InfoHub Logo

تاقىرىبى: «تولاعاي» وتباسىلار سايىسى
ماقساتى: سالاۋاتتى ءومىر سالتىن قالىپتاستىرۋ، اتا - انامەن بالا اراسىندا سپورت مادەنيەتىن كەڭ تاراتۋ. وقۋشىلاردى جانە اتا - انالاردى سۇلۋ دا سىمباتتى، دەنساۋلىعى زور، كۇشتى بولۋ ءۇشىن دەنەنى شىنىقتىرۋ، ولارعا سپورتپەن اينالىسۋدىڭ قاجەت ەكەندىگىن ءتۇسىندىرۋ.
وتىلەتىن ورنى: سپورت زالى
كورنەكىلىگى: ءتۇرلى - ءتۇستى شارلار، دوپتار، كەدەرگىلەر، جالاۋشالار، سەكىرتپەلەر، ىسقىرىق، ۋاقىت ولشەۋىش.
بارىسى:
1 - جۇرگىزۋشى: قۇرمەتتى ۇستازدار، اتا - انالار جانە وقۋشىلار! بۇگىنگى «تولاعاي» وتباسىلار سايىسىنا قوش كەلدىڭىزدەر!
شىنىقساڭ شىمىر بولاسىڭ،
ساۋىعىپ ايداي تولاسىڭ.
سپورتتى سەرىك ەتە ءبىل،
جاقسى ازامات بولاسىڭ.
جەڭىمپاز بولۋ وڭاي ما،
ارمان بولعان تالايعا؟
بولماساڭ دا ۇقساپ ب ا ق،
جارىسقا ءتۇسىپ قالايدا.

2 - جۇرگىزۋشى: «تولاعاي» وتباسىلار سايىسى – ەلىمىزدەگى وتباسىلاردىڭ اتسالىسۋىمەن وتەتىن تاربيەلىك ماڭىزى زور ويىن - ساۋىقتى باعدارلاما. وسىنداي باعدارلاما بۇگىندە ءبىزدىڭ مەكتەبىمىزدە 7ا كلاسس وقۋشىلارى مەن بەلسەندى اتا - انالارىمىزدىڭ اراسىندا وتكىزگەلى وتىرمىز. 4وتباسى قاتىسادى، سونىڭ بىرەۋى عانا جەڭىمپاز بولادى.
ءار تاڭدى باقىتپەنەن اتتىرامىز
ونەردى وي كوگىندە باقىلاڭىز،
سايىسقا قاتىسۋعا ەندى ورتاعا
«تولاعايعا»قاتىساتىن
وتباسىلارىن شاقىرامىز.
ۇستانعان سالاۋاتتى ءومىر سالتىن،
جاسقانىپ، ەشقاشان دا مويىمايتىن،
بولاشاق سپورتشىلار كەلدى ورتاعا
قول سوعىپ قارسى الايىق، قانە، حالقىم!
(ءار وتباسى ورىندارىنا كەلىپ تۇرادى)
1 - توپ: «شاڭىراق»
2 - توپ: «بوساعا»
3 - توپ: «التىن بەسىك»

«شاڭىراق» توبىن ورتاعا شاقىرامىز
توپتىڭ ۇرانى: ءبارىمىز ءبىرىمىز ءۇشىن!
«بوساعا»توبىن ورتاعا شاقىرامىز
توپتىڭ ۇرانى: ءبىز ءارقاشاندا مىقتى
ءبارىن جەڭىپ شىقتى
«التىن بەسىك»توبىن ورتاعا شاقىرامىز
توپتىڭ ۇرانى: ءبىز شىمىر سەرگەك دەنەمىز، ونەر سۇيەر ورەنبىز.
7 كلاسس ورىنداۋىندا «تولاعاي» ءانى

