتا - بابالارىمىزدىڭ مىڭجىلدىقتار شەبىندە پايدا بولىپ، كۇشتى، تاۋەلسىز مەملەكەتكە اينالعان مەكەنى. ءبىزدىڭ وتانىمىز – ءبىزدىڭ ماقتانىشىمىز» دەگەندەي وتانىمىزدى ماقتانىش ەتە وتىرىپ ساباعىمىزدى قازاقستان رەسپۋبليكاسىنىڭ ءانۇرانىن ورىنداۋدان باستاساق.
ءانۇراندى ورىنداۋ.
وقۋشىلاردىڭ ورىنداعان تاپسىرمالارىن باعالاۋ «باعالاۋ پاراعىندا» بەلگىلەنىپ، ساباقتىڭ سوڭىندا قورىتىندىسى شىعارىلادى.

1 – تاپسىرما. سۇراق - جاۋاپ.
كارتوچكادا بەرىلگەن سۇراقتارعا جاۋاپ بەرەدى.( ءار توپ جاۋاپتارىن الماستىرۋ ارقىلى تەكسەرەدى. دۇرىس جاۋاپقا 1ۇپايدان بەرىلەدى، ۋاقىتى 5 مينۋت)
- ءبىز قاي رەسپۋبليكادا تۇرامىز؟
- قازاقستان رەسپۋبليكاسىنىڭ استاناسى قاي قالا؟
- قازاقستان رەسپۋبليكاسىنىڭ ەلباسى كىم؟
- قازاقستان رەسپۋبليكاسىنىڭ رامىزدەرى قانداي؟
- قازاقستان قانداي مەملەكەت؟
- قازاقستان رەسپۋبليكاسى تاۋەلسىزدىك كۇنى قاشان؟

2 – تاپسىرما. سۋرەتپەن جۇمىس.
ءار توپقا سۋرەتتەردىڭ بولىكتەرى بەرىلەدى، سول سۋرەتتەردى تەز قۇراستىرۋ كەرەك. (سۋرەتتى قۇراستىرۋ دۇرىس جاۋاپقا 3 ۇپايدان بەرىلەدى، ۋاقىتى 6 مينۋت)

3 – تاپسىرما. «كىم جىلدام؟» ءسوزجۇمباقتى شەشۋ. (دۇرىس جاۋاپقا 1 ۇپاي)
«قالالار» ءسوزجۇمباعى.

4 – تاپسىرما. تەست (دۇرىس جاۋاپقا 1 ۇپاي)
1. جالپى زات ەسىمدەردى تابىڭدار.
ا/ استانا، ەرتىس
ۆ/ قالا، وزەن
س/ بارۋ، كەلۋ
2. قازاقستان رەسپۋبليكاسى تاۋەلسىزدىكتى قاشان الدى؟
ا/ 1991 جىل 21 جەلتوقسان
ۆ/ 1991 جىل 16 جەلتوقسان
س/1992 جىل 4 ماۋسىم
3. دەن نەزاۆيسيموستي ءسوزىنىڭ اۋدارماسىن تابىڭدار.
ا/ بۇكىلحالىقتىق مەرەكە
ۆ/ رەسپۋبليكا كۇنى
س/ تاۋەلسىزدىك كۇنى
4. كىم؟ سۇراعىنا جاۋاپ بەرەتىن سوزدەر تابىڭدار.
ا/ ادام، ۇستاز
ۆ/ مىسىق، تورعاي
س/ قالام، دۇكەن
5. استانا قالاسىنىڭ ورتاسىنان قانداي وزەن اعىپ وتەدى؟
ا/ ەرتىس
ۆ/ ەسىل
س/ نۇرا

بەكىتۋ كەزەڭى. ءار توپتىڭ ۇپايلارىن ساناپ، باعالاۋ، ماراپاتتاۋ.
قورىتىندىلاۋ.