InfoHub Logo

سوڭعى ۋاقىتتا، بارشامىزعا بەلگىلى كونە تۇركىستانىمىز جاڭاشا تۇلەپ، جاڭعىرىپ الەمنىڭ تۇكپىر تۇكپىرىنەن وزىنە كوپتەگەن تۋريستەردى تارتۋ ۇستىندە. ارينە، بۇل ءبىزدى قۋانتاتىن جايت، ءبىراق دەگەنمەن ءار نارسەنىڭ جاقسى جانە جامان جاعى بولادى. ياعني، شاھارىمىزعا تۋريستەردىڭ كوپتەپ كەلۋى ەكونوميكالىق جانە ديپلوماتيالىق جاعىنان العاندا، وتە ءتيىمدى ءارى ءبىرشاما پايدالى. سەبەبى، تۋريزم قازىرگى تاڭدا الەم بويىنشا قارجى جاعىنان ەڭ ءتيىمدى قولايلى سالالاردىڭ ءبىرى. بۇل تۋريزم سالاسى ەكونوميكامىزدىڭ قانشا جەردەن دامىتقانىمەن، الەۋمەتتىك احۋالىمىزدى ارتتىرعانىمەن، ەكولوگيالىق تۇرعىدان الىپ قاراعاندا، تۋريستتەردىڭ كوپتەپ اعىلۋى شاھارىمىزداعى رەكرەاسيوندى جۇكتەمەلەردىڭ ارتۋىنا اكەلىپ سوقتىرادى. سونىمەن قاتار، شەكتەلگەن اۋماقتاعى تابيعي رەسۋرستاردىڭ جوعارى كونسەنتراسياسى، ارتىق پايدالانۋ، عيماراتتار مەن ينفراقۇرىلىم سالۋ جانە تۋريزممەن بايلانىستى باسقا دا ءىس-شارالار قورشاعان ورتاعا كەرى اسەرىن تيگىزەدى. جالپى، ءتۋريزمنىڭ قورشاعان ورتاعا اسەرى تۋريستىك قىزمەتتىڭ ماسشتابى مەن تۇرىنە بايلانىستى. جەكە تۋريست ادەتتە از اسەر ەتەدى. ماسەلەلەر تۋريستەر سانى كوبەيگەندە نەمەسە رەسۋرستاردى پايدالانۋ وزگەرگەن كەزدە تۋىندايدى. سونىمەن، تۋريزم ايتارلىقتاي تابىس كوزى بولعانىمەن، ونىمەن بايلانىستى كۇردەلى ماسەلەلەر بار. ءبىراق كەز كەلگەن ۋاقىتتا دا ، ءار نارسەنىڭ ءوز شەشىمى بار. تۋريستتەر قانشالىقتى كوپ بولسا، ودان ەكى ەسە جاسىل ەكونوميكامىزدى دامىتىپ، ەكولوگيالىق جاعدايىمىزدى جاقسارتۋىمىز كەرەك. ەكولوگيا مەن ەكونوميكانى تەڭ دەڭگەيدە ۇستاعان جاعداي دا عانا ءبىز تۇراقتى دامي الامىز. بۇۇ-نىڭ قورشاعان ورتا جانە تۇراقتى دامۋ باعىتىنىڭ دا، نەگىزگى ماقساتى سول، ەكونوميكا مەن ەكولوگيانى ۇشتاستىرا وتىرىپ، تۇراقتى ارەكەت ەتۋ. شىن مانىندە، قالامىزداعى نەگىزگى كەسەنەگە كەلەتىن ۇلكەن داڭعىل جول بار. وسى داڭعىل جولدان الداعى ۋاقىتتا تروللەيبۋس جۇرگىزۋدى قولعا الىپ جاتىر. بۇل يدەيا ەكونوميكالىق جاعىنان ءتيىمدى، ءارى قالامىزدىڭ ەكولوگيالىق كەلبەتىنە دە وڭ ۇلەس قوسادى. قازىرگى تاڭدا تۋريستىك شاھارىمىز تۇركىستاننىڭ ەكولوگيالىق پروبلەمالارىن شەشۋ ماقساتىندا كوپتەگەن جۇمىستار اتقارىلۋدا، سونىڭ ءبىرى قالامىزدىڭ شەت جاقتارىنا دەيىن كوگالداندىرۋ جۇمىستارى وڭ ناتيجە بەرىپ، اتموسفەرامىزدىڭ تازارۋىنا وزىندىك سەپتىگىن تيگىزىپ جاتىر. شاھارىمىزدىڭ گۇلدەنۋىنە بىرگە، بارلىعىمىز ءبىر كىسىدەي اتسالىسايىق!!!

كۋلبايەۆا ايگەرىم امانگەلدييەۆنا-قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ  مەملەكەتتىك باسقارۋ جانە ەكونوميكا جوعارى مەكتەبىنىڭ اعا وقىتۋشىسى!

ۇلاسبەك قىزى رابيا – ق. ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ مەملەكەتتىك  جانە جەرگىلىكتى باسقارۋ ماماندىعىنىڭ 1-كۋرس ستۋدەنتى!

---