ال، قۇرمەتتى حالايىق!
جارىستى ەندى كورىڭدەر
ءادىل قازى القاسى
ءادىل باعا بەرىڭدەر!
سايىستى باستاماس بۇرىن، سايىسىمىزعا ءادىل باعا بەرەتىن ءادىلقازىلار القاسىمەن تانىستىرايىق.
1. دەنە شىنىقتىرۋ ءپان ءمۇعالىمى قۋان نۇربەك
2. دەنە شىنىقتىرۋ ءپانى ءمۇعالىمى تويجان نۇرساۋلە
3. اتا - انالار كوميتەتىنىڭ ءتورايىمى ابدۋلينا گۇلشات
سپورتتىق سايىسىمىز 5 بالدىق جۇيەمەن باعالانادى.
1 - جۇرگىزۋشى: ءتالىمدى تاربيە وتباسىنان باستاۋ السا، دەنى ساۋ ۇرپاق – ۇلت بولاشاعى بولماق. ءار وتباسىندا اتا - انا شاڭىراقتىڭ نەگىزگى ىرگە تاسى بولىپ ەسەپتەلىنەدى. سوندىقتان، بالا ومىرىندە سالاۋاتتى ءومىر سالتىن قالىپتاستىرۋدا اكە مەن انانىڭ ءرولى وراساڭ زور.
2 - جۇرگىزۋشى: سپورت - دەنساۋلىق كەپىلى دەسەك، «تولاعاي» وتباسىلار سايىسى وتباسىلىق تاربيە مەن سالاۋاتتى ءومىر سالتىن ناسيحاتتاۋ ماقساتىندا ۇيىمداستىرىلىپ وتىر.
بۇگىنگى سايىستىڭ باعدارلاماسى 9 كەزەڭنەن تۇرادى

1- كەزەڭ: «تەڭبىلدوپ»
شارتى: بۇل ويىندا توپ مۇشەلەرىنىڭ ءارقايسىسىنا ءار ءتۇرلى تاپسىرما بەرىلەدى. بەرىلگەن تاپسىرما بويىنشا بەلگىلەنگەن مەجەگە ورتادا قۇرىلعان فيشكالاردىڭ اراسىمەن ءوتىپ جۇگىرىپ بارىپ كەلۋى كەرەك. ويىن كەزىندە فيشكالاردى قۇلاتپاۋ، تاپسىرمانى تولىق ورىنداۋ شارت.
1. فۋتبول دوبىن اياقپەن تەۋىپ جۇگىرۋ.
2. باسكەتبول دوبىن ۇرىپ جۇگىرۋ.
3. راكەتكامەن شاريكتى جوعارى سەرپىتىپ الىپ جۇگىرۋ.

2 - كەزەڭ: «قاقپاشى»
شارتى: بۇل ويىندا توپتىڭ ءبىر مۇشەسى توپتارىنا قاراما - قارسى 10 مەتر جەرگە بارىپ قولىنا شەلەك ۇستاپ تۇرادى. قالعان ويىنشىلار بىرتىندەپ ۆولەيبول دوبىن لاقتىرادى. شەلەك ۇستاعان ويىنشى لاقتىرعان دوپتى
قولىنداعى شەلەكپەن قاعىپ الۋى كەرەك.
بي: 7 كلاسس وقۋشىلارى «گيمناستيكا»
3 - كەزەڭ: «تاسىماق»
شارتى: بۇل ويىندا ءار توپ ەكى ويىنشىدان جۇپتاسىپ ارقالارىن تۇيىستىرەدى دە ورتالارىنا دوپ قىستىرىپ الىپ جۇگىرەدى. بەلگى بويىنشا ويىندى باستاپ بەلگىلەنگەن مەجەگە ورتادا قۇرىلعان فيشكالاردىڭ اراسىمەن ءوتىپ ءجۇرىپ بارىپ كەلۋى كەرەك. ويىن كەزىندە فيشكالاردى قۇلاتپاۋ، تاپسىرمانى تولىق ورىنداۋ شارت.
نۇرلىبەك نۇرسايا مەن عالىم نۇرجاناتتىڭ ورىنداۋىندا «تەك العا» ءانى
4 - كەزەڭ: «جەمىس جيدەك جيناۋ»
شارتى: 2 - 3 مەتر شەڭبەر سىزىلادى سونىڭ ىشىنە الما شاشىلادى. اناسىنىڭ باسىنا شەلەك كيگىزىپ قىزى جەتەلەپ شاشىلعان جەمىسكە قاراي باعىتتايدى. ماماسى تەزدەتە جينايدى.

