InfoHub Logo

ەگەسىنىڭ ءىس-قيمىلىن باسقارىپ، ونى زومبيگە اينالدىراتىن پارازيت، بەينە ءبىر قورقىنىشتى ءفيلمنىڭ سيۋجەتىندەي، كەلىسەسىز بە؟ الايدا مۇنداي ورگانيزمدەر شىنايى ومىردە كەزدەسەدى جانە جاڭا عىلىمي زەرتتەۋلەر ولاردىڭ ويلاعانىمىزدان الدەقايدا قورقىنىشتى ەكەنىن كورسەتتى.

ءبىر ءبۇيىرلى كورديسەپس دەپ اتالاتىن ءپارازيتتىڭ اعاش تەسكىش قۇمىرسقالاردى كولونيالارىن تاستاپ، ساڭىراۋقۇلاق ءۇشىن ءتيىمدى جەردە بەكىنۋگە ماجبۇرلەيتىنى بەلگىلى، وسىلايشا ول قۇمىرسقالاردىڭ ءىس-قيمىلىن باسقارادى ەكەن. سودان كەيىن ساڭىراۋقۇلاق قۇمىرسقانىڭ باسىنان ءوسىپ شىعادى دا، وزگە قۇمىرسقالارعا جۇقتىرا وتىرىپ، سپورالارىن تاراتۋدى جالعاستىرادى.

الايدا، قۇمىرسقانىڭ زومبيگە اينالۋ مەxءانيزمى وسى ۋاقىتقا دەيىن بەلگىسىز بولعان. پەنسيلۆانيا شتاتىنىڭ ۋنيۆەرسيتەتىنەن شىققان امەريكالىق عالىمدار ءبىر ءبۇيىرلى كورديسەپس ەگەسىنىڭ بۇكىل دەنەسىندەگى بۇلشىقەت تالشىقتارىنا ەنەدى دەگەن بولجام جاسادى.

زەرتتەۋشىلەر پارازيت پەن قۇمىرسقانىڭ ءوزارا ارەكەتىن كلەتكالىق دەڭگەيدە قاراستىرىپ، كورديسەپستىڭ تىندەرگە ءتان مەتابوليتتەردى ءبولىپ شىعاراتىنىن جانە قۇمىرسقا گەنىنىڭ ايقىندالۋىندا وزگەرىستەر، سونداي-اق تومەنگى جاق بۇلشىقەتتەرىندە اتروفيا تۋدىراتىنىن بايقادى. الايدا، ساڭىراۋقۇلاقتىڭ بۇل مەxانيزمدەردى قالاي باسقارىپ، باعىتتاپ وتىراتىنى ءالى دە تۇسىنىكسىز ەدى. سونى انىقتاۋ ماقساتىندا عالىمدار اعاش تەسكىش قۇمىرسقالاردى پارازيتپەن ارنايى جۇقتىردى دا، كەيىننەن ساڭىراۋقۇلاقتىڭ ەگەسىنىڭ دەنەسىنە باسقارۋدى قالاي ورناتاتىنىن ءبىلۋ ءۇشىن سول ءۇردىستىڭ 3D-ۆيزۋاليزاسياسىن قۇراستىردى.

جاساندى ينتەللەكتتىڭ الگوريتمىن پايدالانا وتىرىپ، زەرتتەۋشىلەر سۋرەتتەردى تالداۋدان وتكىزىپ، پارازيت كلەتكالارىنىڭ قۇمىرسقانىڭ باسىن، كەۋدەسىن، قۇرساعى مەن اياقتارىن قوسا العاندا بۇكىل دەنەسىنە تارالاتىنىن انىقتادى. ەگەسىنىڭ قيمىل-ارەكەتىن باسقارۋ ءۇشىن ساڭىراۋقۇلاق كلەتكالارى ءبىرىڭعاي جۇيە قۇراستىرا وتىرىپ، بەلگىلەنگەن تارتىپپەن جۇمىس جاسادى. شىندىعىندا، پارازيت جۇقتىرعان قۇمىرسقا ەندى قۇمىرسقا ەمەس ەدى. ول قۇمىرسقادان جاسالعان “ەتتى ساۋىتتاعى” پارازيت-ساڭىراۋقۇلاققا اينالعان دەسەك دۇرىسىراق بولار.

---