InfoHub Logo

تاقىرىبى:«تاۋەلسىزدىك تۇعىرى بيىكتە»

ساحنا پاتريوتتىق ۇلگىدە بەزەندىرىلگەن. ءتۇرلى ءتۇسقاعازدار، شارلار ىلىنگەن. ورتاعا ەكى جۇرگىزۋشى شىعادى. 
1-جۇرگىزۋشى: 
قايىرلى كۇن، قۇرمەتتى ۇستازدار، وقۋشىلار جانە قوناقتار! 
2-جۇرگىزۋشى: 
بۇگىنگى تاۋەلسىزدىكتىڭ 25 جىلدىعىنا ارنالعان «تاۋەلسىزدىك تۇعىرى بيىكتە» اتتى ادەبي-سازدى كەشىمىزگە قوش كەلدىڭىزدەر! 

1-جۇرگىزۋشى: قۇرمەتتى اسا قادىرمەندى قاۋىم! ەلىمىز ەگەمەندىك الىپ، تاۋەلسىز مەملەكەت بولعانىمىزعا مىنەكەي 25 جىل بولىپ قالىپتى، ياعني تاۋەلسىزدىگىمىزدىڭ كۇمىس تويىن تويلاعالى وتىرمىز. بالالار سەندەر تاۋەلسىز مەملەكەتتە جارقىن ءومىر ءسۇرىپ جاتقان باقىتتى بۇلدىرشىنسىڭدەر. ومىرلەرىڭ ءماندى دە ءساندى بولسىن، اسپانىمىزدى بۇلت شالماسىن دەپ تىلەك تىلەپ ەرتەڭگىلىگىمىزدى باستايمىز.

2-جۇرگىزۋشى:  قۋان حالقىم! قۋاناتىن كۇن بۇگىن،
سەرپىپ  تاستا مۇڭدى جۇرەك تۇندىگىن
شارىقتايىق، شاتتانايىق، تىنبايىق
تاۋەلسىزدىك كۇنىن بۇگىن، حالقىم بىرگە تويلايىق!
 

شايقالماسىن ەشكىمنىڭ شاڭىراعى، 
باقىت كورسىن وتاننىڭ سان ۇلانى. 
ەندى اعايىن، كوگىندە قالىقتاسىن، 
قازاعىمنىڭ قاستەرلى - ءانۇرانى!

ق ر مەملەكەتتىك ءانۇرانى ورىندالادى.
مۋلتيمەديالىق تاقتادان پرەزيدەنت قالاي سايلانعانى جانە تاۋەلسىزدىگىمىزدى قالاي العانىمىز تۋرالى كينو كورسەتىلەدى.

1-جۇرگىزۋشى: 
بابادان قالىپ جەتكەن كورەگەندىك، 
ەركىندىك جاستىعىندا ولەڭ وردىك. 
ارقالاپ اماناتىن كەلىپ جەتكەن، 
25 جىل! قۇتتى بولسىن ەگەمەندىك! 
2- جۇرگىزۋشى: 
تۇڭعىش ەلىمىزدىڭ ەگەمەندىگىن مويىنداعان سوڭ ەڭ العاش پرەزيدەنتىمىزدى دە سايلادىق. قر-نىڭ پرەزيدەنتى بولىپ ەلباسى نۇرسۇلان ءابىش ۇلى نازاربايەۆ سايلاندى. اتاڭ زاڭعا ساي ەلدىڭ بىرلىگى مەن كەلەشەگى ءۇشىن تەر توگۋگە جول العان ەلباسىنىڭ ەلمەن بىرگە اۋىر جۇك كوتەرىپ كەلە جاتقانىنا 25 جىل! 

1-جۇرگىزۋشى: 
ەندەشە، قارسى الىڭىزدار! ساحنادا ءوزىنىڭ تاماشا انىمەن نۇر-اعا ءانى
2-جۇرگىزۋشى: 
«ءان كوڭىلدىڭ اجارى» دەمەكشى، قول سوعىپ قوشەمەتتەپ وتىرىڭىزدار. 25 جىل ىشىندەگى ەلىمىزدىڭ جەتكەن جەتىستىكتەرى تىزبەكتەلگەن بەينە-روليككە نازار اۋدارىڭىزدار! (2-4 مينۋتتىق بەينە-روليك№2) 

1-جۇرگىزۋشى: 
كەرەمەت! 25 جىل ىشىندە قانشاما جەتىستىككە جەتتىك، كوپتەگەن قيىندىقتاردى باستان كەشتىك. بۇل ءبىزدىڭ ورتاق جەڭىسىمىز. 
2- جۇرگىزۋشى: 
وسى ءبىر بەينە-روليكتەن كەيىن رۋحتانىپ الساق قايتەدى؟! 

