InfoHub Logo

قاس پەن كوزدىڭ اراسى – حالىقتىق ولشەم. لەزدە، تەز، جىلدام، كوزدى اشىپ جۇمعانشا دەگەن ماعىنانى بىلدىرەدى.
قاس-قاعىم (كوزدى اشىپ-جۇمعانشا) – جارىقتىڭ جىلت ەتۋى، كوزدى اشىپ-جۇمعانشا كەتەتىن ۋاقىت، شامامەن 0،7 - 1 سەك ارالىعى.
ءسۇت ءپىسىرىم – حالىقتىق ولشەم، شيرەك ساعات شاماسى، شامامەن 15 مينۋت
بيە ساۋىمداي ۋاقىت – بيەنىڭ ەكى ساۋىمىنىڭ اراسى، ءبىر ساعات شاماسىنداعى مەزگىل.
تاڭ ءسارى – شولپان جۇلدىزىنىڭ تۋعان مەزگىلى.
بوزالا تاڭ – كۇن شاپاعىنىڭ بەلگىسى، تاڭنىڭ اعارا باستاۋى.
تاڭ اتا – كۇننىڭ ۇياسىنان شىعار الدىنداعى مەزگىل.
ساسكە – كۇن شىعىپ، ارقان بويى كوتەرىلگەن كەز.
ۇلى ساسكە – تال تۇسكە جاقىنداعان مەزگىل.
تال ءتۇس – كۇننىڭ تاس توبەگە كەلۋى، ياعني، مىسالى، قازىقتىڭ كولەڭكەسى ونىڭ ءدال تۇبىنە ءتۇسۋى.
ساسكە ءتۇس – شاڭقاي ءتۇس مەزگىلى نەمەسە كۇننىڭ قيعاش 45 گرادۋسپەن ءتۇسۋى، ياعني، مىسالى، قازىقتىڭ ءوزىنىڭ بيىكتىگى مەن كولەڭكەسىنىڭ ۇزىندىعى تەڭەسكەن كەز.
كەشقۇرىم – كۇن باتقان كەز.
ءتۇن ورتاسى – تۇنگى ساعات 12.
ءتۇن جارىم – تۇنگى ساعات 3.
ات ادىم – اقپان ايىنداعى كۇننىڭ ۇزارۋى، ول 38 مينۋتقا تەڭ.
ەلىك ادىم – قاڭتاردىڭ باسىنان اقپاننىڭ اياعىنا دەيىنگى ارالىقتاعى كۇننىڭ ۇزارۋى، ول 74 مينۋتقا تەڭ كەلەدى.
قارعا ادىم – كاڭتار ايىنداعى كۇننىڭ ۇزارۋى، ول 36 مينۋتقا تەڭ.

---