InfoHub Logo

ساباقتىڭ تاقىرىبى:تۋىم–نامىس، ۇرانىم–بىرلىك، رامىزدەرىم–ماقتانىشىم

ساباقتىڭ ماقساتى:
وقۋشىلاردى وتانىمىزدى سۇيۋگە، ەلىمىزدىڭ رامىزدەرىن قاستەرلەۋگە باۋلي وتىرىپ، تۋعان جەرىنە دەگەن سۇيىسپەنشىلىگىن وياتۋ. ەلىن، جەرىن، ءتىلىن، تاريحىن قۇرمەتتەيتىن جانى تازا، ادامگەرشىلىگى مول ازاماتتى قالىپتاستىرۋ. جەلتوقسان وقيعاسىن نەگىزگە الا وتىرىپ، پاتريوتتىق تاربيە بەرۋ. وقۋشىلاردىڭ تاۋەلسىزدىك العاننان كەيىنگى جەتىستىكتەرىمەن تانىستىرۋ، بىلىمدەرىن كەڭەيتە ءتۇسۋ.

كورنەكىلىكتەرى: كومپيۋتەرلىك سلايدتار، رامىزدەر، ەلباسىنىڭ سۋرەتتەرى،ت.ب.
بارىسى:
جۇرگىزۋشىلەر: نۇرجان، جانسايا
نۇرجان: باستايمىز با؟
جانسايا: نەنى؟
نۇرجان: تاۋەلسىزدىك كۇنىنە ارنالعان تاربيە ساعاتىمىزدى.
جانسايا: باستاساق باستايىق.
نۇرجان: الدىمەن امانداسۋدى ۇمىتىپ كەتپەيىك.
جانسايا: - جوق، ءبىز ەش ۋاقىتتا امانداسۋدى ۇمىتپايمىز.
نۇرجان: سالەمەتسىزدەر مە قۇرمەتتى اتا-انالار، وقۋشىلار، ۇستازدار!
جانسايا: №46 ا.س.پۋشكين اتىنداعى مەكتەپ-ليسەيىنىڭ 5 «ۆ» سىنىپ وقۋشىلارىنىڭ قازاقستان رەسپۋبليكاسىنىڭ تاۋەلسىزدىك كۇنىنە وراي «تۋىم–نامىس، ۇرانىم–بىرلىك، رامىزدەرىم–ماقتانىشىم!» اتتى تاربيە ساعاتىنا قوش كەلدىڭىزدەر!
نۇرجان: بيىل ەلىمىزدىڭ تاۋەلسىز قازاقستان رەسپۋبليكاسى اتانعانىنا 20 جىل دا بولىپ قالىپتى
جانسايا: ازاتتىق. تەڭدىك. تاۋەلسىزدىك. وسى ءۇش ۇعىمنىڭ سالتانات قۇرۋى ءۇشىن كىمدەر باس تىكپەدى، كىمدەر قۇربان بولمادى.
نۇرجان: تاۋەلسىزدىك شەجىرەسىنە كوز توقتاتىپ قارايىقشى. سوناۋ ءدۇبىرلى باتىرلار زامانىنان بەرى ەل مەن جەر ءۇشىن قانشاما قان توگىلدى، قانشاما ادام قۇربان بولدى.
جانسايا:ابىلاي زامانى – باتىرلار زامانى. نايزانىڭ ۇشىمەن، قىلىشتىڭ جۇزىمەن قاسىق قانى قالعانشا ەل مەن جەر ءۇشىن ايقاسقان بابالار اماناتىن جالعاستىرعان بوزداقتار قانشاما.
نۇرجان: - اقتاڭداق جىلدارداعى قازاق دەپ قابىرعاسى قايىسقان قايراتكەرلەر دە تاۋەلسىزدىگىمىزگە جەتكىزەر ۇلى جولداعى قۇرباندار ەدى.
جانسايا: - قاشان دا ءورشىل، نامىسقوي، ەرجۇرەكتىك قاسيەتتى بيىك ۇستايتىن قازاق حالقى ۇلى وتان سوعىسى جىلدارىندا دا ايانباي شايقاسقان.
نۇرجان: - 1986 جىلدىڭ 16 جەلتوقسانى. قازاقتىڭ ساناسىن سىلكىندىرگەن جەلتوقسان ىزعارى جىلدار بويى ارمان مەن تاۋەلسىزدىكتىڭ قاينار كوزى بولدى.
جانسايا: - بۇل – تەڭدىك ءۇشىن، ەلدىك ءۇشىن باس كوتەرگەن، ءتىپتى ءتانىن اياماي، جانىن پيدا قىلعان جاستارىمىزدىڭ اڭساعان ارماندارىنىڭ، كوزدەگەن ماقساتتارىنىڭ ۇشقىننان جالىنعا اينالىپ ەڭسەلى ەل بولعان كۇنىمىز.
نۇرجان: - بۇل كۇن – حالقىمىزدىڭ قۋانىپ، بولاشاق ۇرپاقتىڭ ۇرانداپ ەسكە ساقتار كۇنى.
ارۋجان – قازاقستان – قاسيەتتى ۇعىم بۇل،
ەي، كەلەشەك، جان تانىڭمەن ۇعىن، ءبىل!
ون ءبىر ءارىپ نە ماعىنا بەرەدى،
ال تولعايىق جەتكەنىنشە قىزىل ءتىل:
ت- بىلدىرەدى تەڭدىكتى،
ءا- ادەپتىلىك، الدىكتى
ۋ- ۋايىمسىزدىق، ۋاقىتتى،
ە- ەگەمەندىك، ەلدىكتى.
ل- دەيدى لاعىپ، لەپىرمە،
س- سەنىمدىلىك سەكىلدى ەڭ،
ءى- ءىلتيپات پەن ىزەت قوي،
ز- زيالىلىق تىلەك قوي،
د- شاقىرادى دوستىققا،
ءى- ىزگىلىكتى نيەتپەن،
ك- دەيدى: كۇن بول كوكتەگى
كوز الارتپا، كورشىلەرگە قول سۇقپا.

