InfoHub Logo

ۇلتتىق ءبىرىڭعاي تەستىلەۋدىڭ ەكى كەزەڭدە وتەتىندىگى تۋرالى تولىق مالىمەت.

1. قورىتىندى اتتەستاتتاۋ – بۇل مەملەكەتتىك ءبىتىرۋ ەمتيحانى.

2. ۇبت - جوعارى وقۋ ورىندارىنا ءتۇسۋ ەمتيحانى.

1. 11 سىنىپ وقۋشىسىن قورىتىندى اتتەستاتتاۋ ءبىتىرۋشى ەمتيحان نىسانىندا مەكتەپتە بەس پاننەن، ونىڭ ىشىندە 4 مىندەتتى (انا ءتىلى، ەكىنشى ءتىل، الگەبرا جانە اناليز باستامالارى، قازاقستان تاريحى) جانە

وقىتۋ بەيىنى (قگب جانە جمب) ەسكەرىلە وتىرىپ 1 تاڭداۋ بويىنشا پاننەن وتەدى.

بارلىق ەمتيحاندار، ونىڭ ىشىندە تەستىلەۋ دە ءبىلىم الۋشىنىڭ ءوزى وقيتىن مەكتەبىندە وتەدى.

ەمتيحانداردىڭ تىزبەسى جانە نىسانى مىنادىي:

1) انا ءتىلى جانە ادەبيەتىنەن (وقىتۋ ءتىلى) ەسسە نىسانىندا جازباشا ەمتيحان. ەسسەگە 3 استرونوميالىق ساعات بەرىلەدى.

ۇسىنىلعان ءۇش تاقىرىپتان وقۋشى ءبىر تاقىرىپتى تاڭدايدى. 250-300 سوزدەن تۇراتىن ەسسە جازۋى قاجەت.

ەسسە تاقىرىبىن تاڭداعاننان كەيىن بىتىرۋشىلەر نەگىزگى يدەيانى انىقتاۋى (ول نە تۋرالى؟)، پروبلەمانى جيناقتاۋى، دالەلدەر جازۋى، ءتىل قۇرالدارىن جانە تىلدىك ادىستەردى (سالىستىرۋلار، ەپيتەتتەر، مەتافورالار، ريتوريكالىق سۇراق، كىرىسپە سوزدەر مەن ۇسىنىستار ت.ب.) پايدالانۋى، ەسسەنىڭ جالپى قورىتىندىسىن قالىپتاستىرۋى كەرەك.

قازاق تىلىنەن ەسسەنىڭ ۇلگىلىك تاقىرىپتارى

1. ساياحاتشىلار ءوزى كەلگەن ەلدىڭ ءسالت-دۇستۇرىن ساقتاۋعا مىندەتتى مە؟

2. عىلىمي-تەحنولوگيالىق پروگرەسس ادامدارعا اسەر ەتەدى دەپ ويلايسىز با؟

3. كينووندىرىس جاستارعا ءوز اسەرىن تيگىزەدى دەپ ويلايسىز با؟

بارلىق جۇمىستارعا ءبىرىڭعاي باعالاۋ ولشەمشارتارى قولدانىلادى.

2) الگەبرا جانە اناليز باستامالارى پانىنەن جازباشا ەمتيحانعا 5 استرونوميالىق ساعات بەرىلەدى. بۇل ەمتيحان 5 تاپسىرمادان تۇرادى.

تاپسىرمالار ماتەماتيكالىق فاكتىلەردى، تۇسىنىكتەردى جانە تاسىلدەردى مەڭگەرۋ دەڭگەيىن انىقتاۋعا، ەسەپ شىعارۋ جانە لوگيكالىق تاپسىرمالاردى شەشۋ داعدىلارىن، فۋنكسيونالدىق ساۋاتتىلىعىن بىلۋگە باعىتتالعان.

3) قازاقستان تاريحىنان اۋىزشا ەمتيحان (بيلەت بويىنشا)؛

ءار بيلەتتە 3 سۇراقتان بولادى. ەكى سۇراق قازاقستان تاريحىنىڭ بارلىق كۋرسىنىڭ نەگىزگى بولىمدەرىنەن تەوريالىق سۇراقتار، 3ء-شى سۇراق شىعارماشىلىق تۇرعىداعى تاپسىرما (كارتا، كەسكىندەر، پورترەتتەر، حرانولوگيالىق كەستەلەر پايدالانۋ ارقىلى تاپسىرمالار ت.ب.).

