InfoHub Logo

تاۋەلسىزدىك – قازاق حالقىنىڭ بوستاندىققا ۇمتىلعان اسقاق ارماندارى مەن قايسار رۋحىنىڭ جەمىسى. سوندىقتان دا تاۋەلسىزدىك كۇنى ءبىز ءۇشىن زور قۇندىلىق. تاۋەلسىزدىك... وسىناۋ تاريحقا تۇنعان ۇلى ءسوزدى ەستىگەندە، «مەن قازاقپىن» دەگەن ءاربىر جاننىڭ جۇرەگىندە ۇلكەن سەزىم ورنايدى. قازاق حالقى عاسىرلار بويى اتا-بابالارىمىزدىڭ اڭساعان ارمانى بولعانى انىق، بۇل كەزەڭنىڭ تاريحى مەن دەرەكتەرىن وقۋ ارقىلى بىلەمىز. بۇل قول جەتپەس باقىتقا جەتۋ جولىندا الاش ارداقتىلارىنىڭ قىزمەتى زور.

ەلىمىزدىڭ كوك بايراعىنىڭ سيمۆولى بولعان قىران قۇس تا اسپاندا ەركىن سامعاعىسى كەلەتىنى انىق. الەمدە ەكى ءجۇز قىرىققا جۋىق مەملەكەت بار، سونىڭ ىشىندە كۇنى بۇگىنگە دەيىن باسقا مەملەكەتكە باعىنىشتى بولىپ ءومىر ءسۇرىپ ءوز تاۋەلسىزدىگىنە قول جەتكىزە الماعانى قانشاما! سوناۋ 1776 جىلدىڭ 4 شىلدەسىندە امەريكا قۇراما شتاتى قۇرىلىپ، تاۋەلسىزدىك دەكلاراسياسىن قابىلداعانى ءمالىم. بۇل كەزەڭدە قازاق حالقى ەل بولىپ ساقتالىپ قالۋى ءۇشىن جوڭعار شاپقىنشىلىعىنا قارسى كۇرەس جۇرگىزدى. سول ۋاقىتتان بەرى قازاق حالقى ەگەمەندىك الۋ جولىندا  تالاي تار جول تايعاق كەشۋدى باسىنان وتكىزدى، سوندىقتان مەن تاۋەلسىزدىكتى تاۋسىلماس تاريح دەپ بىلەمىن.

ال قازىرگى كەزەڭدە قازاقستان رەسپۋبليكاسى ەگەمەندىككە يە بولىپ، تاۋەلسىزدىگىن العان جاس مەملەكەت، الايدا، ونىڭ ءۇش مىڭ جىلدىق تاريحى بار قاسيەتتى ەل ەكەنىن ەستە ساقتاۋ قاجەت. بۇگىندە ءبىز دە ەلىمىزدىڭ تاۋەلسىزدىگىمەن قاتار ءوسىپ كەلەمىز، ياعني «تاۋەلسىزدىك» اتتى وشپەس ۇعىمنىڭ قۇرداسىمىز دەسەك قاتەلەسپەيمىن. قازىرگى جاستار، ياعني بىزدەر باقىتتىمىز، سەبەبى ءبىز تاۋەلسىز ەلدىڭ ۇرپاقتارىمىز. كەيدە الەمنىڭ باسقا ەلدەرىنە كوز سالساق، مەملەكەتتەر ىشىندەگى قاقتىعىستار، توڭكەرىستەر ورىن الاتىنى ءبىرشاما الاڭداتادى. جاستار قاسيەتتى اتا-بابالار اماناتىن كوزدىڭ قاراشىعىنداي ساقتاپ، كەلەر ۇرپاققا جەتكىزگەنى ءجون دەپ بىلەمىن. الەمنىڭ الپاۋىت ەلدەرىندە، ال 2017 جىلى استانا قالاسىندا وتكەن «ەحرو» كورمەسى ەلىمىزدىڭ تانىمال باسقا مەملەكەتتەرگە تانىمال بولۋىنا ءوز اسەرىن تيگىزگەنى ءمالىم. ارينە بيىك بەلەستەردى باعىندىرۋ قازاقستاننىڭ كۇننەن-كۇنگە وركەندەپ كەلە جاتقانىن كورسەتەدى. ءبىر كەزدەرى ارمان بولعان ەلىمىزدىڭ ۇلكەن جەتىستىكتەرى جانىمىزدى جادىراتادى. عاسىرلار بويى اڭساپ جەتكەن تاۋەلسىزدىگىمىزدى قوللىمىزدان ۇشىرىپ الماي ايالاپ بەرىك ۇستاۋ بۇگىنگى ۇرپاقتىڭ قولىندا. مەملەكەتىمىزدىڭ قازىرگى وسكەلەڭ جاس ۇرپاعىنا ەلىمىز تاريحىن تەرەڭىرەك ءتۇسىندىرۋ، ونى قاستەرلەۋ بارشامىزدىڭ مىندەتىمىز.

ۋ.م.دجولدىبايەۆا ءال-فارابي اتىنداعى قازۇۋ-  ءنىڭ قازاقستان تاريحى كافەدراسىنىڭ دوسەنتى

قاجىمۇحان قىزى ارۋجان ءال-فارابي اتىنداعى ءقازۇۋ-نىڭ شىعىستانۋ فاكۋلتەتىنىڭ 1 كۋرس ستۋدەنتى

---