ءمۇعالىم ءسوزى: - تاريح تەرەڭىندە قالماي سان مارتە سىندارلى كەزەڭنىڭ سىزاتىن جارىپ، دۇنيە كوشىنە ىلەسكەن قازاق ەلىنىڭ وتكەن جولى الماعايىپ. اۋىزدىقپەن الىسىپ، ەتىگىمەن سۋ كەشكەن اۋىر كۇندەرگە توتەپ كونبىس تە بولدى، «قوي ۇستىندە بوزتورعاي جۇمىرتقالاعان» زاماندا بارىن شايقاپ، استا توك جومارت تا بولدى. ءاۋپىرىم زور زامانعا ءتان سۇرقىلتاي كۇيىن دە كەشتى. بولمىستىڭ وسى كەيپىن كورىپ، ۇلى اباي «قايران ەلىم، قازاعىم، قايران جۇرتىم» دەپ كۇيزەلسە، جۇبان اقىن «مەن قازاقپىن مىڭ ءولىپ، مىڭ تىرىلگەن» دەپ كۇڭىرەندى. ۇلان-بايتاق ەلىمىزگە كوز سالۋشىلار كوپ بولدى. قاننەن قاپەرسىز جاتقان ەلىمىزگە جوڭعار قالماقتارى تۇتقيىلدان شابۋىل جاساپ، قالىڭ جۇرتتى قان جىلاتتى. ءحۇ عاسىردىڭ باسىندا دۇرلىككەن ەل شۇبىرا قاشىپ، اقتابان شۇبىرىندى بولدى. جۇرت القاكولگە ايالداپ، قاسيەتتى قاراتاۋعا باس ساۋعالادى. ءحۇىى-حىح عاسىرلاردا حالقىمىز ەركىندىك پەن تاۋەلسىزدىگىنەن ايىرىلدى. ۇلانعايىر دالامىز يمپەريا مەنشىگىنە اينالدى. ءتوزىمدى سەرىك ەتىپ، «ۇنسىزدەرى كۇڭ بولعان» لەنيندىك ساياسات سالماعىن، ستاليندىك اقتاڭداق ازابىن، برەجنيەۆتىك توقىراۋ توسپاسىن، گورباچيەۆتىك قايتا قۇرۋ باسپاسىن باستان كەشكەن حالقىمىز اۋىرتپاشىلىقتىڭ بارىنەن ارىماي ءوتىپ، اڭسارى كۇنگە دە جەتتى. بوداندىقتىڭ بۇعاۋىن بۇزعان ەگەمەندىك ساعاتى سىرتىلداي سوعىپ، تاۋەلسىزدىكتىڭ نۇرلى تاڭى كەلىپ جەتتى.