4) ورىس، وزبەك، ۇيعىر جانە تاجىك تىلدەرىندە وقىتاتىن مەكتەپتەردە قازاق تىلىنەن جانە قازاق تىلىندە وقىتاتىن مەكتەپتەردە ورىس تىلىنەن تەستىلەۋ (بەرىلگەن ۋاقىت 80 مينۋت، بارلىعى 40 سۇراققا 40 بالل)؛

 

بۇل پاندەردىڭ تاپسىرمالارىنىڭ سانى مەن نىسانى مىناداي بولادى.

لەكسيكالىق-گرامماتيكالىق بلوك – 20 تەست تاپسىرماسى ءبىر دۇرىس جاۋابىن تاڭداۋ ارقىلى؛ 

«تىڭدالىم» بلوگى – 10 تەست تاپسىرماسى

(2 ءماتىن، 200-250 ءسوز)؛

«وقىلىم» بلوگى – 10 تەست  تاپسىرماسى  (2 ءماتىن، 200-250 ءسوز).

5) تاڭداۋ بويىنشا ءبىر پاننەن (فيزيكا، حيميا، بيولوگيا، گەوگرافيا، گەومەتريا، دۇنيەجۇزى تاريحى، ادەبيەت، شەتەل ءتىلى (اعىلشىن، فرانسۋز، نەمىس)، ينفورماتيكا پاندەرىنىڭ بىرەۋىن تاڭدايدى) تەستىلەۋ.

بۇندا بارلىعى 40 تەست تاپسىرماسى بولادى (80 مينۋت، 40 سۇراققا – 60 بالل بەرىلەدى)، ونىڭ 20 سۇراعى ءبىر دۇرىس جاۋابىن تابۋ ارقىلى (20 بالل بەرىلەدى)، 20 سۇراعى بىرنەشە دۇرىس جاۋابىن تابۋ ارقىلى (40 بالل بەرىلەدى).

ەكى ءپان بويىنشا تەستىلەۋ مەكتەپتە ءبىر كۇندە وتەدى

ەمتيحانعا بەرىلگەن باعالاۋمەن كەلىسپەگەن جاعدايدا، ءبىتىرۋشى كەلەسى كۇنگى ساعات 13.00-گە دەيىن اۋداندىق، قالالىق ءبىلىم بولىمدەرىنىڭ جانە وبلىستىق ءبىلىم باسقارمالارىنىڭ جانىنان قۇرىلعان كوميسسياعا شاعىمدانۋىنا بولادى.

قورىتىندى اتتەستاتتاۋدىڭ ناقتى مەرزىمى مينيسترلىكتىڭ «2016-2017 وقۋ جىلىن اياقتاۋ تۋرالى» بۇيرىعىمەن ايقىندالادى (2017 جىلعى 30 ساۋىرگە دەيىن). ەمتيحاندار شامامەن 2017 جىلعى 29 مامىر مەن 9 ماۋسىم ارالىعىندا وتەدى.

قورىتىندى اتتەستاتتاۋدىڭ بارلىق ماتەريالدارىن دايىنداۋدى جانە ءبىلىم باسقارمالارىنا دەيىن جەتكىزۋدى ۇلتتىق تەستىلەۋ ورتالىعى، ال مەكتەپتەرگە دەيىن جەتكىزۋدى ءبىلىم باسقارمالارى ۇيىمداستىرادى.

جازباشا جانە اۋىزشا ەمتيحاندى باعالاۋدى، بەرىلگەن دۇرىس جاۋاپ كودتارى نەگىزىندە جاۋاپ پاراقتارىن تەكسەرۋدى مەكتەپتە قۇرىلعان ەمتيحان كوميسسياسى ءار ءپان بويىنشا جۇرگىزەدى.

قورىتىندى اتتەستاتتاۋدىڭ ماتەريالدارى (جاۋاپ پاراقتارى، سۇراق كىتاپشالارى ت.ب.) مەكتەپتە ءبىر وقۋ جىلى بويىندا ساقتالادى.

ءبىتىرۋ كەشتەرى مەكتەپتە 2017 جىلعى 15 ماۋسىمعا دەيىنگى مەرزىمدە  وتكىزىلەدى.

ۇلتتىق ءبىرىڭعاي تەستىلەۋ (ۇبت)

ۇبت جوعارى وقۋ ورنىنا ءتۇسۋ ەمتيحانى جانە مەملەكەتتىك گرانتتاردى ءبولۋ جۇيەسى  رەتىندە قالادى.

2017 جىلعى ۇبت فورماتى بويىنشا 120 سۇراق   (20+20+20+30+30=120 تاپسىرما) 5 ءپان بويىنشا، ونىڭ 3ء-ى مىندەتتى جانە تالاپكەردىڭ جوعارى وقۋ ورنىنا تاپسىراتىن ماماندىعىنا بايلانىستى 2ء-ى بەيىنى بويىنشا قاراستىرىلعان. بارلىق سۇراقتار ەسكەرىلەدى.