1-جۇرگىزۋشى: 
پاي، پاي، پاي! 
كيەلى نەتكەن جەر!
باتىرلار دۇرىلدەپ وتكەن جەر، 
تۇلپارلار دۇبىرلەپ توككەن تەر.
عاشىقتار ءبىر-بىرىن وپكەن جەر، 
سارىلىپ سال-سەرى كەتكەن جەر. 
باس ءيىپ، يىسكەپ توپىراعىن 
تاعزىم جاساماي وتپەڭدەر – دەپ اقيىق اقىن مۇقاعالي جىرلاعانداي كەلەسى كەزەكتى مەكتەبىمىزدىڭ اقىندارىنا بەرسەك. شابىتتارىنا وت ءتيىپ، جالىن ءتۇسسىن. 
(اقىندار تاۋەلسىزدىككە ارناۋ ولەڭدەرىن وقيدى) 

الۋا  «تاۋەلسىز ەلىمە 25 جىل!»   

ۇلان-بايتاق نەتكەن جەر!

ءداندى-داقىل ەككەن جەر.

جەتتىك مىنە  ارمانعا

قازاقستان-ەرىكتى ەل!

تالاي بوزداق وتكەن جەر،

ماڭداي تەرىن توككەن جەر.

تاۋەلسىزدىككە قولى

قيىندىقپەن جەتكەن جەر.

وزىڭدە بار ەلباسى

تۋىڭدا بار،ارينە

ەلتاڭباڭ ءبىر ەرتەگى

ءانۇرانىڭ تاربيە.

ەندى قانات جايالىق

قىران قۇستاي سامعايىق.

تۋىمىزبەن تۇعىرلى

بىرگە جەلەك قاعايىق.

ەگەمەندى ەل بولدىق

ەل نامىسىن ساقتايىق.

قازاقستان بايلىعىن

بوتەن ەلگە ساتپايىق!

 

ءسالت-داستۇرىن قازاقتىڭ

جاڭعىرتايىق ،جاسايىق!

ۇلگى ەتىپ ۇل-قىزدارعا

ۇلكەن ءۇمىت ارتايىق.

ءتىلدى سىيلاپ،شۇبارلاتپاي

قاستەرلەيىك حالايىق!

قازاق ءتىلىن دامىتۋعا

كۇشىمىزدى سالايىق!

25 جىل مىنە،تولىپ وتىر،

ەگەمەندى ەلىمە.

ءورت سالماسىن بوتەن ەلدەر

اتامەكەن جەرىمە.

اڭساپ كۇتكەن بۇل تويىمىز

قۇتتى بولسىن بارىڭىزگە

ۇزاق عۇمىر،بىرلىك ،تابىس

تىلەيمىن جاس-كارىڭىزگە.

ايلانا «16-شى» جەلتوقسان

16جەلتوقسان-تاۋەلسىزدىك العان كۇن،

ەرەكشە بوپ ەل جادىندا قالعان كۇن،

جاساي بەرسىن ۇلى كۇن ءۇمىتى بوپ ەلىمنىڭ،

جەلبىرەسىن كوك تۋى-ناعىز كوركى جەرىمنىڭ.

 

مەيىرجان،ديلناز «16-شى» جەلتوقسان

ون التىنشى جەلتوقسان

تاۋەلسىزدىك العان كۇن

ەرەكشە بوپ ماڭگىلىك

ەل جادىندا قالعان كۇن

 

جاساي بەرسىن ۇلى كۇن

ءۇمىتى بوپ ەلىنىڭ.