قازاقستاننىڭ تاۋەلسىز مەملەكەتتىگىن قۇرا باستاۋدىڭ العىشارتى «قازاقستان رەسپۋبليكاسىنىڭ مەملەكەتتىك ەگەمەندىگى تۋرالى دەكلاراسياسىن» قابىلداۋ بولدى. ءوزىنىڭ تولىق سۋبەكتىلىگىن قازاقستان 1991 جىلدىڭ 16 جەلتوقسانىندا «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» زاڭىن قابىلداۋ ارقىلى راسىمدەدى. سول نۇرلى تاڭمەن ارايلانىپ، بايتاق ەلىمىزدىڭ التىنمەن اپتالعان اتا زاڭى ومىرگە كەلدى. تۋعان ەلىمىزدىڭ مەملەكەتتىك تاۋەلسىزدىگىنىڭ قاسيەتتى نىشاندارى اسپان تۇستەس زەڭگىر كوك تۋىمىز، ايشىقتى ەلتاڭبامىز بەن اسقاق ءانۇرانىمىز ەكەنىن وزدەرىڭىزدە جاقسى بىلەسىزدەر.

«ورنىندا بار وڭالار» دەگەندەي، ەل ورنىندا، جەر ورنىندا. جەرگە جەتەر بايلىق جوق. جەر بولسا، ەل بولادى؛ ەل بولسا، ەر بولادى. ەرلەرىمىزدىڭ ارقاسىندا قازاقستان ەگەمەندى، تاۋەلسىز ەل بولدى. 120-دان اسا ۇلت وكىلدەرى تۇراتىن وسىناۋ قاسيەتتى مەكەندە، ءوندىرىسى وركەندەگەن مەكەندە ءومىر ءسۇرۋشى ءاربىر ادام ءوز وتانىن جانىنداي ءسۇيىپ، ونىڭ كوك بايراعى كوككە كوتەرۋدى ماقتانىش تۇتادى.

ءبىز سىزدەرمەن بىرگە تاريحقا شولۋ جاسادىق. ەندى ءوز ەلدەرىنىڭ تۋرالى، وتان الدىنداعى بورىش، وتاندى سۇيە ءبىلۋ تۋرالى نە ايتاسىڭدار.

1- وقۋشى: - وتان – تاريح، وتان – ءتىل،
جاساعان ەلىڭ، ءوز حالقىڭ.
وتان – ولەڭ، وتان – جىر،
كوتەر كوككە ەل داڭقىن.

2-وقۋشى: - وتان وسى دوستارىم،
كوڭىلگە مۇنى تۇيە ءبىل
وتان دەپ ءوسىپ جاس جالىن
ونى ارداقتاپ سۇيە ءبىل.

3- وقۋشى: - وتان - سەنىڭ اتا-اناڭ،
وتان - دوسىڭ، باۋىرىڭ.
وتان - اۋدان، اۋىلىڭ
وتان - ولكەڭ استاناڭ

4-وقۋشى: - وتان دەيمىز وت جاققان جەرىمىزدى،
جاسىل جايلاۋ، جاڭا جولدار، جاس قالانى.
وتاننىڭ شەتى دە جوق، شەگى دە جوق،
ول ءبىراق، ءوز ۇيىمنەن باستالادى.

