اقىرىن ءجۇرىپ، انىق باس ەڭبەگىن كەتپەس دالاعا
اقىرىن ءجۇرىپ، انىق باس،
ەڭبەگىڭ كەتپەس دالاعا.
بۇگىنگى كەيىپكەرىمىز - شۇكىرجان اقنۇر تاڭات قىزى. بالحاش قالاسىنىڭ تۋماسى. قاراعاندى قالاسىنداعى نازاربايەۆ زياتكەرلىك مەكتەبىنىڭ تۇلەگى اقنۇر قازىرگى تاڭدا اقش-تىڭ نيۋ-يورك قالاسىندا تۇرىپ جاتقان قازاقستاندىق جەرلەسىمىز. «Pittsburg State University» - دە گرافيچەسكيي ديزاينەر ماماندىعى بويىنشا ءبىلىم الۋدا.
- شەت ەلگە وقۋعا ءتۇسۋدى بالا كەزدەن ارماندادىڭىز با؟ شەت ەلگە وقۋعا بارامىن دەگەن شەشىمدى قاشان قابىلدادىڭىز؟
- شەت ەلگە وقۋعا ءتۇسۋدى 2014 جىلدان كەيىن ەڭ ءبىرىنشى رەت مالايزياعا بارىپ كەلگەننەن بەرى ارماندادىم. شەشىمدى 2014-2015 جىلدارى قابىلدادىم.
- شەت ەلدە ءومىر ءسۇرۋ قيىن با؟ ءسىزدىڭ ويىڭىزشا قانداي ارتىقشىلىقتارى مەن قيىندىقتارى بار؟
- شەت ەلدە ءومىر ءسۇرۋ اركىمنىڭ وزىنە بايلانىستى. ەگەر تۇراتىن جەرىڭىزدىڭ ءتىلىن بىلسەڭىز، از دا بولسا مادەنيەتى مەن تانىس بولساڭىز جانە ەڭ باستىسى ناقتى جوسپارىڭىز بولسا قيىن ەمەس. ەگەر ەش جوسپارسىز شەت ەلگە شىقساڭىز قيىن بولادى دەپ ويلايمىن.
- قانشا ءتىل بىلەسىز؟
- قازاق، ورىس، اعىلشىن، تۇرىك تىلدەرىن بىلەمىن. يسپان ءتىلىن مەڭگەرىپ جاتىرمىن.
- بىرنەشە ءتىل ۇيرەنۋ ءۇشىن قانداي لايفكاحتار قولدانۋعا بولادى؟
- بىرنەشە ءتىل ۇيرەنۋ ءۇشىن ءسىز سول ءتىلدى نە ءۇشىن وقيتىنىڭىزدى ايقىنداپ الۋىڭىز كەرەك. مىسالى مەن يسپان ءتىلىن وقىپ جاتىرمىن. سەبەبى، امەريكادا لاتىن-امەريكاندىقتار يسپانشا سويلەيتىن ادامدار وتە كوپ، مەن وسى جاقتا تۇرىپ جاتقاندىقتان يسپان ءتىلىن ءوز ءومىرىمدى ءبىراز جەڭىزدەتۋ ءۇشىن ۇيرەنگەلى جاتىرمىن. سول سياقتى، اعىلشىن ءتىلىن شەت ەلدە وقۋعا تۇسۋگە، ساياحاتتاۋ ءۇشىن ۇيرەنۋ دەگەن سياقتى ناقتى ماقسات تاۋىپ، وقىعان ءجون. جانە ەڭ باستىسى مەرزىم قويۋ كەرەك. مىسالى، 2 جىل ۇيرەنىپ ماگيستراتۋراعا تۇسەمىن دەگەن سياقتى.
- شەت ەلگە وقۋعا تۇسەمىن دەپ نيەت ەتىپ جۇرگەن وقۋشى نەمەسە ستۋدەنتتەرگە قانداي كەڭەس بەرەر ەدىڭىز؟
- ەشتەڭەدەن قورىقپاڭىزدار. تەك ءوز كۇشتەرىڭىزگە سەنىڭىزدەر. ارماندار ورىندالادى، ماقساتىن ايقىن بولسا . ءقازىر شەت ەلگە تۇسۋگە دايىندالىپ جۇرسەڭىزدەر، بۇل ءىستىڭ جەمىسى شىعادى.
- ءسىزدىڭ ومىرلىك ۇستانىمىڭىز قانداي؟
- اقىرىن ءجۇرىپ انىق باس، ەڭبەگىڭ كەتپەس دالاعا.
- تۋعان جەرلەستەرىڭىزگە دەگەن ايتار جىلى لەبىزىڭىز...؟
- سىزدەر دە ەل ارالاپ، جەر كورىپ جۇرگەندەرىڭىزدى قالايمىن. ماقساتتارىڭىزعا جەتە بەرىڭىزدەر!
- اڭگىمەڭىزگە كوپ راقمەت!
ۋلانوۆا ەلنۋرا ۋلان قىزى
You Might Also Like
-
الەمدەگى وزەكتى ماسەلە ەكولوگيا بولسا، ءبىزدىڭ ەلدىڭ وزەكتى پروبلەماسى-تىل تازالىعى. ەلىمىزدە قازىرگى كەزدە ءتىل جاناشىرلارى وتە از، ءتىلىن، ءدىنىن، ءدىلىن، جالپى العاندا ۇلتىن سۇيەتىن جاناشىردى كەزىكتى...
-
تاۋەلسىزدىك!.. وسى ءبىر 11 ارىپتىك ءسوزدىڭ وزىڭدە قانشاما ءمان-ماعىنا، ۇلكەن ءبىر تاريح جاتىر دەسەڭىزشى. تاۋەلسىزدىك- ءبىزدىڭ باعا جەتپەس بايلىعىمىز، باياندى باقىتىمىز.بابالارىمىز اڭساعان تاۋەلسىزدىك ءبىز...