اق كۇنى بوپ بالانىڭ

شاتتىعى بوپ انانىڭ

ون التىنشى جەلتوقسان

ەلدىڭ ۇلى مەيرامى

جاڭا شىققان كوكتەمدەي

جاز كۇنىندەي جايدارى

 

ارىمىزداي تاپ-تازا

جانىمىزداي شۋاقتى

كوتەرىلدى بيىككە

قازاقستان بايراعى

 

ون التىنشى جەلتوقسان

ەل مەرەيى تاسىعان

قازاق دەگەن قالىڭ جۇرت

ءبارىن كەشتى باسىنان

 

2-جۇرگىزۋشى: 
شاشۋ! شاشۋ! اعايىن! بۇل ەركىندىكتىڭ، تاۋەلسىز ەلدىڭ شاشۋى. مەرەكەلەرىڭىز تاعى دا قۇتتى بولسىن! 

1-جۇرگىزۋشى: 
ورتادا تاعى دا ءبىر اسەم ءان بولسىن. ءان شاشۋ. 3 «ب»-سىنىپ

تاۋەلسىزدىك العان 25جىل ىشىندە سايىن دالانىڭ توبەسىنەن بوي كوتەرگەن ارۋ استانا ءبىزدىڭ ماقتانىشىمىز.بارلىعىمىز تاۋەلسىز زاماننىڭ،ەگەمەندى ەلدىڭ باقىتتى قوجاسى بولدىق.تاۋەلسىزبىن،تاۋبە ساعان جارىق كۇن دەگىم كەلەدى.حالقىمىزدىڭ تاۋەلسىزدىك جولىندا شەكپەگەن تاۋقىمەتى،كورمەگەن قاسىرەتى قالماعان.

1 «ا»-سىنىپ

2-جۇرگىزۋشى:
تاۋەلسىزدىگىمىزدىڭ ەڭ العاشقى قاستەرلى نىشاندارىنىڭ ءبىرى-الماتى قالاسىنداعى تاۋەلسىزدىك مونۋمەنتى.ول 1986جىلعى سول كەزدەگى جاڭا الاڭىندا بوي كوتەردى.بۇل جەر-1986جىلعى جەلتوقسان كوتەرلىسىنىڭ كىندىگى بولعان الاڭ.تاۋەلسىزدىك مونۋمەنتى ەلباسىنىڭ ن.نازاربايەۆتىڭ باستاماسىمەن بەلگىلى ءمۇسىنشى،ەلتاڭبامىزدىڭ اۆتورى شوتامان ىدىرىس ۇلى ۋاليحان اتالارىڭنىڭ جوباسىمەن جاسالعان.

2 «ب»-سىنىپ

1-جۇرگىزۋشى:

1997جىلى 17شىلدە دە قازاقستاندا «ءتىل تۋرالى»زاڭ قابىلداندى.مەملەكەتتىك ءتىل-قازاق ءتىلى بولىپ سانالادى.قازاق ءتىلى وتە باي،تەرەڭ ماعىنالى،كوركەم ءتىل.

4 «ب»-سىنىپ

1-جۇرگىزۋشى:ءاربىر دەربەس مەملەكەتتىڭ تاۋەلسىزدىگىن بىلدىرەتىن باستى بەلگىلەرىنىڭ ءبىرى-ۇلتتىق اقشاسى.1993 جىلدىڭ 15 قاراشا كۇنى ۇلتتىق تەڭگە كۇنى.

1 «ب»-سىنىپ
2-جۇرگىزۋشى: 
قۇرمەتتى مەكتەپ ۇجىمى، ۇستازدار، قوناقتار جانە دە وقۋشىلار. بۇگىنگى «تاۋلەسىزدىك تۇعىرى بيىكتە» اتتى ادەبي-سازدى كەشىمىز مارەسىنە جەتتى. 
1-جۇرگىزۋشى: 
ەلدىڭ ەرتەڭى جارىق بولسىن! كەلەسى كەزدەسكەنشە امان بولىڭىزدار! 

قورىتىندى:سوندىقتان باستى قۇندىلىعىمىز-تاۋەلسىزدىگىمىز!سول ءۇشىن دە بۇگىنگى جاس ۇرپاق تاۋەلسىزدىگىمىزدى ارداق تۇتىپ،قادىرلەي بىلگەنى ابزال.بۇگىنگى قازاقستان رەسپۋبليكاسىنىڭ تاۋەلسىزدىك كۇنىنە ارنالعان. «تاۋەلسىزدىك تۇعىرى بيىكتە»اتتى اشىق تاربيە ساعاتىمىزدى وسىمەن اياقتايمىز.

 

 

 

---