		تاپسىرما سانى	تاپسىرما فورماسى	باعالاۋ وبەكتى
1- بلوك	ماتەماتيكالىق ساۋاتتىلىق	20	ۇسىنىلعان بەس تاپسىرمانىڭ  ءبىر دۇرىس جاۋابىن تاڭداي وتىرىپ	فۋنكسيونالدى ساۋاتتىلىق، لوگيكا، ساندىق سالىستىرۋعا تاپسىرمالار
	وقۋ ساۋاتتىلىعى	20 (4 ءماتىن)	ۇسىنىلعان بەس تاپسىرمانىڭ  ءبىر دۇرىس جاۋابىن تاڭداي وتىرىپ	وقۋ، ءماتىندى ءتۇسىنۋ، ءماتىن مازمۇنىنا رەفلەكسيا، تالداۋ جاساي ءبىلۋ، سالىستىرۋ جانە ت.ب.
	قازاقستان تاريحى	20	ۇسىنىلعان بەس تاپسىرمانىڭ  ءبىر دۇرىس جاۋابىن تاڭداي وتىرىپ	ءپاندى ءبىلۋ
	بەيىندىك پاندەر (ءاربىر ماماندىق بويىنشا ەكى ءپان)
	1 بەيىندى ءپان	20	ۇسىنىلعان بەس تاپسىرمانىڭ  ءبىر دۇرىس جاۋابىن تاڭداي وتىرىپ	ءپاندى تەرەڭ ءبىلۋ (مەڭگەرۋدىڭ ىلگەرى دەڭگەيى)، كەڭ اۋقىمدى داعدىلانۋ
		10	ۇسىنىلعان كوپ تاپسىرمانىڭ  بىرنەشە دۇرىس جاۋابىن تاڭداي وتىرىپ	ءپاندى تەرەڭ ءبىلۋ (مەڭگەرۋدىڭ ىلگەرى دەڭگەيى)، كەڭ اۋقىمدى داعدىلانۋ
2- بلوك	2 بەيىندى ءپان	20	ۇسىنىلعان بەس تاپسىرمانىڭ  ءبىر دۇرىس جاۋابىن تاڭداي وتىرىپ	ءپاندى تەرەڭ ءبىلۋ (مەڭگەرۋدىڭ ىلگەرى دەڭگەيى)، كەڭ اۋقىمدى داعدىلانۋ
		10	ۇسىنىلعان بەس تاپسىرمانىڭ  بىرنەشە دۇرىس جاۋابىن تاڭداي وتىرىپ	ءپاندى تەرەڭ ءبىلۋ (مەڭگەرۋدىڭ ىلگەرى دەڭگەيى)، كەڭ اۋقىمدى داعدىلانۋ

 

تەستىلەۋ ۋاقىتى 3 ساعات 30 مينۋتتى قۇرايدى. شەكتى بالل 50 وزگەرىسسىز قالادى.

جوو-نىڭ  بارلىق 175 ماماندىعى 10 كومبيناسياعا بەيىندى پاندەر شەگىندە ءبولىندى. بەيىندى پاندەردى ءبىتىرۋشى تۇسەتىن ماماندىعىن انىقتاۋى ءۇشىن ءوزى تاڭداۋى ءتيىس (مىسالى،  ماتەماتيكا + فيزيكانى تاپسىرۋ كەزىندە، تالاپكەردىڭ 52 ماماندىقتىڭ ىشىنەن تاڭداۋ مۇمكىندىگى بار). 

№	بەيىندى پاندەر	ماماندىقتار سانى
1	ماتەماتيكا + فيزيكا	52
2	ماتەماتيكا + گەوگرافيا	18
3	تاريح+ گەوگرافيا	7
4	بيولوگيا + حيميا	22
5	بيولوگيا + گەوگرافيا	12
6	شەت ءتىلى + تاريح	11
7	وقىتۋ ءتىلى جانە ادەبيەت (قازاق نەمەسە ورىس) + تاريح	7
8	گەوگرافيا + شەت ءتىلى	4
9	حيميا + فيزيكا	5
10	تاريح + ادام. قوعام. قۇقىق	4
11	شىعارماشىلىق ەمتيحان	33
بارلىعى		175

 

تەستىلەۋگە قاتىسۋعا ءوتىنىش قابىلداۋ    10 ناۋرىز – 10 مامىر ارالىعىندا ۇبت-نى وتكىزۋ پۋنكتتەرى ارقىلى جۇزەگە اسىرىلادى. ۇبت 165 ۇبت-نى وتكىزۋ پۋنكتتەرىنىڭ بازاسىندا وتكىزىلەدى. ۇبت-نى وتكىزۋ مەرزىمى – 20 ماۋسىم مەن 1 شىلدە ارالىعى. 2017 جىلعى تامىز ايىندا جانە 2018 جىلدىڭ قاڭتار ايىندا ۇبت-نى اقىلى نەگىزدە قايتا تاپسىرۋ مۇمكىندىگى بەرىلەدى. شەكتى بالل – 50.

