تۋعان جەر
و، تۋعان جەر، كەڭ پەيىل، قۇشاعىڭ كەڭ،
ساعان كوڭىل بۇلقىنار كۇش - اعىنمەن.
ساعىنىشىمدى قانات قىپ ساعان قاراي
بالاپانداي تالپىنىپ ۇشامىن مەن.فاريزا وڭعارسىنوۆا
ءوز شىعارمامدى اقىن انامىزدىڭ سوزىمەن باستاعاندى ءجون كوردىم. ويتكەنى، وسىناۋ ولەڭ جولدارى بۇكىل ءسوزىمنىڭ ءتۇيىنى .
تۋعان جەر - ادام ومىرىندە ماڭىزدى ورىن الادى.كىندىك قانىم تامعان جەر، مەن اۋناعان التىن مەكەن. تۋعان جەرىمنىڭ توپىراعى، سۋى مەن اۋاسى،ءتۇتىنى دە قىمبات. تۋعان جەرىم دۇنيەدەگى ەڭ اسىلىم. سەبەبى، ول – مەنىڭ الپەشتەگەن انام، ايالاپ وسىرگەن اكەم، تۋعان-تۋىسىم، اعا-اپكەلەرىم، مەنى ءبىلىم جولىنا جەتەلەگەن ۇستازدارىم، سول بىلىمگە ۇمتىلۋ جولىنداعى تاي-قۇلىنداي تەبىسكەن جورا-جولداستارىم دۇنيەگە كەلگەن جەر.
مەنىڭ تۋعان جەرىم جاڭاقالا اۋدانى،جاڭاقالا اۋىلى. جاڭاقالا - كيەلى ولكە.وسىناۋ كەرەمەت جەردىڭ اسەمدىگىمەن ەرەكشەلىگى باسىم.ويتكەنى، بۇل جەردىڭ ەمى باسىم جەر،قۇمدى دالا،ەگىستى القاپ.كۇن ساناپ كوركەيىپ،قۇلپىرىپ كەلەدى. مەنىڭ تۋعان جەرىم، وسكەن ولكەم-تالاي تارلاندار مەن مىقتىلاردى، باتىرلار مەن بيلەردى، ءانشى، كۇيشى، اقىنداردى ومىرگە اكەلگەن قاسيەتتى جاڭاقالام. كۇي اتاسى قۇرمانعازى مەن كۇي اناسى دينانىڭ، مايتالمان مامەننىڭ، قايتالانباس ءقاليدىڭ، ورنى تولماس وقاپتىڭ، شاندوز شامعوننىڭ، تەكتى تۇياقتىڭ التىن ۇياسى، اسىل مەكەنى بولعان. "باقىر قازان كايناسا ءبارىمىزدىڭ باعىمىز، تۋعان جەرءدىڭ ءار تاسى ءبىزدىڭ التىن تاعىمىز"دەگەندەي التىن مەكەندەگى سوركول اتتى تۇزدى،ەمدى سۋعا شيپا ىزدەپ جەر-جەردەن حالىقتار اعىلىپ كەلىپ جاتادى. تاپتىرماس ەم بولار،تۇزدى باتپاقتى دا وسى جەردەن تابۋعا بولادى. ال قازىردە شام جاعىپ ىزدەسەڭ دە، ءدال وسىنداي مەكەندى تابالمايسىڭ.
ءدال وسى ەلدە شات-شادىمان، ۋايىمسىز، قايعىسىز، بالعىن بالالىق شاعىمنىڭ ادەمى ساتتەرى وتۋدە.بۇل جەردە ءۇش ۇلكەن مەكتەپ پەن ءبىر ۇلكەن وقۋ ورىنى جۇمىس جاساپ وتىر. وسى مەكتەپتىڭ بىرىندە ءبىلىمدى بالالار ءبىلىم السا،ەندى بىرىندە ورىس-قازاق بالالارى، ال بىرىندە تەك قازاق بالالارى وقيدى.مەكتەپ قابىرعاسىمەن قوشتاسىپ، ۇلكەن وقۋ ورىننىڭ ەسىگىن اشقان بالالاردى دا وقىتاتىن ءبىلىم ورنى بار.دارىندى بالالاردى دا دايىنداپ وقىتاتىن مەكتەپتەردىڭ سانى ارتىپ كەلەدى.مەن سونىڭ جاڭاقالا جالپى ورتا ءبىلىم بەرەتىن قازاق مەكتەبىنىڭ 7 سىنىبىندا وقيمىن. مەكتەپ قابىرعاسىندا ءجۇرىپ،ءتۇرلى شارالارعا قاتىسىپ جۇلدەلى ورىندارعا يە بولىپ ءجۇرمىن. «كۇي ورداسى» اتانعان كيەلى جاڭاقالا اۋدانىنىڭ بالاسى بولا تۇرا، دومبىرانى بىلمەگەن ۇيات شىعار.سول سەبەپپەن دومبىرا مەكتەبىندەگى ۇستازدارىمنان ءدارىس الامىن.توعىزقۇمالاق — قازاقتىڭ ۇلتتىق ءداستۇرلى ويىنىن،شاحمات — اقىل-وي سپورت ءتۇرىن جانىما سەرىك ەتىپ كەلەم.ۇستازدارىمنىڭ نۇسقاۋىمەن ءتۇرلى ءبىلىم سايىستارىنا دا تۇسەم.اسىرەسە ماتەماتيكا باعىتىندا جۇرگەندى ۇناتامىن.ءبىلىم ورداسىن «ۇزدىك» باعامەن اياقتاپ،ءوز جەرىمە ادال قىزمەت ەتۋدى ناعىز باقىت سانايمىن.مەن ەلباسىمىزدىڭ ەسىمىن ەنشىلەپپىن.بۇل ماعان زور جاۋاپكەرشىلىك ارتقانداي.سوندىقتان بولاشاقتا ءوز ەلىمنىڭ،ءوز جەرىمنىڭ كوشباسشىسى،سپورت ونەرىنىڭ سۇلتانى، ەلىمنىڭ نۇرسۇلتانى بولعىم كەلەدى. تۋىپ-وسكەن جەرىم تۋرالى تولعانىپ، وي جەتەگىنە بەرىلگەن شاعىمدا ۇنەمى كەۋدەمدى جارعان جىر شۋماقتارى اۋزىما كەلىپ تۇرادى.
تۋعان جەرىم،ادەمى مەنىڭ مەكەنىم
كۇللى الەمگە ماقتان ەتىپ جۇرەمىن.
جۇرەگىمدەگى ماحابباتپەن جالىندى
تەك وزىڭە ارناپ قانا جۇرەمىن.
تۋعان ەلگە، تۋعان جەرگە دەگەن ىستىق سەزىمنىڭ ۇزدىك ۇلگىسى مەن ماحابباتىمدى ءوزىمنىڭ ولەڭىممەن جەتكىزەمىن. وتان تۋرالى وي تولعاساڭ، جان تولعانىسىن ايتىپ تاۋىسا الماسسىڭ، ءسىرا.
شىعارما اۆتورى:
مارات نۇرسۇلتان اسىلبەك ۇلى
You Might Also Like
