InfoHub Logo

اقپاراتتىق-تالداۋ ورتالىعى «ءبىلىم بەرۋدىڭ جانە عىلىمنىڭ ساپاسىنا قاناعاتتانۋشىلىققا مونيتورينگ جاساۋ» جوباسىنىڭ اياسىندا ءۇش كەڭ اۋقىمدى الەۋمەتتىك زەرتتەۋدى قورىتىندىلادى.

«ءبىلىم بەرۋ بۇل - ەڭ الدىمەن قوعامنىڭ الەۋمەتتىك تاپسىرىسى. سوندىقتان دا ءبىلىم جانە عىلىم مينيسترلىگى ءبىرقاتار الەۋمەتتىك زەرتتەۋلەر وتكىزۋگە باستاماشىلىق ەتتى، ولار حالىقپەن كەرى بايلانىس ورناتۋدىڭ  ىقپالدى تەتىگى بولىپ تابىلادى. زەرتتەۋ قازاقستاننىڭ بارلىق وڭىرلەرىن قامتىدى. ساۋالناماعا 5 500 رەسپوندەنت قاتىستى»،-دەپ اتاپ وتىلگەن اقپاراتتىق-تالداۋ ورتالىعىنىڭ مالىمەتىندە.

بەلگىلى بولعانداي، ناتيجەلەر حالىقتىڭ ءبىلىم جانە عىلىم سالاسىندا جۇزەگە اسىرىلىپ جاتقان باستامالار تۋرالى اقپاراتقا جوعارى قىزىعۋشىلىق تانىتانىن دالەلدەيدى. ق ر بعم مەن وڭىرلەردەگى ءبىلىم باسقارمالارىنىڭ رەسمي ۆەب-پاراقشالارىنا قاراعاندا، تەليەۆيزيا اقپاراتتى تارتۋدىڭ كەڭ تارالعان قاينار كوزى بولىپ قالدى.

حالىق پەن ساراپشىلار جەرگىلىكتى اتقارۋشى ورگانداردىڭ مەكتەپكە دەيىنگى ۇيىمداردا ورىن كەزەگىن ۇلەستىرۋ قىزمەتىن، بەيىندى مينيسترلىكتىڭ نورماتيۆتىك قۇقىقتىق اكتىلەردى ساپالى ازىرلەۋ قىزمەتىن تومەن باعالايدى.

«حالىقتىڭ 72 پايىزى مەملەكەتتىڭ 2017 جىلدان باستاپ ءبىرىنشى جۇمىسشى ماماندىقتى تەگىن بەرۋ ساياساتىنا قاناعاتتانادى. رەسپوندەنتتەردىڭ پىكىرىنشە، بۇل جاستاردىڭ قوعامدا الەۋمەتتەنۋىن قامتاماسىز ەتۋگە مۇمكىندىك بەرەدى (69%)، ەلىمىزدەگى جۇمىسسىزدىقتىڭ دەڭگەيىن تومەندەتەدى (66%) جانە جۇمىسشى ماماندىقتاردىڭ بەدەلىن ارتتىرادى (62%). ساۋالناما مەن باستى رەسپوندەتتەردىڭ تەرەڭدەتىلگەن سۇحباتتارىنىڭ ناتيجەلەرى بويىنشا قورىتىندىلار مەن ۇسىنىستار ءبىلىم مەن عىلىم سالاسىنداعى باعدارلامالىق قۇجاتتاردى ازىرلەۋدە ەسكەرىلۋى ءتيىس»،-دەلىنگەن ورتالىق حابارلاماسىندا. 

---