تەپەڭكوك (ءىV نۇسقا)
ەرتەدە ءبىر كەدەيدىڭ مال دەگەندە جالعىز كوك اتى بولىپتى. ءوزى بايگەگە قوسقاندا الدىنا قارا سالمايتىن جۇيرىك ەكەن. ءبىراق ءبىر قاسيەتى — تەرى شىقپاسا، مۇلدەم شابا المايدى، ال جاقسىلاپ تەرى شىقسا، قانداي جارىس بولسا دا الدىن بەرمەيدى. اتتىڭ سىرى يەسىنە ءمالىم دەمەكشى، سول ەلدە ۇلكەن اس بولىپ، اسقا جان-جاقتان نەبىر سايگۇلىكتەر كەلۋلى. استا ات شابىس، جامبى اتۋ، بالۋان كۇرەستەرى بەلگىلەنىپ، وزعاندارىنا جۇلدە
تاعايىندالادى. بۇل اسقا الگى كەدەي دە كەلەدى. كوك تۇلپارىن جارىسقا قوسۋ ءۇشىن يەسى بايگە باستالماس بۇرىن قانجىعاسىنا ەكى دوربا قۇمدى وڭگەرىپ، ارلى-بەرلى جەلدىرتىپ، تەرىن شىعارىپ تەپەڭدەتىپ كەلە جاتقاندا، ەلدەگى ءبىر دومبىراشى كورىپ، اتتىڭ سۇلۋلىعىنا، جۇرىسىنە كوڭىلى تولىپ «شۋ، جانۋار، تەپەڭ كوك» دەپ كۇي تارتىپتى. سودان بۇل كۇي ەل اراسىندا «تەپەڭكوك» اتانىپ كەتكەن.
You Might Also Like
-
ءبىر قويشى ءبىر بايدىڭ قويىن تالاي جىل باعىپ، تىشقاق لاعىن دا يت-قۇسقا بەرمەپتى.
-
باياعىدا ءبىر شال مەن ونىڭ جالعىز قىزى بولىپتى. ولاردىڭ كۇن كورەتىنى دە جالعىز نار ەكەن: ىشسە اسى، مىنسە كولىگى. كۇندەردىڭ كۇنىندە ساۋىپ وتىرعان تۇيەسىنىڭ بوتاسى ءولىپ قاپ، قىزى مەن اكەسى اس-سۋسىز قال...