5-وقۋشى: - مەن ونىڭ ءتۇنىن سۇيەم، كۇنىن سۇيەم،
اعىندى وزەن، اسقار تاۋ، گۇلىن سۇيەم،
مەن ونىڭ قاسيەتتى ءتىلىن سۇيەم،
مەن ونىڭ قۇدىرەتتى ءۇنىن سۇيەم.
بار جاندىگىن سۇيەمىن قىبىرلاعان،
ءبارى ماعان: «وتان!» دەپ سىبىرلاعان.
جانىم مەنىڭ،
كەۋدەمدى جارىپ شىق تا،
بوزتورعايى بول ونىڭ شىرىلداعان!
وتان!
وتان!
بارىنەن دە بيىك ەكەن.
مەن ونى ماڭگىلىككە ءسۇيىپ وتەم.
ماقسات: «تۋعان جەر» ءانى

نۇرجان: - 1992 ج. 4-ماۋسىم – تاريحي كۇن.

جانسايا: - سول كەزدە رەسپۋبليكا جوعارى كەڭەسى تاۋەلسىز قازاقستان رەسپۋبليكاسىنىڭ مەملەكەتتىك تۋى مەن ەلتاڭباسىن بەكىتتى. 1992 ج ماۋسىم ايىندا تۇڭعىش پرەزيدەنت ن.ءا.نازاربايەۆ ۇلت تۋىنا تاعزىم ەتتى.

5-وقۋشى: - ەل باسقارعان نۇرسۇلتانداي اعام بار،
كوك القاپتى جاسىل جايلاۋ دالام بار.
ەل بىرلىگىن، ەل تىرلىگىن تىلەگەن،
اق نيەتتى حالىق دەگەن دانام بار

نۇرجان: - باتىرلىقتىڭ ۋىزىنا جارىعان،
ەر تۇركىنى بايراعىنان تانىعان.
ءوزى اقىن، ءوزى ءانشى حالىقتا.
كىم ايتا الار بولماعان دەپ ءانۇران.

جانسايا: - گرەكتىڭ «گيمن» ءسوزى قازاقشا «ۇران، ۇران سالۋ» دەگەن ۇعىمدى بىلدىرەدى. باسقا ۇلتتار سەكىلدى قازاق ەلىنىڭ دە ءاربىر رۋ – تايپاسىنىڭ تاڭبا بەلگىلەرى، جالاۋىمەن قاتار، ءانۇرانى دا بولعان. ەلدى جاۋ شاپقاندا جەر-جەردەگى ساربازدارى جيناۋعا ات شاپتىرىپ، ۇران سالادى، حابار بەرەدى. كەزىندە ساربازدارعا رۋح بەرگەن، جاۋعا قارسى ەرلىكپەن كۇرەسە بىلۋگە جۇمىلدىرعان. اسكەري ۇراندار قاتارىندا «ەلىم–اي» ءانىنىڭ اۋەنى حالىقتىڭ ءانۇرانىنا اينالىپ كەتتى.

نۇرجان: - قازاق حالقىنىڭ «ءبىزدى تانىدىڭدار ما؟» دەپ الەمگە جار سالعان «مەنىڭ قازاقستانىم» ءانۇراننىڭ ءانىن جازعان اۆتورلارى، ءسوزىن جازعان اقىندار - ش.قالداياقوۆ، ن.نازاربايەۆ، ج. ناجىمەدەنوۆ.