5 - كەزەڭ: «شىعىرشىقپەن ءبىر - ءبىرىن تاسىمالداۋ»
شارتى: ءار توپقا 2 شىعىرشىق بەرىلەدى. الدىڭعى تۇرعان ويىنشى 1 شىعىرشىقتى جەرگە قويىپ ءبارى ىشىنە تۇرادى. ەكىنشى شىعىرشىقتا وسىلاي قايتالانادى.

6 - كەزەڭ: «كىم كوپ سەكىرەدى؟»
شارتى: اتا - اناسى سكاكالكانى ەكى جاقتان ۇستاپ، بالانى سەكىرتەدى. 10 - نان اسىرۋ كەرەك.

7 - كەزەڭ: «ءبىلىمدى كەنگۋرۋ»
شارتى: اتا - اناسى، بالاسى كەزەكپەن دوپتى تىزەگە قىسىپ جاسالعان كەدەرگىلەردەن سەكىرىپ بارىپ، ماتەماتيكالىق ءبىر - ءبىر ەسەپتى شىعارۋ كەرەك.
بي: 7 كلاستىڭ ورىنداۋىندا «جاستار ءبيى»

8 - كەزەڭ: «ەموسيانى نەمەسە ءىس - ارەكەتتى قايتالا»
شارتى: اتا - انا كەزەكپەن كەزەك تۇرعان شاردى الىپ، وتىرىپ جارۋ كەرەك. شاردىڭ ىشىندە جازىلعان ەموسيانى ءتۇسىندىرۋ كەرەك. كەزەكتە تۇرعان اتا - انا سونى شەشۋ كەرەك.

9 - كەزەڭ «جەڭىسكە جەتۋ»
شارتى: اتا - انا، بالا كەزەكپەن - كەزەك كەدەرگىلەردەن ءوتىپ سكاكالكامەن تۋ تۇرعان جەرگە بارادى. تۋدى الىپ كەلەدى دە كەزەكتە تۇرعانعا بەرەدى. ول الىپ قايتادان ورنىنا الىپ بارادى. جانە سوڭعىسى الىپ كەلەدى.
«شاڭىراق» توبىن ورتاعا شاقىرامىز
توپتىڭ ۇرانى: ءبارىمىز ءبىرىمىز ءۇشىن!
«بوساعا»توبىن ورتاعا شاقىرامىز
توپتىڭ ۇرانى: ءبىز ءارقاشاندا مىقتى
ءبارىن جەڭىپ شىقتى
«التىن بەسىك»توبىن ورتاعا شاقىرامىز
توپتىڭ ۇرانى: ءبىز شىمىر سەرگەك دەنەمىز، ونەر سۇيەر ورەنبىز.

قورىتىندى ءبولىم
جارىس زاڭى ەجەلدەن -
جەڭىمپازدى انىقتاۋ
جەڭىمپاز بولۋ شارتى سول -
ەڭبەكتەنۋ، جالىقپاۋ
بىرەۋ وزسا سايىستا،
بىرەۋ ارتتا قالادى
جەڭىلگەندەر رەنجىمەي
تاراسا بىزگە جارادى، - دەمەكشى سايىسىمىزدىڭ شارتتارى بويىنشا قورىتىندى شىعارىپ جەڭىمپازداردى انىقتاپ، ماراپاتتاۋ ءسوز ءادىلقازىلارعا بەرىلەدى..

ۋا، حالقىم نازار اۋدار دەنساۋلىققا!
ومىردە باقىتتىسىڭ دەنىڭ ساۋ دا.
دەنساۋلىق تەرەڭ باقىت دەگەن ءسوزدى
قۇر ايتپاعان ۇلى اباي دانامىز دا دەمەكشى
قۇرمەتتى قوناقتار! كەلگەندەرىڭىزگە كوپ - كوپ راحمەت
«تولاعاي» ءانى