تاۋەلسىزدىك كۇنىنە ارنالعان تاقپاقتار
*** *** *** ***
«نە دەگەن جايساڭ ەل ەدى!»
الەمنىڭ دەيدى باس ءيىپ.
كەڭەسى – مايەك، كەلەلى،
ايتقانىن تىڭدار دوس ۇيىپ.
بولماسقا سولاي قاقى نە،
تەگىمىز تەكتى – كوكبورى.
سابىرلى، سالقىن اقىل يە،
بەكزاتتى حالقىم، بەكتەرىم.
«نە دەگەن بايتاق جەر ەدى!»
الەمىڭ دەسە تاڭدانا.
ساتپايدى جاتقا تەك ەلى،
ۇرانى مودە – ماڭ دالا.
«نە دەگەن جومارت!» دەسەڭدەر،
بىزدەردە تالاي اتىمتاي.
سىيىڭا سىي كەلسەڭدەر،
ادامدىق ارعا سالتىم ساي.
تالانتتى دەسەڭ، ەلجىرە،
دارىنىن بەرگەن ءتاڭىرىم.
كۇيلەرى – تاريح، ششەجىرە،
ورىنداۋ ءتاڭىر ءومىرىن.
يماندى دەسەڭ ءدىنى دە،
تىڭداعان ايدان قۇرانىن.
ورەلى ورلەۋ ىلگەرى
كورسەتەر ءالى ۇلانىم.
اۋەزدى دەسەڭ تىلدەرى،
تىڭداعان ءسوزىن ءۇش ءبيدىڭ.
جانىڭا داۋا، كىل ءدارى،
رۋحتانىپ سودان كۇش جيدىم.
كىم دەسەڭ ەندى قازاعىم،
شىندىعى ءقازىر اڭىزداي.
تانىدى الەم عاجابىن،
بىلىكتى جاس تا، ابىز دا.
فارابي سىندى ۇلى بار،
قالايشا بىزدەر ۇساقپىز؟!
تۇلعالار تالاي تابىلار،
كەلەمىز تەكتى ۇستاپ ءبىز.
شىنىقتىق، كورمەي ۇگىلىپ،
تامىردان الىپ تەرەڭدىك.
ۇمىتكە جۇردىك جۇگىنىپ،
سەنىمنىڭ جولى – ەرەندىك.
قانداي ەل دەسەڭ قازاعىم،
ويى – مۇحيت، ءتىلى – بال.
كوڭىلى دارحان، بازارلى،
جان دۇنيەسىن ءبىلىپ ال.
*** *** *** ***
قۋان، جۇرتىم
ەلدىگىڭدى شەت ەلدەر مويىندادى،
سان ارماندار ىسكە استى ويىڭداعى.
تەرەزەسى تەڭ ەلدەر قاتارىندا
سالتاناتپەن وتۋدە تويىڭ-داعى.
ۇلانىڭ بار، ۇرپاعىڭ، ىرگەڭ بەرىك،
تاعدىرىڭدى تاپسىرعان تىزگىن بەرىپ،
ازاماتتار اقتادى سەنىمىڭدى
تالاي ىستە تانىتتى كەمەڭگەرلىك.
You Might Also Like
-
و، تۋعان جەر، كەڭ پەيىل، قۇشاعىڭ كەڭ، ساعان كوڭىل بۇلقىنار كۇش - اعىنمەن. ساعىنىشىمدى قانات قىپ ساعان قاراي بالاپانداي تالپىنىپ ۇشامىن مەن.
