ترەندىدەگى بيزنەستەر
2020 جىلى الەمدە ورىن العان پاندەمياعا بايلانىستى، ونلاين ماماندىقتار كوش باستادى. ال ونلاين مامانداردى دايارلاپ شىعاراتىن - ءارتۇرلى بيزنەس ورتالىقتار. سونىڭ ىشىندە بيزنەستىڭ ەڭ نەگىزگى 3 تۇرىنە توقتالايىن.
1. ينفوبيزنەس - بەلگىلى ءبىر ءىستىڭ مامانى حالىقتى دا ءوزىنىڭ اينالىسىپ جۇرگەن 100% بىلەتىن، شىنىمەن كومەكتەسە الاتىن ىسىنە ۇيرەتۋى. مىسالى، ءسوز باسىندا اتاپ وتكەنىمىزدەي ونلاين مامانداردى، ياعني، SMM مەنەدجەر، كوپيرايتەر، تارگەتولوگ، ديزاينەر، موبيلوگراف، پروديۋسەر ت.ب نارىققا قاجەت ماماندىقتاردى ۇيرەتەتىن ادامدار - ءدال وسى ينفوبيزنەسمەندەر. ولار وزدەرىنىڭ ءارتۇرلڭ كۋرستارىن وتكىزىپ، سول ارقىلى پايدالى بولادى، ءارى پايدا الادى. ينفوبيزنەستەگى ەڭ ماڭىزدى قاعيدا - ونىمگە 100% سەنىممەن قاراۋ، حالىققا شىنىمەن پايدالى بولارىن قاداعالاۋ.
2. تاۋار بيزنەسى - حالىق اراسىندا بۇرىننان كەلە جاتقان تاۋار ساتۋ كاسىبى. تەك سوڭعى جىلدارى بۇل كاسىپ تۇرىنە دە وزگەرىستەر ەندى. ماسەلەن، بۇرىن-سوڭدى ءوز تاۋارىن ساتاتىن ادامدار كوشەدە نەمەسە بازاردا ءجۇرىپ ساتسا، الدە تەلەديدار ارقىلى جارناماسىن شىعارسا، قازىردە تاۋار بيزنەسىمەن اينالىسۋ الدەقايدا وڭاي. جارنامانى دا، ساتۋدى دا ونلاين اتقارىپ وتىرۋعا مۇمكىندىك بار. ياعني، ينستاگرام الەۋمەتتىك جەلىسى ارقىلى تاۋارىنا ادەمى ۋپاكوۆكا جاساپ، فەيسبۋك ارقىلى تارگەت جىبەرىپ، باسقا دا الەۋمەتتىك جەلىلەر ارقىلى برەندىن قالىپتاستىرىپ وتىرسا جەتكىلىكتى. وسى تۇرعىدا مەن ءوزىمنىڭ «@ozge_galamshar» اتتى قولدان جاسالعان بۇيىمدار ساتاتىن ونلاين-دۇكەنىمدى نەگىزگە الىپ قاراستىرسام بولادى. بۇل دۇكەندى اشۋ بارىسىندا ماعان ەشقانداي يپ اشۋدىڭ قاجەتى بولعان جوق. ەڭ الدىمەن قاجەتتى تاۋارلارىمدى ساتىپ الىپ، كەيىننەن سۇرانىسقا ساي ءارتۇرلى ءساندى بۇيىمداردى جاساپ، ادەمى سۋرەتكە ءتۇسىرىپ، جارناما جىبەرۋ ارقىلى ينستاگرام ارقىلى بەلسەندى جۇرگىزىپ وتىرمىن. بۇل تۇرعىدا ماعان ينفوبيزنەسمەندەردەن ۇيرەنگەن ماركەتينگ ءبىلىمى وتە قاجەتتى بولدى.
3. ال كاسىپتىڭ تاعى ءبىر تانىمال ءتۇرى - ءوز قىزمەتىن ساتۋ. مىسالى، ءقازىر ينستاگرام ارقىلى تاۋار ساتاتىن بيزنەسمەندەرگە ماركەتولوگتار اۋاداي قاجەت. سونىڭ قاتارىندا ەڭ نەگىزگى SMM مامانى، تارگەتولوگ، كوپيرايتەر، موبيلوگراف، ديزاينەر. ياعني بۇل ماماندار ءوزارا كوماندا بولىپ، ءبىر بيزنەسمەننىڭ ساۋداسىە جۇرگىزۋگە اتسالىسا الادى. سايكەسىنشە قىزمەتىن سولاي ساتادى. نەمەسە فريلانستا ءجۇرىپ تە، ءوز قىزمەتىن ۇسىناتىندار بار. ياعني، ۇيدە وتىرىپ-اق، ءوز ماماندىعى ارقىلى ونلاين جۇمىس ىستەپ، تابىس تاۋىپ وتىرعاندار.
كاسىپتىڭ قاي ءتۇرىن الساق تا، ءبارى بىر-بىرىمەن تىعىز بايلانىستى. تابىس تاۋىپ، دامۋشى ورتامدى قالىپتاستىرعىم كەلەدى دەيتىن ءاربىر ادامعا ترەندتەن قالماي، پايدالى ماماندىقتاردى وقىپ الۋىن ۇسىنامىن.
سادۋاحوسوۆا ايجان داۋلەتباي قىزى
You Might Also Like
-
جۋرناليست ماماندىعى قىزىقتى ءارى كۇتپەگەن كەزدەسۋلەرمەن، ساياحاتپەن، اقپاراتتار تەڭىزىمەن تىعىز بايلانىستى جانە بۇل ماماندىقتىڭ يەسى بارىنەن دە ءبىرىنشى حاباردار بولۋى كەرەك. جۋرناليست بولۋ ...
-
تاۋەلسىزدىك – ەل ەركىندىگى. قازاقستان تاۋەلسىزدىكتىڭ بەسىگىندە تەربەلىپ جاتقانىنا 30 جىل. وسى ۋاقىت ارالىعىندا قازاقستان الەمدە جەكە دارا دەربەز ەل ەكەنىن دالەلدەي ءبىلدى. ءوزىنىڭ بەلگىلە...
