InfoHub Logo

كوز – جاننىڭ ايناسى دەلىنەدى، ولار ءبىز تۋرالى تولىق ايتىپ بەرە الادى دەيدى. ەندەشە تۇلعالىق سيپاتتى انىقتايتىن تەستتى ۇسىنامىز. باستىسى – اق قاعازعا كوزدىڭ سۋرەتىن سالىڭىز (ءوزىڭىز قانداي كوزدى قالاساڭىز، سوندايىن سالىڭىز، قيالعا ەرىك بەرىڭىز). سالدىڭىز با؟ ەندى جازباعا كىرىڭىز دە، ءسىزدىڭ سالعان سۋرەتىڭىزگە ۇقسايتىنىن تاۋىپ، سيپاتتاماسىن وقىڭىز. ءيا، بۇل يدەياعا مەن دە باستاپقىدا سەنىڭكىرەي المادىم، ءبىراق ناتيجەسى مەنى تاڭعالدىردى: شىندىقتان الشاق كەتپەدى.

1. اشىق جاندى

ءارقاشان جانە اركىممەن دە قارىم-قاتىناسى ءتۇزۋ، جاڭا تانىستىقتارعا دايىن. ءسىز بۇكىل الەمگە تەرىس اينالۋدان گورى، قاۋىپ-قاتەردە تاۋەكەل ەتىپ، سوققى جەۋگە دە دايىنسىز. ءسىز قورقىپ تۇرعانىڭىزدى نەمەسە قورعانسىز ەكەنىڭىزدى ەشقاشان كورسەتپەيسىز. ءوز پروبلەمالارىڭىزدى ءوزىڭىز شەشۋگە تىرىساسىز. الايدا باسقا بىرەۋلەرگە قولداۋ بىلدىرمەي وتىرا المايسىز، كومەككە قۋانا كەلىسەسىز، ءتىپتى ءوزىڭىز قينالىپ تۇرساڭىز دا. ەگەر بىرەۋگە كومەك قاجەت بولا قالسا، ءسىز ءارقاشان جاردەمدەسۋگە دايىنسىز.

2. سانالى

ءسىز ءارقاشان باستاعان ءىسىڭىزدى لايىقتى تۇردە اياقتاعىڭىز كەلەدى، ونى ىنتا-جىگەرىڭىزبەن ورىندايسىز. بارلىق ارەكەتىڭىز وزگە جانداردىڭ ومىرىنە اسەر ەتەدى دەگەن سەنىممەن ءومىر سۇرەسىز. ءسىز جابىق ادامسىز – كوڭىلىڭىز تۇسسە، ونى ەشقاشان كورسەتپەيسىز. ءسىز باقىتسىزدىقتى دا، ادىلەتسىزدىكتى دە كوردىڭىز، ءبىراق سول ۋايىمنىڭ بارلىعىن ءوز ىشىڭىزدە ساقتايسىز. ءسىزدىڭ ويىڭىزدا ءمىنسىز ادام بولۋ دەگەن ماقسات بار، ءوزىڭىز دە بىرەۋلەرگە ۇلگى بولۋعا تىرىساسىز. ءسىز ءبىزدىڭ الەمىمىزگە بۇدان دا ارتىق جاقسىلىق جاساي الاسىز.

3. سوتقار

ءسىزدىڭ وتكەن كۇندەرىڭىزدىڭ ەلەسى ءسىزدى ءالى كۇنگە دەيىن مازالايدى. ءسىز وتكەن كۇندەردەگى ارەكەتتەرىڭىزدى وزگەرتە دە المايسىز، سوندىقتان كەم دەگەندە ءومىردى قيىنداتپاۋدى ويلايسىز. كوڭىل-كۇيىڭىزدىڭ ءتۇسىپ كەتكەنىن اينالاڭىزداعىلارعا ەشقاشان كورسەتپەيسىز. قيىندىقتاردىڭ بارلىعىن، ويلارىڭىزدى ءوز ىشىڭىزدە ساقتايسىز. ال بولاشاققا سەنىممەن قارايسىز. ءسىز ءوزىڭىز ويلاپ تاۋىپ الاتىن كەدەرگىلەردەن وتۋدەن شەبەرسىز.

4. دانا

ءسىز بارلىق ادامدى جانە بارلىق جاعدايدى ويلاي بەرەتىن ادامسىز. ءسىز ءار نارسەنىڭ دە تەرەڭ ماعىناسىن تۇسىنۋگە تىرىساسىز. ءاردايىم ءوز ويىڭىزدا شومىپ، بۇل ادەتتەن ارىلۋ قيىنعا سوعادى. ەگەر كۇدىكتەنىپ تۇرساڭىز، ونى ەشكىمگە كورسەتپەيسىز. قانداي دا ءبىر ماسەلە بويىنشا ناقتى شەشىم جاساماساڭىز دا، وز-وزىڭىزگە سەنىمدى بولىپ كورىنەسىز. ءسىز ءۇشىن ءومىر پازل سياقتى: ءسىز بولشەكتەردى ءبىر ءبۇتىن كارتيناعا جيناعاندى ۇناتاسىز. الايدا الەمگە كەلۋىڭىزدىڭ ماقساتتارىن جەتە تۇسىنبەسەڭىز دە، وندا ءوزىڭىزدى جايلى سەزىنەسىز.