«التىن بەلگى» يەگەرلەرى، جالپى ءبىلىم بەرەتىن پاندەر بويىنشا حالىقارالىق، رەسپۋبليكالىق وليمپيادالاردىڭ، عىلىمي جوبالاردىڭ جەڭىمپازدارى مەن جۇلدەگەرلەرى ۇبت-نى جالپى نەگىزدە تاپسىرادى، سونداي-اق بالل سانى بىردەي بولعان جاعدايدا ءبىلىم بەرۋ گرانتتارىن الۋ باسىمدىعى ولارعا بەرىلەدى (مىسالى، ەگەر ءبىتىرۋشى جانە «التىن بەلگى» يەگەرى دە 122 بالل السا، گرانت «التىن بەلگى» يەگەرىنە بەرىلەدى. ەگەر ءبىتىرۋشى كوبىرەك بالل جيناعان جاعدايدا، «التىن بەلگى» يەگەرىنە باسىمدىق بەرىلمەيدى).

جالپى ءبىلىم بەرەتىن پاندەر بويىنشا 5 حالىقارالىق وليمپيادانىڭ جەڭىمپازدارى مەن جۇلدەگەرلەرىنە ارنايى گرانتتار بولىنەدى.

تالاپكەرلەردى كەشەندى تەستىلەۋ (تكت)

كوللەدج بىتىرۋشىلەرى ءۇشىن تكت فورماتى وزگەرتىلدى.

تكت-نىڭ جاڭا فورماتى بويىنشا كوللەدجدەر ءۇشىن 60 سۇراق قاراستىرىلعان، ونىڭ 20-سى جالپى پاندەر جانە 40-ى بەيىندى پاندەر بويىنشا. بۇل ەگەر ءبىتىرۋشى ءوز بەيىنى بويىنشا وقيتىن بولسا (مىسالى، پەداگوگيكالىق ماماندىققا باراتىن پەداگوگيكالىق كوللەدجدىڭ بىتىرۋىشىسىنە ارنالعان). ماماندىق بەيىنىن وزگەرتەتىن ءبىتىرۋشى تەستىلەۋدى ۇبت فورماتى بويىنشا تاپسىرادى.

تەستىلەۋ ۋاقىتى  - 100 مينۋت.

	تاپسىرما سانى	تاپسىرما فورماسى	باعالاۋ وبەكتى
جالپى بەيىندى ءپان	20	ۇسىنىلعان بەس جاۋاپتان ءبىر دۇرىس جاۋاپتى تاڭداي وتىرىپ	تاپسىرمالار بازالىق ءپان بويىنشا  اكادەميالىق ءبىلىمىن تەكسەرۋگە باعىتتالادى
	30	ۇسىنىلعان كوپ جاۋاپتان  ءبىر دۇرىس جاۋابىن تاڭداي وتىرىپ	تەست تاپسىرمالار بازالىق ءپان بويىنشا  تەرەڭ اكادەميالىق ءبىلىمىن جانە پراكتيكالىق قابىلەتى مەن داعدىلارىن تەكسەرۋگە باعىتتالادى
بەيىندى ءپان	10	ۇسىنىلعان كوپ جاۋاپتان  بىرنەشە دۇرىس جاۋاپتى تاڭداي وتىرىپ	تەست تاپسىرمالار بازالىق ءپان بويىنشا  تەرەڭ اكادەميالىق ءبىلىمىن جانە پراكتيكالىق قابىلەتى مەن داعدىلارىن تەكسەرۋگە باعىتتالادى

تەستىلەۋگە قاتىسۋعا ءوتىنىش قابىلداۋ    - 10 ناۋرىز - 1 شىلدە ارالىعى. تكت بازالىق جوعارى وقۋ ورنىندا ورنالاسقان 42 ۇبت-نى وتكىزۋ پۋنكتتەرىندە وتكىزىلەدى. تكت-نى وتكىزۋ مەرزىمى – 17 شىلدە مەن       23 شىلدە ارالىعى. شەكتى بالل – 35.

2017 جىلعى ۇبت بويىنشا ماماندىقتار ءتىزىمى جاريالاندى

---