جانسايا: - ق.ر–نىڭ ءانۇرانىندا ادامعا زور رۋحاني اسەر ەتەتىن كۇش، ويتكەنى ءانۇراندا حالىقتىڭ، ۇلتتىڭ، مەملەكەتتىڭ، ەلدىڭ بىرلىگىنىڭ نىشانى بار ەكەنىن جازعان.
حور: «مەنىڭ قازاقستانىم!»- ءانۇران

نۇرجان: - ءيا، ءبارى بولعان قاراڭ سىندى كونە ەلدە،
ەل بەلگى دە، ەرلىك ونەر دە.
جاھانداعى ەڭ جاۋىنگەر حالىقتا،
كىم سەنەدى «تۋ بولمادى» دەگەنگە؟

جانسايا: - تۋ بەيبىت كەزدە قۇرمەتپەن ساقتالىپ، ال تەك جاۋگەرشىلىك كەزدە عانا شىعارىلىپ وتىرعان. تۋدان ايىرىلۋ - ولىممەن تەڭ بولعان. وزدەرىڭىزگە بەلگىلى قازاق جەرىنە كوز تىگۋشىلەر از بولماعان. سونداي ءبىر قيىن-قىستاۋ كەزەڭدە ۇلى دانا بابالارىمىز تولە بي، قازىبەك بي، ايتەكە بي وردا باسىندا كەزدەسكەننەن كەيىن، ابىلاي حان ءۇش ءجۇزدىڭ باسىن قوسىپ، بوگەنباي باتىرعا قازاقتىڭ تۋىن ۇستاتقان ەكەن.

ارايلىم: - قازاقستان رەسپۋبليكاسىنىڭ مەملەكەتتIك تۋى – قازاقستان رەسپۋبليكاسىنىڭ مەملەكەتتىك نەگiزگi ءرامiزدەردiڭ بiرi. ق ر پرەزيدەنتiنiڭ “قازاقستان رەسپۋبليكاسىنىڭ مەملەكەتتىك ءرامiزدەرi تۋرالى” كونستيتۋسيالىق زاڭ كۇشى بار جارلىعىمەن (24.1.1996) بەلگىلەنگەن. مەملەكەتتىك تۋ كوگiلدiر ءتۇستى تىك بۇرىشتى كەزدەمە. ونىڭ ورتاسىندا ارايلى كۇن، كۇننىڭ استىندا قالىقتاعان قىران بەينەلەنگەن. اعاش سابىنا بەكiتiلگەن تۇستا — ۇلتتىق ويۋلارمەن كەستەلەنگەن تىك جولاق ورنەكتەلگەن. كۇن، اراي، قىران جانە ويۋ-ورنەك — التىن ءتۇستى. تۋدىڭ ەنى ۇزىندىعىنىڭ جارتىسىنا تەڭ. ق ر مەمل. تۋىنىڭ اۆتورى — سۋرەتشى شاكەن نيازبەكوۆ. ءبىرىڭعاي كوك-كوگiلدiر ءتۇس توبەدەگى بۇلتسىز اشىق اسپاننىڭ بيىك كۇمبەزىن ەلەستەتەدى جانە قازاقستان حالقىنىڭ بiرلiك، ىنتىماق جولىنا ادالدىعىن اڭعارتادى. بۇلتسىز كوك اسپان بارلىق حالىقتاردا ءارقاشان دا بەيبiتشiلiكتiڭ، تىنىشتىق پەن جاقسىلىقتىڭ نىشانى بولعان. گەرالديكا (گەربتانۋ) تiلiندە — كوك ءتۇس جانە ونىڭ ءتۇرلi رەڭكi ادالدىق، سەنiمدiلiك، ءۇمiت سياقتى ادامگەرشiلiك قاسيەتتەرگە ساي كەلەدى. ەجەلگى تۇركى تiلiندە “كوك” ءسوزi اسپان دەگەن ۇعىمدى بiلدiرەدi. كوك ءتۇس تۇركi حالىقتارى ءۇشىن قاسيەتتى ۇعىم. تۇركى جانە الەمنiڭ وزگە دە حالىقتارىنداعى كوك ءتۇستiڭ مادەني-سەميوتيك. تاريحىنا سۇيەنە وتىرىپ، مەملەكەتتىك تۋداعى كوگiلدiر ءتۇس قازاقستان حالقىنىڭ جاڭا مەملەكەتتiلiككە ۇمتىلعان نيەت-تiلەگiنiڭ تازالىعىن، اسقاقتىعىن كورسەتەدi دەپ قورىتۋعا بولادى. نۇرعا مالىنعان التىن كۇن تىنىشتىق پەن بايلىقتى بەينەلەيدi. كۇن — قوزعالىس، دامۋ، ءوسiپ-وركەندەۋدiڭ جانە ءومiردiڭ بەلگiسi. كۇن — ۋاقىت، زامانا بەينەسi. قاناتىن جايعان قىران قۇس — بار نارسەنiڭ باستاۋىنداي، بيلىك، ايبىندىلىق بەينەسى. ۇلان-بايتاق كەڭiستiكتە قالىقتاعان قىران قر-نىڭ ەركiندiك سۇيگىش اسقاق رۋحىن، قازاق حالقىنىڭ جان-دۇنيەسiنiڭ كەڭدiگiن پاش ەتەدi.

