تاۋەلسىزدىك-ەل باقىتى
اقمولا وبلىسى شورتاندى اۋدانى
نوۆوكۋبانكا ورتا مەكتەبىنىڭ
5 ب سىنىپ وقۋشىسى مازۋرەنكو ارينا
جەتەكشىسى: قازاق ءتىلى جانە ادەبيەت
ءپانىنىڭ ءمۇعالىمى چاۆيد جۋلداس
شىعارما
تاۋەلسىزدىك-ەل باقىتى
مەن مازۋرەنكا ارينا قازاقستان جەرىندە دۇنيەگە كەلدىم. مەنىڭ تۋعان جەرىم -قازاقستان رەسپۋبليكاسى. مەن قازاقستان ەلىممەن قاي جەردە جۇرسەمدە ماقتانا الامىن. سەبەبى، قازاقستان ماقتاۋعا تۇرارلىق، ەرەكشە تابيعاتىمەن، مادەنيەتىمەن باي مەملەكەت.
قازاقستان تاۋەلسىز مەملەكەت. قازاقستان تاۋەلسىزدىگىن 1991 جىلى 16 جەلتوقساندا العان. قازاق حالقىنا تاۋەلسىزدىك وڭاي كەلگەن جوق. قازاقتىڭ كوپتەگەن قايسار باتىرلارى قازاق ەلىنىڭ ەركىندىگى ياعني تاۋەلسىزدىگى جولىندا كۇرەسىپ جەڭىسكە جەتكەن. وسىنداي قازاق باتىرلارىنىڭ ەرەن ەرلىگىنىڭ ارقاسىندا قازاقستان تاۋەلسىز مەملەكەتكە اينالىپ وتىر. قازاق ەلىنىڭ تاۋەلسىزدىگىنىڭ باستى بەلگىسى - ونىڭ رامىزدەرى. قازاقستاننىڭ ءۇش ءرامىزى بار. ولار: تۋ، ەلتاڭبا، ءانۇران. سونىمەن قاتار قازاقستان تاۋەلسىز مەملەكەت بولعاندىقتان حالقىمىزدىڭ وزىندىك ۆاليۋتاسى دا بار. قازاقستاننىڭ ۆاليۋتاسى 1993 جىلى 15 قاراشادا «تەڭگە» بولىپ قابىلداندى.
قازاقستان-دۇنيەجۇزى حالىقتارىنا تانىلعان مەملەكەت. ول جەر كولەمى جاعىنان بارلىق مەملەكەتتەردىڭ اراسىنان توعىزىنشى ورىندا. ال حالقىنىڭ سانى ون جەتى ميلليوننان استام. ەلىمىزدە 130 دان استام ۇلت وكىلدەرى تۇرادى. مىسالى: قىرعىزدار، ورىستار، وزبەكتەر، تاتارلار، ۇيعىرلار، كاۆكازدار ت.ب. كوپتەگەن ۇلت وكىلدەرى بار. بۇل ناتيجەدەن قازاق ەلىنىڭ قوناقجاي، بىرلىگى مەن ىنتىماعى جاراسقان مەملەكەت ەكەنىن تۇسىنۋگە بولادى.
قازاقستان كۇن سايىن دامىپ، وركەندەپ، كوركەيىپ كەلە جاتىر. قازاقستاننىڭ كوپتەگەن قالالارى كۇننەن كۇنگە كوركەيىپ، ءتۇرلى عيماراتتار، ونەركاسىپ ورىندارى، كوز تارتارلىق قۇرىلىستار سالىنىپ جاتىر. قازاق ەلى ماقتاۋعا لايىقتى، ءارتۇرلى پايدالى قازبالارعا، مۇناي مەن گازعا باسقا دا كوپتەگەن نارسەلەرىمەن باي. ارينە، وسى جەتىستىكتەرىمىزدىڭ ءبارى ەلباسىمىزدىڭ ارقاسىندا. سونىمەن قاتار قازاق ەلىنىڭ دامۋىنا قازاق حالقىندا تۇرىپ جاتقان ءاربىر ازامات ۇلەس قوسۋى مىندەت دەپ ويلايمىن. مەن دە قازاق ەلىمدى قورعاۋعا جانە ونىڭ دامۋىنا زور ۇلەس قوسقىم كەلەدى. مەن تۋعان جەرىم- قازاقستاندى جاقسى كورەمىن!
You Might Also Like
-
ءقازىر ءححى-عاسىر جاڭا تەحنولوگيالار، كومپيۋتەر زامانى دەپ اتالادى. قاراپ وتىرساق، كۇندە ءبىر وزگەرىس ومىرىمىزگە ەنىپ جاتىر.
-
كوكەم الىپ كەلگەن قامىس قۇلاق شۇبار تايىم بولاتىن. شاڭ تيمەستىڭ تۇقىمى. ءوزى قويداي جۋاس. كۇندە ءۇستى-باسىن سيپاپ، كەشكە ءوزىم سۋارىپ تۇرامىن.