5. جۇمباق ادام.

كورىنگەننىڭ الدىندا سىرىن جايىپ سالاتىن ادامداردىڭ قاتارىنان ەمەسسىز، سوندىقتان ومىرلىك سەرىكتەرىڭىزگە ساتتىلىك تىلەيمىز. ءوز ىشىڭىزدە كوپتەگەن قاراما-قايشىلىق بار، كوڭىل-كۇيىڭىز بولسا ءارقاشان وزگەرىپ وتىرادى. اينالاڭىزداعىلارعا ءوزىڭىز جايلى كوپ اشىلىپ ايتپايسىز. سوزشەڭ ەمەسسىز، ال ىسىڭىزبەن كىمدى بولسا دا جايپاپ وتەسىز. ءسىز ءبىر اداممەن سويلەسە باستاۋدان بۇرىن ونى جەتە تانىپ الۋدى ۇيعاراسىز جانە ناقتى بىلەتىن تاقىرىپتا عانا سويلەسەسىز.

6. سەزىمگە ەرىك بەرگىش

ءسىز بارلىعىن جازىپ وتىراسىز، ەشتەڭەنى ۇمىتپايسىز. ءسىز اينالاڭىزداعىلاردى جاقسى سەزەسىز. ءسىزدىڭ مىنەزىڭىز ءاردايىم تەرەڭ، ءتىپتى بولماشى وقيعالار سىزگە قاتتى اسەر ەتۋى مۇمكىن. ءسىزدى جىلاتۋ دا، كۇلدىرۋ دە وڭاي. سەزىمتالدىعىڭىزدى ادامدارعا ءجيى كورسەتەسىز. ومىرىڭىزدەگى وزگەرىستەردى ءدال بولجاي الاسىز جانە سيرەك قاتەلەسەسىز. ادامنىڭ ەموسياسىن ءدال تانىپ، «نە بولدى؟» دەپ ءبىرىنشى سۇرايسىز.

7. اشۋشاڭ

ءسىز ءاردايىم تىڭسىز، قۇمارعا بەرىلەسىز. جاساندىلىعىڭىز جوق. نە نارسەگە بولسا دا قاراپايىم قاتىناستاسىز: نە ۇناتاسىز، نە جەككورەسىز. سىزدە كەز كەلگەن دۇنيەگە پىكىرىڭىز بار، اقىلىڭىز جىلدام. ءبىراق اشۋلانشاقتىعىڭىزدى كورسەتكىڭىز كەلمەيدى. سىزدە ەنەرگيا وتە كوپ، جۇيكەڭىزدىڭ اندا-ساندا سىر بەرۋى قالىپتى جاعداي. ءسىز ءاردايىم جەڭىسكە جەتكەندى جاقسى كورەسىز. ءسىز كومەكشى بولا المايسىز، ءبىراق قيالىڭىز ۇشقىر.

8. اپەندى

ءسىزدىڭ قىزىعۋشىلىقتارىڭىز دا، اۋەستىگىڭىز دە، ارەكەتتەرىڭىز دە قالىپتان تىس. ءسىز ءارقاشان بىرتۇرلىلىگىڭىزبەن كوزگە تۇسەتىنسىز. ال ءداستۇر مەن ەرەجەلەرگە ءمان بەرىپ تە قارامايسىز. ءاربىر ءىستى ءوز ستيلىڭىزدە جاسايسىز، ءبىراق وزگەرىس جاساعىڭىز كەلمەيدى. الەمنەن ەشتەڭەنى دە جاسىرمايسىز – جاسىراتىنىڭىز دا جوق. ال ءسىزدى سىناپ، ارتىڭىزدان ءسوز ايتاتىندار سىزگە دىم دا اسەر ەتپەيدى. ءسىز ءوزىڭىز سياقتى ادامداردى كورگىڭىز كەلەدى. نونكوفورميست بولۋدى ۇناتاسىز، سەبەبى بۇل قىزىق.

9. ينتۋيت

ءسىز ادامداردى جاقسى تۇسىنەسىز. ءبىر ادام جايلى ونىڭ ىم-ارەكەتىنە نەمەسە داۋسىنا قاراپ تۇرىپ، ونىڭ قانداي ەكەنىن ايتىپ بەرە الاسىز. سىزگە بىرەۋ-مىرەۋ وتىرىك ايتىپ جاتسا، ونى دەرەۋ سەزىپ قوياسىز. اينالاڭىزداعىلارمەن اشىلىپ سويلەسپەيسىز، ءوزىڭىز جايلى تەك قاجەتتىنى ايتاسىز. ءسىز وزگەلەردى عانا ەمەس، ءوزىڭىزدى دە تاني بىلەسىز. بىرەۋ سىزگە بيلىگىن جۇرگىزگىسى كەلگەندە مۇنى بىردەن ءبىلىپ قوياسىز. ادەتتە بۇل قاسيەتىڭىزدى پايدالانا بەرمەيسىز، ءبىراق كەيدە بۇل سىزگە قاجەت بولۋى مۇمكىن.

---