نۇرجان: - باس بىلگىزىپ جەر تارپىعان تارلانعا،
جاسى تۇرماق شىعادى ەكەن قارتى اڭعا.
قالاي ونىڭ ەلتاڭباسى بولمايدى،
تۇلىگىنە دەيىن سالسا ەن-تاڭبا.
ەندى بۇگىن ولگەن تۋىم ءتىرىلدى،
ءانۇرانىم جالعاپ الدى عۇمىردى.
بوساعادا قالىپ كەتكەن ەلتاڭبام،
باياعىشا تورىمە كەپ ءىلىندى.

دامير: - ەلتاڭبا — قازاقستان رەسپۋبليكاسىنىڭ نەگiزگi مەملەكەتتiك ءرامiزدەرiنiڭ بiرi. ق ر پرەزيدەنتiنiڭ “قازاقستان رەسپۋبليكاسىنىڭ مەملەكەتتiك ءرامiزدەرi تۋرالى” كونستيتۋس. زاڭ كۇشi بار جارلىعىمەن (24.1.1996) بەلگiلەنگەن. ءرامiزدiك تۇرعىدان ق ر مەمل. گەربiنiڭ نەگiزi — شاڭىراق. ول — گەربتiڭ جۇرەگi. شاڭىراق — مەملەكەتتiڭ تۇپ-نەگiزi — وتباسىنىڭ بەينەسi. شاڭىراق — كۇن شەڭبەرi. اينالعان كۇن شەڭبەرiنiڭ قوزعالىستاعى سۋرەتi iسپەتتi، شاڭىراق — كيiز ءۇيدiڭ كۇمبەزi كوشپەلi تۇركiلەر ءۇشiن ءۇيدiڭ، وشاقتىڭ، وتباسىنىڭ بەينەسi. تۇلپار — دالا ءدۇلدiلi، ەر-ازاماتتىڭ سايگۇلiگi، جەلدەي ەسكەن ءجۇيرiك اتى، جەڭiسكە دەگەن جاسىماس جiگەردiڭ، قاجىماس قايراتتىڭ، مۇقالماس قاجىردىڭ، تاۋەلسiزدiككە، بوستاندىققا ۇمتىلعان قۇلشىنىستىڭ بەينەسi. قاناتتى تۇلپار — قازاق پوەزياسىنداعى كەڭ تاراعان بەينە. ول ۇشقىر ارماننىڭ، سامعاعان تاڭعاجايىپ جاسامپازدىق قيالدىڭ، تالماس تالاپتىڭ، اسىل مۇراتتىڭ، جاقسىلىققا قۇشتارلىقتىڭ كەيپi. قاناتتى تۇلپار ۋاقىت پەن كەڭiستiكتi بiرiكتiرەدi. ول ولمەس ءومiردiڭ بەينەسi. بiر شاڭىراقتىڭ استىندا ءتاتۋ-تاتتi ءومiر سۇرەتiن قازاقستان حالقىنىڭ ءوسiپ-وركەندەۋiن، رۋحاني بايلىعىن، سان سىرلى، الۋان قىرلى بەت-بەينەسiن پاش ەتەدi. بەس بۇرىشتى جۇلدىز گەربتiڭ ءتاجi iسپەتتi. ءاربiر ادامنىڭ جول نۇسقايتىن جارىق جۇلدىزى بار. ق. ر. مەملەكەتتىك ەلتاڭباسىنىڭ اۆتورلارى — ج.ءمالiبەكوۆ پەن ش.ءۋاليحانوۆ.

