تەپەڭكوك (V نۇسقا)
ەرتەدە ءبىر حاننىڭ قويشىسى بار ەكەن. سول قويشى حاننىڭ جالعىز بالاسىمەن ءبىر جاققا بارىپ كەلە جاتسا، وزەننىڭ جاعاسىندا جىلقىنىڭ باسى جاتىر ەكەن. سوندا قويشى: «مەنى تولىباي سىنشىنىڭ بالاسى دەپ كىم ايتادى، سەنى كوكوراق تۇلپار دەپ كىم ايتادى؟» — دەپ جىلقىنىڭ باسىن قۇشاقتاپ جىلايدى. وسى ۋاقيعا جايىن حاننىڭ بالاسى اكەسىنە ايتىپ كەلەدى. مۇنى ەستىگەن حان قويشىنى شاقىرىپ الىپ: «سەن
سىنشى بولساڭ، مەنىڭ بەس ءجۇز جىلقىمنىڭ ىشىنەن شاباتىن تۇلپار بار ما، ايقىنداپ بەر»، — دەيدى. قويشى حاننىڭ جىلقىلارىن ارالاپ، ەشبىر جىلقىعا كوڭىلى تولماي، حانعا: «ءسىزدىڭ جىلقىلارىڭىزدىڭ ىشىندە شاباتىن تۇلپار جوق»، — دەيدى. حان قويشىعا قاراجاتىن، كەرەك جاراعىن بەرىپ، تۇلپار تاۋىپ كەلۋىن سۇرايدى. قويشى شاھاردان-شاھار كەزىپ، بازارلاردى تۇگەل ارالاپ، ەشبىر تۇلپار تابا الماي، ءبىر قويشىدان جاۋىر، ءجۇنى تۇسكەن قوتىر تايدى ساتىپ الىپ حانعا كەلەدى. حان قويشىعا: «ءبىر ايدان كەيىن بولاتىن ءبىر بايگە بار، سوعان وسى تايدى قوساسىڭ»، — دەپ بۇيىرادى. قويشى «ماقۇل» دەپ، تايدى ءبىر تابىن جىلقىعا قوسىپ جىبەرەدى. اسقا ون كۇن قالعاندا حاننىڭ بالاسى ۇيىرگە بارىپ قاراسا، ءالى سول قالپىندا، جاۋىر ارىق تايدى قويشى ءمىنىپ ءجۇر ەكەن. قويشىدان: «حاننىڭ بايگەگە قوساتىن تۇلپارىن ءمىنىپ جۇرگەنىڭ قالاي؟» — دەسە، ول: «حاننىڭ
بەس ءجۇز جىلقىسىنىڭ ىشىندە وسىدان باسقا ۇشىعىنا شىعاتىن جىلقى كورمەدىم»، — دەيدى. سودان بايگە بولىپ، تەپەڭكوك بايگەنى الىپ كەلەدى.
سوندا قويشى تەپەڭكوكتى:
كەكىلىڭە بولايىن كۇلتەلەنگەن جىبەكتەي،
ساۋىرىڭا بولايىن، ءتۇبى تۇسكەن شەلەكتەي، — دەپ ەركەلەتكەن ەكەن.
You Might Also Like
-
بازارقۇل بايىنقارا دەگەن كىسى بولىپتى. ول كيىمدى تىم ساندەپ كيەتىن ءسانقوي، اتتى تاڭداپ، باپتاپ مىنەتىن مىرزا ەكەن.
-
ەرتەدە ءبىر كەمپىر-شال قىزىمەن ەلدەن بەزىپ، اڭ جورتپاس، قۇس ۇشپاس ءبىر قۇلا دالانى مەكەندەپ ءومىر وتكىزىپتى. ولاردىڭ كۇنكورىسى جالعىز نارى ەكەن. جىلداردا ءبىر جىل قۋاڭشىلىق ءجۇرىپ، دالانىڭ ءشوبى قۋراعاند...
