تەلقوڭىر (ءىىى نۇسقا)
بەجەڭ تومەنگى التايدىڭ «كەشىم قىزىل ۇيەڭكى» دەگەن جەرىندە نايمان-كەرەيدىڭ ءبىتىم داۋىنا قاتىسادى. جيىن توپ تارقاماستان بۇرىن «بايبىشەڭىز اۋىر ناۋقاستانىپ قالدى» دەگەن حابار جەتەدى. كۇن كەشكىرگەن شاق بولسا كەرەك. ءبىر باردام ادامنىڭ تەلقوڭىر دەگەن اتىن ءمىنىپ قاتتى ءجۇرىپ، بۋىرشىن وزەنىنىڭ جاعاسىنداعى شىبار تال دەگەن جەردەگى ۇيىنە تۇندەلەتىپ جەتەدى. ايەلىنىڭ اۋرۋ بەتالىسى وڭالعان سوڭ، قايتا جيىنعا بارادى. تەلقوڭىردىڭ وسى ساپارداعى الىمدى ءجۇرىسى، جولىنىڭ جاقسىلىعى بەجەڭە اسەر جاساپ، «تەلقوڭىر» كۇيىن تۋدىرادى.
ەكىنشى ءبىر اڭىز دەرەك بىلاي ايتىلادى: بەجەڭ العاشقى اتقا ءمىنۋ ساپارىن جىلقى قوستارىندا باستاعان. وزىنە قاراستى جىلقىداعى قوڭىر بيەدەن ىلعي جاقسى ات تۋادى ەكەن. قوڭىر بيە قۇلىنداعان جىلداردىڭ بىرىندە ءبىر قوڭىر قۇلىن تۋادى. ەندى ءبىر بيەدەن تاعى دا ءبىر قوڭىر قۇلىن تۋىلسا دا، قۇلىنى ءولىپ قالادى. سونىمەن بەجەڭنىڭ قوڭىر بيەسىنەن تۋعان قوڭىر قۇلىن ءوز ەنەسى مەن قۇلىنى ولگەن بيەنى قاتار ەمەدى. كەلەسى
جىلى ءوز ەنەسى قىسىر قالىپ، قوڭىر قۇلىن تايىنان قۇنانىنا دەيىن اردا ەمەدى. بەجەڭ وسى قوڭىر قۇناندى جاستاي ءوسىرىپ، باس ۇيرەتىپ، جۋاسىعان سوڭ، ءوز مىنىسىنە الادى. وسى قوڭىر ات جارىسسا، وزاتىن، قۋسا، جەتەتىن، نەشە ءتۇرلى اسەم ءجۇرىستى، سۋرەت تۇلعالى ەرەكشە جىلقى بولادى. تەلقوڭىرىنا ەرەكشە رازى بولعان بەجەڭ «تەلقوڭىر» دەگەن كۇيىن ارنايدى.
You Might Also Like
-
بەيسەنبىنىڭ ۇلى وسپان (التايدا قارا وسپان اتالادى) اتاستىرعان قالىڭدىعى ءرابيعانى الار جولىندا ءوزىنىڭ تۋما اتى قارا قۇلاق اتتى ءمىنىپ، كۇيەۋ جولداستىققا بايتاراق، جاقسىباي دەگەن ادامداردى ەرتە بارعان...
-
ايتۋشىلاردىڭ اڭىزىنا قاراعاندا، بەيسەنبى كوك ءيىرىم كەڭەسىنە ەكى رەت بارعان. ءبىرىنشى رەت بارعاندا نايمان-كەرەي ورتاسىنداعى جەر تالاس ءبىتىمىن نايمان بيلەرىمەن كەلىسىپ، ءبىتىرىپ قايتقان ەكەن. كەلەسى جى...