6- وقۋشى: - ءانۇرانىم-جان ۇرانىم
ايتار ءانىم،سويلەر ءسوزىم.
تۋعان جەرىم-ساعىنارىم،
جۇرسەم ەگەر دۇنيە كەزىپ.
تۋىمىزدىڭ كونە كۇنىن،
دالامىزدىڭ بايتاق ءۇنىن ،
ول ءانى عوي جۇرەگىمنىڭ
مىڭ قايتالاپ ايتام مۇنى.

7-وقۋشى: - قاتار شاپقان قوس تۇلپار،
اي استىندا قازاق ءۇي،
قالىقتاعان جاس سۇڭقار
شارىقتاعان تازا كۇي.
بۇل تاڭباسى ەلىمنىڭ
ەلدىگىمنىڭ بەلگىسى،
مۇندا دا بار ەرلىگىم،
مۇندا دا بار جەر كۇشى.
8- وقۋشى: - اينىمايدى اسپاننان
ءبىزدىڭ تۋدىڭ بوياۋى،
ونى حالىق قاشان دا،
بيىككە ءىلىپ قويادى.
جاناتىنداي ءوزى وتتا،
جالىن شارپىپ بەتىڭدى.
تۋىمىز دا قازاقشا
سويلەپ تۇرعان سەكىلدى.
تۋىمىزعا جاس تۇنعان،
ءبىر قاراماي وتپەيمىز،
سول كوك تۋدىڭ استىندا
كوگەرەمىز كوكتەيمىز

ءبارى:- قازاقستان،
تۋىمەن تۇعىرلى،
ەلتاڭباسىمەن ەڭسەلى،
انۇرانمەن ايباتتى.

نۇرجان: - ءبىزدىڭ حالقىمىزدا وتان تاقىرىبىنا ولەڭ - جىر دا، كۇي دە، ءتىپتى ماقال-ماتەلدەر دە كوپ-اق.
جانسايا:- ەندى سولاردىڭ ءبىرازىنا توقتالىپ وتسەك، سۋرەتتەردىڭ ورنىنا ءتيىستى ءسوزدى قويىپ، بەلگىلى ءبىر ماعىناسى بار ماقال شىعارىڭدار.

9- وقۋشى: - مەرەيىم – نۇرلانا بەر،ازات كۇنىم،
كورەيىن باقىتىمنىڭ ازاتتىعىن.
تاۋىمدى تامىلجىتقان بوستاندىقتان
تانىلدى بار الەمگە قازاق بۇگىن.
قۇتتىسىڭ تاۋەلسىزدىك – كيەلى كۇن!
قۇت كۇشىم –ەگەمەندىك يەلىگىم،
ۋاقىتتىڭ بيىگىنەن شۋاق توگىپ،
باقىتىم – ەركىندىك بوپ ۇيىلەر كۇن.

10- وقۋشى: - كورەيىن باقىتىمنىڭ ازاتتىعىن،
تاڭىمدى تامىلجىتقان بوستاندىقتان،
تانىلدى بار الەمگە قازاق بۇگىن.
كەڭ دالام، كول-داريام، سەڭگىر تاۋىم،
بابالار جەڭدى ەرلىكپەن نەبىر جاۋىن.
بايراعىم جەلبىرەپ تۇر بيىكتەردە،
بايلادىم تاۋەلسىزدىك - ءومىر باۋىن!

