InfoHub Logo

دارىگەر-اكۋشەر تولعاقتى انىقتاپ قانا قويماي، تولعاقتى ايەلدىڭ جالپى جاعدايىن ۇنەمى باقىلاپ وتىرۋى قاجەت جانە ۋاقتىلى جاردەم بەرىپ وتىرۋى ءتيىس.

تولعاقتى دۇرىس باقىلاۋ ءۇشىن تومەندەگى ماسەلەلەردى انىقتاپ الۋ كەرەك:

— ايەلدىڭ جاسى، نەشىنشى تۋۋى؛

— تولعاق باستالعان با؛

— ەگەر تولعاق بولسا، ول قاي كەزەڭدە؛

— قاعاناعى جارىلعان با؛

— نارەستەنىڭ قالپى قالاي؛

— نارەستە ءتىرى مە، ومىرىنە ءقاۋىپ جوق پا؛

— جۇكتىلىكتىڭ مەرزىمى قانشا؛

— نارەستەنىڭ  جايعاسۋى دۇرىس يا؛

— جامباس سۇيەگىنىڭ ولشەمى قانداي؛

— نارەستەنىڭ سالماق شاماسى قانداي؛

-   الدىڭعى بوسانۋى قالاي بولعان، اكۋشەرلىك انامنەزى اۋىرلاعان ەمەس پە.

ارينە، بۇل نارسەلەردىڭ ءبارىن انىقتاپ، دۇرىس باعا بەرۋ ءۇشىن تولعاقتى ايەلدىڭ قاجەتتى مالىمەتتەردى العاننان كەيىن، ايەلدى سىرتتاي جانە ىشتەي (قىناپ ارقىلى) مۇقيات» تەكسەرىپ، كورۋ كەرەك.

ايەلدەر بوسانار ۋاقىتتى انىقتاۋ

نەگىزىندە جۇكتىلىكتىڭ مەرزىمىن سوڭعى ەتەككىرگە قاراي ەسەپتەيدى. ەتەككىردىڭ بولعان كۇنىنەن كەرى قاراي ءۇش اي ەسەپتەپ، وعان 7 كۇن قوسسا، ايەلدىڭ بوسانار ۋاقىتى شىعادى. مىسالى، 15/V  بولسا، بوسانار ۋاقىتى  22/ءىى. ايەلدىڭ بوسانار ۋاقىتىنىڭ كەلگەنى مىنا بەلگىلەر بويىنشا  انىقتالادى.

1. جۇكتىلىكتىڭ سوڭعى 1-2 اپتاسىندا جاتىر دەڭگەيى تومەن ءتۇسىپ، ايەلدىڭ دەمالۋى ەداۋىر جەدىلدەگەندەي؛

2. تۇمسا ايەلدە بالانىڭ باسى كىشى جامباس قۋىسىنا كىرە بەرىسكە تىرەلىپ تۇرسا؛ ەكىنشى كوتەرگەن ايەلدە سوڭعى 2-3 اپتاعا  دەيىن بالانىڭ  باسى جوعارىدا بولادى دا، سوڭعى اپتالارىندا تومەن ءتۇسىپ، جامباسقا تىرەلەدى؛

3. سوڭعى اپتادا جاتىر موينى تۋۋعا دايىن بولادى (پىسەدى)؛

پىسكەن جاتىر موينىنىڭ ەرەكشەلىكتەرى:

— جاتىر موينى قىسقا 1-1،5 سم؛

— وتكىزگىش باعىتقا ورنالاسقان  (جامباس قۋسىنىڭ ورتاسىندا)؛

— وتە جۇمسارعان؛

— مويىن قۋىسىنا 1 نەمەسە 2 ساۋساق وڭاي ەنەدى.

4. قىناپتى جاتىر موينىنىڭ كىلەگەيلى جابىسقاق بولىگى كورىنەدى (جاتىر موينىنىڭ تىعىنى اشىلادى)؛

5. سوڭعى كۇندەر جۇكتى ايەلدىڭ ءىشى، بەلى تومەنگە تارتىپ اۋىرادى.  ءبىراق بۇل تولعاق ەمەس، تولعاقتىڭ بەلگىسى.

ەگەر ءىشتىڭ نەمەسە بەلدىڭ اۋىرۋى بەلگىلى ءبىر ۋاقىت ارالىعىندا قايتالانىپ جاتسا، بۇل — تولعاق. تولعاتقان ايەلدى — تولعاقتاعى ايەل دەپ  اتايمىز. جوعارىدا ءبىز پىسكەن جاتىر موينىنىڭ ەرەكشەلىكتەرىن اتىپ وتتىك، ەندى پىسكەن جاتىر موينىنىڭ ەرەكشەلىكتەرى:

— وتكىزگىش باعىتتان بولەك سەگىزكوز نەمەسە سيمفيزگە جاقىن ورنالاسقان؛

— قىسقارماعان (2-3  سم)؛

— جۇمسارماعان؛

— موينىنىڭ قۋىسىنا ساۋساق كىرمەيدى (جابىق). تۋعان ايەلدەردە ءبىر ساۋساق قانا ءوتۋى مۇمكىن.

---