تورعاي
اعاش اراسىنداعى جول. اڭنان قايتىپ كەلە جاتىرمىن. ءيتىم الدىمدا جۇگىرىپ كەلەدى. ءبىر كەزدە ءيتىم الدىمدا قۇس بارلىعىن بىلگەندەي بولدى. ءجۇرىسىن تەجەپ، ەپتەپ باسۋعا اينالدى.
ىلگەرى جولدى قۋالاي قاراسام، تۇمسىعىنىڭ اينالاسى سارعىلت، باسىنا جۇمساق مامىق ءجۇن شىعىپ كەلە جاتقان تورعايدىڭ بالاپانى كوزىمە ءتۇستى. جەل اعاش باسىن تەڭسەلتىپ تۇر. بالاپان ۇياسىنان قۇلاپ قالىپ، جاڭا ءوسىپ كەلە جاتقان سۇيرىك قاناتىن جايىپ، قيمىل ەتپەستەن وتىر.
ءيتىم ەپتەپ باسىپ جۋىقتاپ قالدى. ءبىر كەزدە جانىنداعى اعاشتان كەنەت كارى قارا تاماق تورعاي ۇشقان تاستاي زۋ ەتىپ، تاپ ءيتتىڭ تۇمسىعىنىڭ الدىنا كەلىپ ءتۇستى. ءجۇنى ءۇرپيىپ، ءتۇسى قاشىپ، ابدىراپ ساسقان، كىسى ايارلىق داۋىسپەن شىرىلداپ، اشىپ تۇرعان ءيتتىڭ اۋزىنا قاراپ بىر-ەكى رەت شاپشىدى.
بالاسىن قورعاپ قۇتقارۋ ءۇشىن جاۋدىڭ اۋزىنا قارسى ۇمتىلدى. قۇرتتاي دەنەسى قورىققاننان دىرىلدەپ، داۋىسى بارقىراپ، قارلىعىپ تورعاي ولە جازدادى. تورعاي ءوزىن-وزى قۇرباندىققا قيدى! تورعايعا يت قانداي زور داجال. سوندا دا ءقاۋىپسىز بيىك بۇتاعىندا جانى ءتوزىپ وتىرا المادى...
ەركىنەن الدىرەك كۇش تورعايدى جوعارىدان تومەن لاقتىرىپ ءتۇسىردى.
مەنىڭ قۇتپانىم توقتاپ، كەيىن شەگىندى. يت تە الگى كۇشتى مويىندادى.
مەن ۇيالىپ، ساسىپ بۇگەجەكتەپ قالعان ءيتتى شاقىرىپ الدىم. تورعايدى سىيلاپ، كوڭىلىم بۇزىلىپ، جونىمە جونەلدىم.
You Might Also Like
-
ادامنىڭ قازىرگى زامانعى فيلوسوفياسىندا بولۋ ءبىر عاسىردان استام ۋاقىت بويىنا ادامدى وزگەرتەتىن تابيعاتپەن سالىستىرعاندا ءوزىنىڭ ەكسكليۋزيۆتىلىگىن ءتۇسىنۋدى راستاي وتىرىپ، بولمىستىڭ جاڭا بيىكتەرىنە كوتە...
-
سوڭعى جىلدارى پسيحولوگتاردىڭ قىزمەتتەرى سۇرانىسقا يە بولا باستادى. ادامدار كوپتەگەن ومىرلىك ماسەلەلەردى جالعىز شەشۋگە بولمايتىنىن ءتۇسىندى جانە ماماندارعا جۇگىنۋ قاجەتتىلىگى كورىنە باستادى. پسيحولوگ...
