InfoHub Logo

تاقىرىبى: «تاۋەلسىزدىك بىزگە وڭاي كەلگەن جوق!»
ماقساتى: قازاقستاننىڭ وتكەنى مەن بۇگىنىن قوزعاي وتىرىپ، ەلىمىزدىڭ تاۋەلسىزدىككە قول جەتكىزۋىنىڭ وڭاي جولمەن كەلمەگەنىن وقۋشىلارعا ۇعىندىرۋ، جاس ۇرپاقتى وتانشىلدىققا، تاۋەلسىزدىگىمىزدى قادىرلەۋگە، حالقىنا، ۇلتىنا ادال قىزمەت ەتۋگە تاربيەلەۋ.
كورنەكىلىگى: سلايد، بەينەروليكتەر، پلاكات، جەلتوقسان قاھارماندارىنىڭ سۋرەتتەرى، ناقىل سوزدەر

بارىسى:
ءمۇعالىم ءسوزى:
اسسالاۋماعاليكۋم، حالقىم مەنىڭ!
جايناعان جۇرەگىمدە جارقىل ما ەدىڭ؟!
تىرلىگىڭ ءوز حالقىڭا جاڭا ءتيدى،
ەندىگى ەلدىگىڭنەن تارتىنبا، ەلىم.
ۇشىرماي كوكىرەكتەن جىر كەپتەرىن،
ولەڭسىز اشا الام با سىر بەتتەرىن؟
ارمىسىڭ، جينالعان توپ، ۇلكەن، كىشى.
ارمىسىڭ، اينالايىن حالقىم مەنىڭ!
ارمىسىزدار، قۇرمەتتى قوناقتار، اياۋلى ۇستازدار، جانە وقۋشىلار!
16 جەلتوقسان تاۋەلسىزدىك كۇنىنە ارنالعان «تاۋەلسىزدىك بىزگە وڭاي كەلگەن جوق!» اتتى تاربيە ساعاتىنا قوش كەلدىڭىزدەر!

وسى كەشتى اشىپ بەرۋ ءۇشىن ءسوز كەزەگى مەكتەپ ديرەكتورى ب. ءابدىجاليلۆ پەن ديرەكتوردىڭ تاربيە ءىسى جونىندەگى ورىنباسارى ق. دوستياروۆ اعايلارعا بەرىلەدى.
حور: ق ر ءانۇرانى

تاريح – ول بابالاردىڭ ەرلىگىنىڭ ايعاعى،
تاريح – ول ۇلانعايىر وتانىڭنىڭ ايماعى.
تاريحىڭدا جاتىر، بىلسەڭ سەنىڭ قايسار ەرلىگىڭ،
تاڭبالى تاس تۋعان جەردىڭ بەلگىسى بار سايداعى.
تاريح بولىپ جازىلادى تۋعان جەردىڭ داستانى،
سول ءۇشىن دە نايزا ۇستاپ ىعىستىردىم باسقانى.
تۋعان ەلدىڭ، تۋعان جەردىڭ بولماعاندا تاريحى،
شاتتىق جىرعا بولەنبەيدى قازاعىمنىڭ اسپانى.

بۇگىنگى تاۋەلسىزدىك كەشەگى تاريح بەتتەرىنە قىزىل قانمەن جازىلىپ، اق نايزانىڭ ۇشىمەن قورعالعان، اق بىلەكتىڭ كۇشىمەن جەتكەن بابالار اماناتى!
ازاپقا تولى بۇل ازاتتىق بىزگە وڭاي كەلگەن جوق!
«ابىلايلاپ» اتوي سالىپ اتقا قونعان، قاسىق قانى قالعانشا ۇلتاراقتاي جەرىن قورعاپ وتكەن بابالارىمىز، عاسىرلار بويى ازاتتىق ءۇشىن كۇرەستى، ەلىم دەپ ەڭىرەدى، جەرىم دەپ كۇڭىرەندى، قازاعىم دەپ قايعىردى، الاش دەپ اھ ۇردى، جانىن پيدا ەتتى، اق قار كوك مۇز جاستانىپ، وتان دەپ وت كەشتى.
ازاتتىق قازاق حالقىنىڭ ەجەلگى ارمانى ەدى، ات ۇستىندە وتكەن كەزەڭدەر كوپ بولدى. ازاتتىق ءۇشىن كۇرەستە ايرىقشا قىلىش سەرمەدى، تالاي قيىنشىلىقتى باستان كەشىردى. ءبىراق، ەشقاشاندا مويىمادى، كۇرەسە ءبىلدى، ازاتتىق تاڭى تۋاتىنىنا كامىل سەندى.
كورىنىس. «تولە بي مەن انەت بابا»
اۆتور: تولە بي بالا كەزىندە انەت باباعا بارىپتى.
تولە: «قالاي بىرلىك بولادى، ونىڭ كۇشى قانداي بولماق؟» دەيدى.
اۆتور: انەت بابا اۋەلى جاۋاپ ايتپاس بۇرىن، ءبىر بۋما شىبىق الدىرىپ
انەت بابا: «بالام، مىنانى سىندىرىپ كورشى» - دەيدى.
اۆتور: تولە شىبىقتى الىپ ءارى - بەرى ءيىپ، سىندىرا المايدى.
انەت بابا: «ەندى سول شىبىقتى بىرتىندەپ سىندىرشى»
اۆتور: تولە ورتاسى بۋىلعان شىبىقتى وڭاي سىندىرا بەرەدى.
انەت بابا: «بۇدان نە ءتۇسىندىڭ بالام؟» - دەيدى.
تولە: «بىرلىگى، ىنتىماعى جوقتى جاۋ دا، داۋ دا وپ – وڭاي الادى»، - دەگەنىڭىز عوي
انەت بابا: «بارەكەكلدى، بالام، دۇرىس تاپتىڭ. ەل بيلەۋ ءۇشىن الدىمەن ەلدى اۋىزبىرلىككە، ىنتىماققا شاقىرا ءبىل».
ءان. اتامەكەن – اي (جاسنسايا مەن ۇلبوسىننىڭ ورىنداۋىندا)
ءمۇعالىم: قازاق تاريحىنداعى جوڭعار شاپقىنشىلىعى، ۇلت – ازاتتىق كوتەرىلىستەر، اقتابان شۇبىرىندى، القاكول سۇلاما، ءستالينشىل اكىمشىل – ءامىرشىل جۇيەنىڭ وزبىرلىعى، سوناۋ 30 - جىلداردىڭ وپاسىزدىعى مەن 41 - ءدىڭ قىرعىنى، كەشەگى 86 - نىڭ ىزعارى تاريح بەتتەرىندە ازاتتىق ءۇشىن كۇرەستىڭ كۋاسى بولىپ قالدى.