InfoHub Logo

مەنىڭ تۋعان جەرىم – قاراعاندى وبلىسى، جاڭاارقا اۋدانى، اتاسۋ ستانسياسى. تۋعان جەرىم اۋىلىم – اتاسۋ. مەن ءۇشىن ەڭ ەرەكشە جەر. ارينە، بارلىعىمىزدىڭ تۋعان جەرىمىز ءبىر قازاق جەرى، ونىڭ ىشىندە ءوز اۋىل، قالالارىمىز. اركىمنىڭ تۋعان جەرى ىستىق، تۋعان جەردىڭ توپىراعىنا ەشتەڭە جەتپەيدى. كىم بولسا دا، ءوزىنىڭ اۋىلىمەن، شىققان جەرىمەن ماقتانادى. قايدا جۇرسەڭ دە، ءوز تۋعان جەرىڭە ەشتەڭە تەڭ كەلمەيدى. تۋعان اۋىلدى ساعىنبايتىن جان جوق شىعار. جاس بولسامدا، ۇلكەندەردەن ءجيى ەستيمىن، كارىلىك شاقتا تۋعان اۋىلدىڭ اۋاسى مەن ىستىق ىقىلاسى تارتىپ تۇرادى دەگەندى. سوندايعا مىسال، ءوز اۋىلىمنىڭ كوشىپ كەتكەن تۇرعىندارى، سول كىسىلەردى قالادان كورىپ قالسام اۋىلعا بارىپ قايتقانداي بولدىم عوي دەپ، اۋىل جاڭالىقتارىن قۇلاق ءتۇرىپ تىڭدايدى. مەن وزىمدە 7-سىنىپتان بەرى قاراعاندى قالاسىندا وقيمىن. ءبىراق، ءالى كۇنگە دەيىن اۋىلدى اڭساپ تۇرامىن. مەكتەپتە وتىرعاندا تەرەزەگە كوزىم تۇسسە كيەلى مەكەنىم – اتاسۋدى اڭسايتىنمىن.

اۋىلىم اتىن – بەسىگىم. اتاسۋ جاڭاارقا اۋدانىنىڭ باتىس بولىگىندە، ماناقا وزەنىنىڭ بويىندا ورنالاسقان. بارلىق بالالىق شاعىم وسى الاقانداي عانا اۋىلدا ءوتتى. مەنىڭ اۋىلىم شاعىن عانا بولعانىمەن ادەمى، مال وسىرۋگە جايلى جەر. شىركىن، اۋىلىمنىڭ تاڭعى سامال جەلىن ايتساڭشى. قالاداعى گاز بەن شاڭنىڭ ورتاسىنانا اۋىلعا بارعاندا ۇيقىڭ قانىپ ۇيىقتايسىڭ. مەن قالادا وقىپ جۇرگەن كەزىمدە كولىكتەردىڭ داۋىسىنان قاتتى شارشايتىنمىن، سول كەزدە اۋىلىمنىڭ تىنىشتىعىن، شىركىن، تازا ساف اۋاسىن، كەشكى ورىستەن كەلەتىن مالداردىڭ كەلىپ جاتقان داۋىسىن ساعىناتىنمىن. باعا جەتپەس بايلىقتارىم اكە-شەشەم، باۋىرىمنان كەيىن مەن ءۇشىن كيەلى مەكنىم – اتاسۋدى ساعىنامىن. اۋىلىمنىڭ تابيعاتىنا كەلەر بولسام، اۋىلىمدا بيىك- بيىك تاۋلار جوق ءبىراق تاۋعا جەتەر-جەتپەس قىرلارى بار. مەن ءۇشىن بۇل قىرلار الاتاۋدان دا بيىك كورىنەدى. اۋىلىمنىڭ جازىق جەرلەرى دە، شۇرايلى شابىندىقتارى دا، وزەندەرى دە، تازا سۋى مەن بۇلاقتارى بار. بۇل اۋىل مەن ءۇشىن وتە ورىنى ەرەكشە جەر، سەبەبى، مەن وسى جەردە تۋىلدىم، ءوستىم، ءومىرىمنىڭ ەڭ كەرەمەت كەزەڭدەرى وسى اتاسۋ اۋىلىندا وتۋدە. مەنىڭ اۋىلداعى ەڭ سۇيىكتى ءىسىم اتقا ءمىنىپ، جىلقى ايداۋ جانە قانسوناردا تازىمەن اڭعا شىعۋ. قالادا جۇرگەنىمدە وسى اتقا مىنگەن كەزىمدى قاتتى اڭسايمىن.