نۇرجان:- ەلباسى ن.ءا.نازاربايەۆ ءوزىنىڭ ەلىمىزگە ارناعان سوزىندە «…ۋاقىت قارقىنى زىمىران. كۇنى كەشە وتكەن سياقتى ۋاقيعالار بۇگىندە تاريح بەتتەرىنە اينالىپ تا ۇلگەردى. بۇل جاڭا مەملەكەت پەن جاڭا قوعامنىڭ دۇنيەگە كەلۋىنىڭ ازاپتى تولعاققا تولى، سونىمەن بىرگە عالامات ءساتى ەدى. سول ءسات ءالى اياقتالعان جوق، ءبىراق ەڭ قيىن بەلەستەردەن اسا بىلدىك. ەڭ قيىن جىلدار ءدال ءقازىر ارتىمىزدا قالدى، سوندىقتان دا مەن ەلىمىزدىڭ ەڭسەسى بيىكتەي بەرەتىنىنە سەنەمىن.» دەگەن ەدى.

جانسايا:- ەلىمىز قالاي بولعاندا دا سان عاسىرلىق قيىن-قىستاۋ جولدان، تار جول تايعاق كەشۋدەن ءوتىپ، تاۋەلسىز ەلدەر قاۋىمداستىعىنا قوسىلدى. وتانىمىز قازاقستانىمىز تۋرالى ايتارىمىز دا ماقتانارىمىز دا كوپ-اق! ەندىگى جەڭىس تە ەرلىك تە ءبىزدىڭ قولدا. دەربەس بولۋعا باعىت العان ەگەمەن ەلىمىز – قازاقستاندى كوركەيتەتىن، شاڭىراعىن بيىكتەتىپ بايىتاتىن، ابىرويىن اسىرىپ، ءوز باقىتىنىڭ يەسى بولۋىنا قول جەتكىزىپ وتىراتىن، ءبىلىم مەن بىلىك جولىن تاڭداعان كەيىنگى ۇرپاقتار، ياعني، ءبىز جۇمىلا ەڭبەك ەتۋىمىز قاجەت. XXI عاسىردا قازاقتىڭ قاسىرەتى از بولعاي، قۋانىشى كوپ بولعاي! تاياۋداعى ءجۇز جىلدىق، ارىدەگى مىڭ جىلدىقتاردا قازاقتىڭ ارمانى مەن مۇددەسىن، ەلدىگى مەن ەڭبەگىن حاق تاعالا باياندى ەتكەي!

حور: «ەلىم مەنىڭ»
ءمۇعالىم ءسوزى:- مىنە، بالالار، بۇگىن وزدەرىڭدى تاۋەلسىز ەلىمىزدىڭ بولاشاعى ەكەندەرىڭدى، ياعني، ناعىز ازامات ەكەندىكتەرىڭدى كورسەتە بىلدىڭدەر. بەلگىلى اقىن اتامىز ج. مولداعالييەۆ:
وتكەنىڭدى ەسكە الساڭ،
وسكەنىڭنىڭ بەلگىسى.
وتكەنىڭدى ۇمىتساڭ،
وشكەنىڭنىڭ بەلگىسى،
- دەگەن ەكەن. سوندىقتان، حالقىمىزدىڭ بۇگىنگى ۋاقىتقا دەيىنگى جەتكەن جەتىستىكتەرى وزدەرىڭە امانات. سونداي-اق، ەلىمىزدىڭ ەگەمەندىگىن تانىتاتىن رەسمي ەرەكشەلىك بەلگىلەرى: انا ءتىلىمىز، ەلتاڭبامىز، تۋىمىز، اتا زاڭىمىز، ءانۇرانىمىزدى بويىنداعى بويتۇمارىنداي ساقتاپ قانا قويماي، قاشاندا ەلىمىزدىڭ، جەرىمىزدىڭ ەركىندىگىن ساقتار مىقتى ۇرپاق، مىقتى ازامات بولاتىندارىڭا سەنىمىم مول. جولدارىڭ اشىق، جارقىن بولسىن، تاۋەلسىز ەلدىڭ ازاماتتارى!