مەنىڭ شاعىن عانا اۋىلىمنان ايگىلى ادامدار وقىدى. ولار: تولەۋباي ەرمەكبايەۆ قالامگەر، جۋرناليست بىتىرگەن، زاڭ عىلىمدارىنىڭ دوكتورى. ماقاجانوۆا قاپيزا – بيولوگيا عىلىمدارىنىڭ كانديداتى، كاكەنوۆا تاتتىگۇل – پەداگوگيكا عىلىمدارىنىڭ كانديداتى، تاپاشيەۆ مەيىربەك – فيلولوگيا عىلىمىنىڭ كانديداتى. ءتىزىپ جازا بەرسەم، ءبىراز ادامدار بار. مەندە وسى اۋىلداس اعا-اپالارىم سەكىلدى قالامى ۇشتالعان جۋرناليست بولعىم كەلەدى. ناعىز ماقتان تۇتار تولەۋباي ەرمەكبايەۆ «قاراعاندى جاستارى» گازەتىنىڭ ءبىرىنشى رەداكتورى، قازاقستان جۋرناليستتەر وداعىنىڭ مۇشەسى. جاقسىلاردىڭ جولىن بەرسىن دەپ، جۋرناليست بولعىم كەلەدى. مەن بالا بولسام دا، وزىمە جەتەر ءبىراز جەتىستىكتەرىم بار. بۇل جەتىستىكتەرىمنىڭ بارلىعى وسى اۋىلدا ءوسىپ، اۋىلداعى اكە-شەشەمنىڭ بەرگەن تاربيەسىنىڭ ارقاسى.

اۋىل دەگەن كىندىك قانىمىز تامعان جەر. مەنىڭشە، اۋىلدى ەش نارسەگە ايىرباستاۋعا بولمايدى، اۋىلدان كوشەتىن ادامدارعا ايتارىم كىندىگىڭ قالعان جەرىڭنەن تىم الشاق كەتۋگە بولمايدى. اۋىلدان ادام كوشكەنمەن، ادامنان اۋىل كوشپەيدى دەيدى عوي، سول سەكىلدى اۋىلدى ۇمىتپاي العاش قالام ۇستاتقان ۇستازداردى، تۋىپ وسكەن جەردى ۇمىتپاۋ كەرەك. مەيلىنشە تۋىپ وسكەن جەردىڭ اتىنا كىر كەلتىرمەي، ايالاۋ كەرەك. ءوز اتىڭمەن قوسا تۋعان اۋىلىڭدى ماقتان تۇتا ءبىلۋ كەرەك. كەيبىر جاندار اۋىلدان شىققانىنا ۇيالىپ، جاسقانادى بۇل دۇرىس ەمەس. اۋلىم التىن –بەسىگىم دەپ مەن وسىنداي جەردەن شىققانمىن دەپ ماقتانا الاتىنداي بولۋ كەرەك. مەن ءوز تۋعان جەرىممەن ماقتانامىن. مەن وسىنداي اتاسۋداي اۋىلىممەن ماقتانامىن. مەن ءۇشىن اۋىل دەگەن ءسوز جۇرەگىمنىڭ تۇكپىرەنەن ۇلكەن ورىن الادى. مەن وسى كەڭ بايتاق قازاقستانىمدا ونىڭ ىشىندە وسى اتاسۋداي اۋىلدا وسكەنىممەن ماقتان ەتەمىن.

اكپاروۆا جامال

---